Anand: રામનવમીના બંદોબસ્તમાં બેદરકારી અને DySP સાથે ઉદ્ધત વર્તન કરનાર હેડ કોન્સ્ટેબલ સસ્પેન્ડ

આણંદ જિલ્લામાં પોલીસ શિસ્ત અને ફરજ પ્રત્યેની ગંભીરતાને લઈને મોટી કાર્યવાહી કરવામાં આવી છે. સોજીત્રા પોલીસ મથકમાં ફરજ બજાવતા હેડ કોન્સ્ટેબલ ચિંતનગીરી વસંતગીરીને તેમની ફરજમાં બેદરકારી અને ઉપરી અધિકારી સાથેના અસભ્ય વર્તન બદલ તાત્કાલિક અસરથી સસ્પેન્ડ કરવામાં આવ્યા છે.

બંદોબસ્તમાં ગંભીર બેદરકારી

રામનવમીના પવિત્ર તહેવાર નિમિત્તે શહેરમાં કાયદો અને વ્યવસ્થા જળવાઈ રહે તે માટે પોલીસ બંદોબસ્ત ગોઠવવામાં આવ્યો હતો. આ મહત્વની ફરજ દરમિયાન હેડ કોન્સ્ટેબલ ચિંતનગીરી પોલીસ યુનિફોર્મના ફરજિયાત સાધનો એવા લાઠી અને વ્હિસલ વગર હાજર રહ્યા હતા. સંવેદનશીલ બંદોબસ્તમાં આ પ્રકારની લાપરવાહી શિસ્તભંગ ગણાય છે.

DySP સાથે ઉદ્ધતાઈભર્યું વર્તન

જ્યારે બંદોબસ્તના નિરીક્ષણ દરમિયાન DySP (ડેપ્યુટી સુપરિન્ટેન્ડેન્ટ ઓફ પોલીસ) દ્વારા તેમને આ સાધનો વિના હાજર રહેવા બાબતે ટકોર કરવામાં આવી, ત્યારે નમ્રતા દાખવવાને બદલે હેડ કોન્સ્ટેબલે ઉદ્ધત વર્તન કર્યું હતું. ઉપરી અધિકારી સાથેની આ પ્રકારની ગેરવર્તણૂકને ગંભીરતાથી લેવામાં આવી હતી.

આ પણ વાંચો: Veraval: રખડતા શ્વાનોનો આતંક બેકાબૂ, વોર્ડ નંબર 5 ના રહીશો ભયના ઓથાર હેઠળ