Nasvadi માં વિકાસની પોકળ વાતો, રસ્તો ન હોવાથી સગર્ભાને સ્ટ્રેચરમાં ઊંચકીને દવાખાને લઈ જવાઈ

છોટાઉદેપુર જિલ્લાના નસવાડી તાલુકામાં વિકાસની વરવી વાસ્તવિકતા અને તંત્રની ઉદાસીનતાનો વધુ એક કિસ્સો પ્રકાશમાં આવ્યો છે. નસવાડીના તલાવ ગામના ટેકરા ફળિયામાં આરોગ્યની સુવિધાઓ એટલી હદે કથળી ગઈ છે કે એક સગર્ભા મહિલાને હોસ્પિટલ લઈ જવા માટે લોખંડના સ્ટ્રેચરનો સહારો લેવો પડ્યો હતો. ગામના રસ્તાઓ કાચા અને પથરાળ હોવાને કારણે 108 એમ્બ્યુલન્સ ફળિયા સુધી પહોંચી શકી ન હતી, જેના પરિણામે બીમાર સગર્ભાને 108 સુધી પહોંચાડવા માટે પરિવારજનોએ ભારે જહેમત ઉઠાવવી પડી હતી.

કાચો રસ્તો અને કથળેલી સુવિધા

ચોંકાવનારી બાબત એ હતી કે સ્ટ્રેચર ઊંચકવા માટે પૂરતા પુરુષો હાજર ન હોવાથી ઘરની અન્ય મહિલાઓ પોતે જ મજબૂર બનીને સગર્ભાને સ્ટ્રેચર પર ઊંચકીને પથરાળ રસ્તાઓ પર ચાલતી જોવા મળી હતી. આ દ્રશ્યોએ સ્થાનિક પ્રશાસનના વિકાસના દાવાઓની પોલ ખોલી નાખી છે. ગ્રામજનોના જણાવ્યા અનુસાર, અનેકવાર રજૂઆતો કરવા છતાં હજુ સુધી અહીં પાકા રસ્તાની સુવિધા મળી નથી, જેના કારણે કટોકટીના સમયે દર્દીઓને જીવના જોખમે મુખ્ય માર્ગ સુધી લાવવા પડે છે.

આ પણ વાંચો : Vadodara News : રેલવે સ્ટેશન પર SMC ના મોટા દરોડા, 49 લાખના હેરોઈન સાથે ડ્રગ સપ્લાયર ઝડપાયો