Dahegam : શહીદ પોલીસકર્મી અને સુરક્ષાબળોનું બલીદાન રાષ્ટ્રની અખંડીતતાનો પાયો છે : રાજ્યપાલ

રાસ્ટ્રીય રક્ષા યુનિ. ખાતે રાસ્ટ્રની એકતા , અખંડીતતા, શાંતી અને નાગરીકોની સુરક્ષા માટે પોતાના પ્રાણોનુ બલિદાન આપનારા અમર શહીદ પોલીસ જવાનોની સ્મૃતિમાં પોલીસ સ્મૃતિ દિવસની ઉજવણી કરવામાં આવી હતી. આ પ્રસંગે રાજ્યપાલ આચાર્ય દેવવ્રતે શહીદોને શ્રધ્ધાંજલિ અર્પણ કરીને શહીદોના પરીવારજનોના સમર્પણને નમન કર્યા હતા. કાર્યક્રમમાં .યુનિ.ના અધિકારીઓ, કર્મીઓ , તાલીમાર્થીઓ, પોલીસ અને સુરક્ષા દળોના પ્રતિનીધીઓ તેમજ શહીદોના પરિવારજનો બહોળી સંખ્યામાં ઉપસ્થિત રહ્યા હતા. દેશમાં શાતિ અને કાયદો વ્યવસ્થા જાળવવા માટે પોતાના જીવની પરવા કર્યા વિના બલિદાન આપનારા શહીદો પ્રત્યે સમગ્ર રાષ્ટ્ર સદાય ઋણી રહેશે. જે માતાપિતા પોતા પોતાના લાડકવાયા સંતાનોને રાષ્ટ્રસેવામાં સમર્પિત કર્યા અને ફરજ પ્રત્યે નિષ્ઠાના સંસ્કારો આપ્યા તેવા પરીવારજનો પ્રત્યે હદયપુર્વક સંવેદના રાજ્યપાલ આચાર્ય દેવવ્રતે વ્યક્ત કરી હતી. આ પ્રસંગે યુનિવર્સિટીના કેમ્પસ ખાતે શહીદોની સ્મૃતીને જીવંત રાખવા અને આવનારી પેઢીઓને દેશભકિતની પ્રેરણા મળી રહે તે માટે શહીદ સ્મારક દીવાલનુ ઉદ્ઘાટન કરાયુ હતુ. સાથે જ ગુજરાત પોલીસની વીર શહીદોને શ્રધ્ધાંજલિ અર્પવા માટે એક વિશેષ ડિજિટલ ડેશબોર્ડ નુ તેમજ ફાયરીંગ સિમ્યુલેટર લેબનુ પણ લોન્ચિંગ કરાયુ હતુ. રાજ્યપાલે દીલ્હી સ્થિત પોલીસ સ્મારકનો ઉલ્લેખ કરતા ઉમેર્યુ હતુ કે દેશભરના યુવાનો માટે સ્મારકો રાષ્ટ્રપ્રેમ અને સમર્પણની પ્રેરણાના કેન્દ્રો બને છે. વધુમાં જણાવ્યુ હતુ કે, વડાપ્રધાન નરેન્દ્ર મોદીએ તેમના ગુજરાતના મુખ્યમંત્રી પદના કાર્યકાળમાં દેશમાં ચિલ્ડ્રન રિસર્ચ યુનિ., કામધેનુ યુનિ., ટીચર્સ યુનિ., ગુજરાત નેશનલ લો યુનિ. અને રાષ્ટ્રીય રક્ષા યુનિ. જેવી અનોખી સંસ્થાઓ સ્થાપવાની પહેલ કરી હતી. આ તમામ સંસ્થાઓ વર્ષ 2047 સુધીમાં વિકસિત ભારત બનાવવાના મિશનમાં પાયાની મજબુત ઇંટો સાબિત થશે.

ગુજરાતના વધુ સમાચાર વાંચવા માટે ક્લિક કરો