Ahmedabad: અમદાવાદમાં 3 શાળાઓના નવા ભવનોનું લોકાર્પણ, શિક્ષણ સુવિધાઓને મળશે વેગ

અમદાવાદમાં શૈક્ષણિક માળખાને વધુ મજબૂત બનાવવાના હેતુથી 3 શાળાઓના નવા ભવનોનું લોકાર્પણ કરવામાં આવશે. ગુજરાત સરકારના સમગ્ર શિક્ષા, અમદાવાદ મ્યુનિસિપલ કોર્પોરેશન અને નગર પ્રાથમિક શિક્ષણ સમિતિ, અમદાવાદના સંયુક્ત ઉપક્રમે યોજાનારા આ કાર્યક્રમમાં શાળાઓના નવા ભવનો વિદ્યાર્થીઓને સમર્પિત કરવામાં આવશે.

શાળાના નવા ભવનનું લોકાર્પણ

આ કાર્યક્રમમાં એસ.આર.પી. ગુજરાતી શાળા નંબર 2ના નવા બે માળના ભવન, છત્રપતિ શિવાજી મહારાજ પબ્લિક સ્કૂલના લોકાર્પણ સહિત શાળાના નવા ભવનનું લોકાર્પણ કરવામાં આવશે.

3 નવેમ્બરે લોકાર્પણ કાર્યક્રમ

આ કાર્યક્રમ 3 નવેમ્બર, મંગળવારના રોજ યોજાશે. કાર્યક્રમની શરૂઆત સવારે 10 વાગ્યે છત્રપતિ શિવાજી મહારાજ પબ્લિક સ્કૂલ, નરોડા ખાતે થશે. ત્યારબાદ સવારે 10:15 વાગ્યે ઠકક્કરબાપા નગર   જરાતી શાળા નંબર 2, ભવાની ચોક, અમદાવાદ ખાતે કાર્યક્રમ યોજાશે.સવારે 10:30 વાગ્યે એસ.આર.પી. ગુજરાતી શાળા નંબર 2, એસ.આર. કેમ્પસ નજીક, પટેલવાડી વિસ્તાર, કૃષ્ણનગર, અમદાવાદ ખાતે લોકાર્પણ કાર્યક્રમ યોજાશે.

શિક્ષણ સુવિધાઓમાં થશે વધારો

નવા શાળા ભવનોના લોકાર્પણથી વિદ્યાર્થીઓને વધુ સારી શૈક્ષણિક સુવિધાઓ ઉપલબ્ધ કરાવવાનો પ્રયાસ કરવામાં આવ્યો છે. શાળાઓમાં ભૌતિક માળખાની સુવિધાઓ વધવાથી શિક્ષણ માટે અનુકૂળ વાતાવરણ ઊભું થશે અને વિદ્યાર્થીઓને અભ્યાસ માટે વધુ સુવિધા મળશે.

મહાનુભાવો ઉપસ્થિત રહેશે

આ કાર્યક્રમમાં લોકાર્પણ સાથે જોડાયેલા મહાનુભાવો અને શૈક્ષણિક ક્ષેત્રના પ્રતિનિધિઓ ઉપસ્થિત રહેશે. કાર્યક્રમમાં મુખ્ય અતિથિ તરીકે હિતેશ કાંતિલાલ બારોટ સાથે જ વિવિધ મહાનુભાવો અને શૈક્ષણિક પ્રતિનિધિઓની ઉપસ્થિતિ રહેશે.

શૈક્ષણિક માળખાના વિકાસ તરફનું એક પગલું

અમદાવાદમાં શાળાઓના નવા ભવનોનું લોકાર્પણ શૈક્ષણિક માળખાના વિકાસ તરફનું એક પગલું છે. વિદ્યાર્થીઓને ગુણવત્તાયુક્ત શિક્ષણની સાથે જરૂરી ભૌતિક સુવિધાઓ મળે તે દિશામાં આ કાર્યક્રમ મહત્વનો બની રહેશે.

નરોડા મુઠિયા કોમ્યુનિટી હોલનું લોકાર્પણ

બીજા કાર્યક્રમમાં અમદાવાદ મ્યુનિસિપલ કોર્પોરેશન દ્વારા ઉત્તર ઝોનના નરોડા વોર્ડમાં નરોડા મુઠિયા કોમ્યુનિટી હોલનું લોકાર્પણ કરવામાં આવશે. આ કાર્યક્રમ પણ 3 નવેમ્બર, મંગળવારના રોજ સવારે 11 વાગ્યે યોજાશે. આ કાર્યક્રમમાં મહાનુભાવો ઉપસ્થિત રહી લોકાર્પણ કરશે. 

આ પણ વાંચો :    Crime : પરિવારના 4 સભ્યોની હત્યા કરી મોભીએ ટ્રેન સામે ઝંપલાવી આપઘાત કર્યો