Gujarat News: ધોરણ 10ની બોર્ડની પરિક્ષાનું 83.86 ટકા પરિણામ જાહેર, A1 ગ્રેડ મેળવનાર વિદ્યાર્થીઓમાં વધારો થયો

ગુજરાતમાં ધોરણ 12 સાયન્સ અને સામાન્ય પ્રવાહનું બોર્ડનું પરિણામ જાહેર થયા બાદ હવે આજે ધોરણ 10નું પરિણામ જાહેર કરવામાં આવ્યું છે. આ વખતે ધોરણ 10નું 83.86 ટકા પરિણામ આવ્યું છે. જે ગત વર્ષે 83.08 ટકા હતું. આ વર્ષે ગાંધીનગર જિલ્લાનું આજોલ કેન્દ્ર 100% પરિણામ સાથે મોખરે છે. જ્યારે દાહોદના મૂન ખેસલા કેન્દ્રનું સૌથી ઓછું 33.74 ટકા પરિણામ જાહેર થયું છે.

વર્ષ 2026નું ધોરણ 10નું બોર્ડની પરિક્ષાનું પરિણામ જાહેર કરવામાં આવ્યું છે. ગત વર્ષ કરતાં આ વખતના પરિણામની ટકાવારીમાં વધારો થયો છે. 2025માં 83.08 ટકા પરિણામ આવ્યું હતું જે વર્ષ 2026માં 83.86 ટકા પરિણામ જાહેર થયું છે. ગાંધીનગરના આજોલ કેન્દ્રનું 100 ટકા પરિણામ આવ્યું છે. નર્મદા જિલ્લો 90.85 ટકા સાથે રાજ્યમાં પ્રથમ છે.

પંચમહાલ જિલ્લાનું સૌથી ઓછું 76.42 ટકા પરિણામ જાહેર થયું છે. આ વખતે દીકરીઓએ પરિણામમાં બાજી મારી છે. કન્યાઓનું પરિણામ 88.28 ટકા રહ્યું છે. દાહોદના મૂન ખેસલા કેન્દ્રનું સૌથી ઓછું 33.74 ટકા પરિણામ આવ્યું છે. વિધાર્થીનીઓએ ફરી એકવાર બાજી મારી છે. વિધાર્થિનીઓનું પરિણામ 88.28 ટકા જ્યારે વિધાર્થીઓનું પરિણામ 80.12 ટકા આવ્યું છે.A1 ગ્રેડ મેળવનાર વિદ્યાર્થીઓમાં વધારો થયો છે.વિદ્યાર્થીઓની સફળતા દરમાં સુધારો થયો છે.