Dahod:જિલ્લામાં 92થી વધુ દારૂ પીધેલા ઝડપાયા

31 ડિસેમ્બરને લઇને દાહોદ પોલીસ એક્શન મોડમાં જોવા મળી હતી. પોલીસે 31 ડિસેમ્બરની રાતે નશાકારક દ્રવ્યોનું સેવન કરીને નીકળેલા લોકો સામે સખ્ત કાર્યવાહી કરી હતી. પોલીસે એક જ રાતમાં 92 જેટલા પીધેલાઓને બ્રેથ એનેલાઈઝરની મદદથી ઝડપી પાડતા દારુડિયાઓમા ફ્ફ્ડાટ ફેલાઈ ગયો હતો.આ ઉપરાંત પોલીસે જિલ્લા ભરમાં તેમજ ચેકપોસ્ટો પર નાકાબંધી કરી વાહનોની સખ્ત તલાસી પણ હાથ ધરવામાં આવી હતી.

2025 ને અલવિદા કરવા અને 2026 ને આવકારવા માટે યુવાધન સહિત શહેરીજનો થનગની રહ્યા હતા. ત્યારે દારૂની પાર્ટીઓ ના યોજાય અને કોઈ અનિચ્છનિય બનાવ ના બને તે માટે દાહોદ પોલીસ પણ સતર્ક બની હતી. પોલીસે દાહોદ શહેર, અને શહેરના મુખ્ય માર્ગો પર તેમજ શહેરમાં પ્રવેશ કરતા મુખ્ય માર્ગો અને ચોકડીઓ પર તેમજ જિલ્લાની આંતર રાજ્ય બોર્ડરો ઉપર પોલીસનો ચુસ્ત બંદોબસ્ત ગોઠવી તમામ ગતિવિધિઓ પર બાજ નજર રાખી હતી તેમજ આવતા જતા વાહનોનુ સઘન ચેકીંગ હાથ ધર્યુ હતુ, તેમજ આલ્કોહોલ જેવા નશીલા પદાર્થોનું સેવન કરી વાહન હંકારતા લોકોને પકડવા માટે બ્રેથ એનેલાઈઝરનો ઉપયોગ કરી કાર્યવાહી હાથ ધરી હતી. પોલીસે એક જ રાતમાં 92 જેટલા પીધેલાઓની અટકાયત કરી તમામ સામે કાયદેસરની કાર્યવાહી હાથ ધરી હતી.

ગુજરાતના વધુ સમાચાર વાંચવા માટે ક્લિક કરો