Chhota Udepur: ગોલાગામડી ચાર રસ્તે હોટલ પાસે સરકારી શૌચાલયનો વીડિયો વાઇરલ

સંખેડા તાલુકાના ગોલાગામડી ચાર રસ્તા કાંતો પછી ગામના છેવાડે બનાવાની જગ્યાએ એક હોટલની નજીકમાં જાહેર શૌચાલય બનાવી દેતાં સાલુ વિચારવા જેવું છે. તેવા વાઇરલ થયેલ વીડિયો સંખેડા તાલુકા સહિત સમગ્ર જિલ્લામાં ભારે ચકચાર મચાવી આ જાહેર શૌચાલય ભારે ચર્ચાનો વિષય બનેલ છે.

સામૂહિક ઉપયોગ માટે ગામડાઓ સહિત જરૂરિયાતના સ્થળે સ્વચ્છ ભારત મિશન કાર્યક્રમ હેઠળ સાર્વજનિક શૌચાલય બનાવાઇ રહ્યાં છે. ત્યારે છોટાઉદેપુર જિલ્લા ગ્રામ વિકાસ એજન્સીએ વર્ષ 2025-26 હેઠળ સામુદાયિક સ્વચ્છતા સંકુલ સંખેડા તાલુકાના ગોલાગમડી ચાર રસ્તાથી માત્ર 300 મીટરના અંતરે એક હોટલની તદ્દન નજીક બનાવી દેતાં ગ્રામજનો સહિત ચાર રસ્તા ઉપર અટવાયેલા લોકોને શૌચક્રિયા માટે અવારું જગ્યા શોધવી પડી રહી હોવાની ચર્ચા ઉઠી છે. હોટલ નજીકના જાહેર સામુહિક શૌચાલયને લઈ વાઇરલ થયેલ વીડિયોની પ્રતિક્રિયામાં પોતાનો આક્રોશ ઠાલવતા આને જ કહેવાય વિકાસ ખરેખર ગાંડો થયો છે. કોઈ સરકારી બાબુ, રાજકીય હોદ્દેદારની રેસ્ટોરન્ટ હશે તેવી કમેન્ટ કરી આ બાબતે તટસ્થ તપાસ કરવી જોઈએ તેવી દલીલો પણ લોકો કરી રહ્યા છે. એટલું જ નહીં કોઈકે તો સ્પષ્ટ પણે જણાવે છે કે, આ જાહેર શૌચાલયને ગામમાં કાંતો ગામની ભાગોળે બનાવ્યું હોત તો ચૂંટણીમાં એક હજાર મત વધારે મળત.

ઉલ્લેખનીય છે કે, ગોલા ગામડી ખાતે હોટલની બાજુમાં રૂા.2.10 લાખના ખર્ચે બનેલા શૌચાલયના વિકલાંગવાળા વૉશરૂમના દરવાજે ખંભાતી તાળા લટકતા હોય ત્યારે આની ચાવી શું હોટલ માલિક પાસે રહે છે તેવી પણ ચર્ચા ઉઠી છે.

ગુજરાતના વધુ સમાચાર વાંચવા માટે ક્લિક કરો