Gandhinagar : CCE અને TAT-S પરીક્ષા એક જ દિવસે હોવાથી ઉમેદવારોને મોટી રાહત, કોમન ઉમેદવારો માટે તારીખ બદલાશે

ગાંધીનગર ગૌણ સેવા પસંદગી મંડળની CCE પરીક્ષા અને શિક્ષણ વિભાગની TAT-S ભરતી પરીક્ષા એક જ દિવસે યોજાવાની હોવાથી ઉમેદવારો માટે મહત્વપૂર્ણ નિર્ણય લેવામાં આવ્યો છે. બંને પરીક્ષામાં સામેલ થનારા કોમન ઉમેદવારોને રાહત આપવામાં આવશે.

20 સપ્ટેમ્બરે બંને પરીક્ષા

CCE અને TAT-S બંને પરીક્ષાઓ 20 સપ્ટેમ્બરના રોજ યોજાવાની છે. જેના કારણે બંને ભરતીમાં અરજી કરનારા ઉમેદવારો સામે એકસાથે બે પરીક્ષામાં હાજર રહેવાની મુશ્કેલી ઊભી થઈ હતી.

કોમન ઉમેદવારોને જ મળશે લાભ

જે ઉમેદવારની 20 સપ્ટેમ્બરે CCE પરીક્ષા હોય અને તે જ દિવસે TAT-S પરીક્ષા પણ આવતી હોય, તેમની TAT-S પરીક્ષાની તારીખ બદલવામાં આવશે. જોકે, આ સુવિધાનો લાભ માત્ર બંને પરીક્ષામાં સામેલ થનારા કોમન ઉમેદવારોને જ મળશે.

ઉમેદવારોને મોટી રાહત

બંને પરીક્ષાઓની તારીખ અથડાતી હોવાથી ઉમેદવારોમાં મૂંઝવણ અને ચિંતા જોવા મળી રહી હતી. હવે તારીખ બદલવાની વ્યવસ્થાથી કોમન ઉમેદવારોને બંને પરીક્ષામાં ભાગ લેવાની તક મળી શકશે. 

  આ પણ વાંચો  :    Surat : પતિએ પત્નીને જ ‘વાઈફ સ્વેપિંગ’ માટે ધકેલી, દેરાણી બોલી- ‘આ તો આજકાલ કોમન છે’