Rajkotમાં રૈયા ટેલિફોન એક્સચેન્જ પાસે અકસ્માત, BRTS રોડ ક્રોસ કરતા યુવકને સિટી બસે અડફેટે લીધો

રાજકોટ શહેરમાં આવેલા રૈયા ટેલિફોન એક્સચેન્જ નજીક એક માર્ગ અકસ્માતની ઘટના સામે આવી છે. અહીં BRTS રોડ પરથી રસ્તો ઓળંગી રહેલા એક અજાણ્યા યુવકને પસાર થઈ રહેલી સિટી બસે જોરદાર અડફેટે લીધો હતો. આ અકસ્માતમાં યુવકને શરીરના ભાગે ઈજાઓ પહોંચી હતી. BRTS ટ્રેક પર રસ્તો ઓળંગતી વખતે અચાનક આવેલી સિટી બસની ટક્કર વાગતાં જ યુવક રોડ પર પટકાયો હતો.

અકસ્માત સર્જાતાં જ ઘટનાસ્થળે લોકોના મોટો ટોળાં એકત્ર થયા

અકસ્માતની આ ઘટના બનતા જ ધડાકાભેર અવાજ સાથે આસપાસના સ્થાનિકો અને રાહદારીઓ તુરંત જ ઘટનાસ્થળે દોડી આવ્યા હતા. જોતજોતામાં રૈયા ટેલિફોન એક્સચેન્જ પાસે લોકોના મોટા ટોળાં એકત્ર થઈ ગયા હતા. સિટી બસની ટક્કરથી ઘવાયેલા યુવકની મદદ માટે સ્થાનિક લોકો આગળ આવ્યા હતા અને વાહનવ્યવહારને પણ થોડીવાર માટે નિયંત્રિત કર્યો હતો.

ઇજાગ્રસ્ત યુવકને તાકીદે સારવાર અર્થે હોસ્પિટલ ખસેડાયો

બનાવ અંગે સ્થાનિકો દ્વારા ત્વરિત ઈમરજન્સી સર્વિસને જાણ કરવામાં આવી હતી. અકસ્માતમાં ઈજાગ્રસ્ત થયેલા યુવકને વધુ રાહત અને તબીબી સારવાર મળી રહે તે હેતુથી તાત્કાલિક અસરથી નજીકની હોસ્પિટલમાં ખસેડવામાં આવ્યો હતો. ઘટના અંગે સ્થાનિક પોલીસને પણ જાણ કરવામાં આવતા પોલીસે અકસ્માત સંદર્ભે આગળની કાયદેસરની તપાસ હાથ ધરી છે.

આ પણ વાંચો : Mehsanaમાં 180ની સ્પીડે દોડતી કાર! નબીરાની રીલ વાયરલ, ટ્રાફિક પોલીસ સામે સવાલ