Anand News: ઉમરેઠ બેઠક પર કોંગ્રેસ, NCP અને આપ વચ્ચે જંગ જામશે

દેશમાં પશ્ચિમ બંગાળ સહિત પાંચ રાજ્યોમાં વિધાનસભાની ચૂંટણીની જાહેરાત થઈ ગઈ છે. તેની સાથે ગુજરાતમાં પણ ખાલી પડેલી ઉમરેઠ બેઠક પર પેટા ચૂંટણી પણ જાહેર થઈ ગઈ છે. ઉમરેઠના ભાજપના ધારાસભ્ય ગોવિંદભાઈ પરમારનું માંદગી બાદ નિધન થયું હોવાથી આ બેઠક ખાલી પડી હતી. હવે આ બેઠક પર ચોપાંખિયો જંગ જામશે. એનસીપી સાથે ગઠબંધનમાં ભંગાણ થતાં આ બેઠક પર કોંગ્રેસ અને આમ આદમી પાર્ટી ઉમેદવાર ઉભા રાખશે.

કોંગ્રેસ અને એનસીપી વચ્ચે ગઠબંધન તૂટ્યું

ઉમેરેઠ બેઠક પર કોંગ્રેસ અને એનસીપી વચ્ચે ગઠબંધન હતું. જ્યાં એનસીપીના ઉમેદવાર ચૂંટણી લડતા હતાં. પરંતુ ભાજપના ગોવિંદ પરમારની જીત થઈ હતી. ગોવિંદ પરમારને હાર્ટની બિમારી હોવાથી તેઓ સારવાર અર્થે હોસ્પિટલ ગયા હતાં અને ત્યાં જ સારવાર દરમિયાન તેમનું નિધન થયું હતું. જેથી વિધાનસભા ખંડિત થઈ હતી. હવે આ બેઠક પર પાંચ રાજ્યોની ચૂંટણી સાથે જ પેટા ચૂંટણી યોજાશે.ઉમરેઠ બેઠક પર સામાન્ય રીતે કોંગ્રેસ અને એનસીપીનું ગઠબંધન હતુ્ં. પરંતુ હવે આ ગઠબંધન તૂટતાં કોંગ્રેસ પોતાના ઉમેદવાર ઉભા રાખશે. આ ઉપરાંત આમ આદમી પાર્ટી દ્વારા પણ ઉમેદવારને ઉભા રાખવામાં આવશે.