Gandhinagar : અંડર-12 ચિલ્ડ્રન્સ ચેસ ફેસ્ટિવલ યોજાયો

ચિલ્ડ્રન્સ રિસર્ચ યુનિવર્સિટીના બાલભવન વિભાગ દ્વારા અંડર-12 ચિલ્ડ્રન્સ ચેસ ફેસ્ટિવલનું આયોજન કરવામાં આવ્યું હતું. આ ફેસ્ટિવલમાં ગુજરાતના 22 જિલ્લાઓમાંથી 298 જેટલાં બાળખેલાડીઓએ ઉત્સાહપૂર્વક ભાગ લીધો હતો. ચિલ્ડ્રન્સ ચેસ ફેસ્ટિવલમાં યુનિવર્સિટીના કુલપતિ ડૉ. ટી. એસ. જોશી, કુલસચિવ પ્રો. સંજય ગુપ્તા, ગુજરાત સ્ટેટ ચેસ એસોસિએશનના ભાવેશ પટેલ વગેરે ઉપસ્થિત રહ્યા હતા. અંડર-12 ચિલ્ડ્રન્સ ચેસ ફેસ્ટિવલમાં બાળકોને અંડર-8, અંડર-9, અંડર-10, અંડર-11 અને અંડર-12 એમ પાંચ વયજૂથમાં વિભાજિત કરવામાં આવ્યા હતા. સમગ્ર સ્પર્ધા દરમિયાન ખેલાડીઓએ કુલ 7 રાઉન્ડની ચેસ મેચોમાં ભાગ લીધો હતો. સ્પર્ધાની અંડર-8 થી અંડર-12 સુધીની પાંચ કેટેગરીમાં શ્રેષ્ઠ પ્રદર્શન કરનાર ટોચનાં ત્રણ ખેલાડીઓને ટ્રોફીથી સન્માનિત કરવામાં આવ્યા હતા. જ્યારે ટોચના 100 ખેલાડીઓને ચેસ બોર્ડ ભેટ સ્વરૂપે આપવામાં આવ્યા હતા. અંડર-8 કેટેગરીમાં પ્રથમ ક્રમે જોષી બ્રહ્મ, દ્વિતીય ક્રમે તુવાર કિર્તન અને તૃતીય ક્રમે ફ્રેયા વડાલીયા વિજેતા બન્યા હતા. આ જ ક્રમમાં અંડર-9 કેટેગરીમાં પ્રજાપતિ પાર્શ્વા, આચાર્ય મહર્ષિ, ચૌધરી મહર્ષ, અંડર-10 કેટેગરીમાં ગાંધી રૂષિલ, ઝિયાન બંદૂકવાલા, શાહ રિધમ, અંડર-11 કેટેગરીમાં ગિરગિલાની મિતાંશ, ધ્યેય શાહ, નમન જૈન, અંડર-12 કેટેગરીમાં શાહ હિતાર્થ, અર્જિત જૈન અને પટેલ જૈત્ર વિજેતા બન્યા હતા.

ગુજરાતના વધુ સમાચાર વાંચવા માટે ક્લિક કરો