Stock Market Fraud : મુંબઈના વૃદ્ધ વ્યક્તિ સાથે 11 કરોડની મોટી છેતરપિંડી, ઉંચો નફો મેળવવાની લાલચમાં મૂડી પણ ગુમાવી

મુંબઈના એક 68 વર્ષીય વૃદ્ધ સાથે 11 કરોડ રૂપિયાની છેતરપિંડી થઈ છે. શેરબજારમાં રોકાણ કરવાના બહાને વૃદ્ધ વ્યક્તિને લૂંટવામાં આવ્યો છે. મોટી કમાણીના વચન આપીને એક વૃદ્ધ વ્યક્તિને મોટું નુકસાન થયું છે. મુંબઈના એક 68 વર્ષીય વૃદ્ધ સાથે 11 કરોડ રૂપિયાની છેતરપિંડી થઈ છે. શેરબજારમાં રોકાણ કરવાના બહાને વૃદ્ધ વ્યક્તિને લૂંટવામાં આવ્યો છે.

20 દિવસમાં 11 કરોડ રૂપિયા ટ્રાન્સફર કર્યા

આ વૃદ્ધ વ્યક્તિએ ઈન્ટરનેટ પર રોકાણ સંબંધિત એક આકર્ષક જાહેરાત જોઈ, આ જાહેરાતમાં ઊંચા નફાનો દાવો કરવામાં આવ્યો હતો. તેના પર વિશ્વાસ કરીને તેણે જાહેરાતમાં આપેલી લિંક પર ક્લિક કર્યું. લિંક દ્વારા તેને વોટ્સએપ ગ્રુપમાં જોડવામાં આવ્યો, આ ગ્રુપમાં શેરબજારના નિષ્ણાતો હોવાનો દાવો કરતા નકલી વિશ્લેષકો અને કેટલાક કથિત ગ્રાહકો સતત વાતચીત કરી રહ્યા હતા. જૂથે મોટા પૈસા, IPOમાં રોકાણ અને પ્રેફરન્શિયલ શેરમાંથી નોંધપાત્ર નફો મેળવવા વિશે વાત કરી હતી. આ વાતચીતોએ વૃદ્ધ વ્યક્તિને ખાતરી આપી હતી કે તેમનું રોકાણ સંપૂર્ણપણે સુરક્ષિત છે. છેતરપિંડી કરનારાઓનો શિકાર બનીને વૃદ્ધ વ્યક્તિએ 20 દિવસમાં આશરે ₹11 કરોડ 12થી વધુ ખાતામાં ટ્રાન્સફર કર્યા.

કેવી રીતે છેતરપિંડીની થઈ શંકા?

આવા કિસ્સાઓમાં છેતરપિંડી/બનાવટી વિશ્લેષકો અને ગ્રાહકો વોટ્સએપ ગ્રુપમાં વાતચીત કરે છે. તેઓ ઊંચા નફા, IPO અને પ્રેફરન્શિયલ એલોટમેન્ટનું વચન આપે છે. એપ છેતરપિંડી કરાયેલા વ્યક્તિઓના નકલી પોઝિશન અને ઊંચા MTM નફાને દર્શાવે છે. આ કિસ્સામાં પણ પીડિતાએ તેનું 11 કરોડનું રોકાણ 18 કરોડ સુધી વધીને જોયું. જ્યારે તેણે તે ઉપાડવાનો પ્રયાસ કર્યો, ત્યારે તેની પાસે બીજા 8 કરોડ માગવામાં આવ્યા. આ સમયે તેને છેતરપિંડી થઈ હોવાની શંકા ગઈ અને સમગ્ર મામલો સામે આવ્યો છે.

જો તમારી સાથે છેતરપિંડી થાય તો શું કરવું?

જો તમે આવી છેતરપિંડીનો ભોગ બનો તો તાત્કાલિક 1930 પર કૉલ કરીને તેમને જાણ કરો. 1930એ નેશનલ સાયબર ક્રાઈમ રિપોર્ટિંગ પોર્ટલ છે. તમારી બેન્કને પણ તાત્કાલિક જાણ કરો. આ સાથે જ વોટ્સએપ અને ટેલિગ્રામ ચેનલોથી દૂર રહેવું. કોઈપણ અનરજિસ્ટર્ડ સલાહકાર સેવાઓમાં જોડાવું નહીં. વેરિફિકેશન વગર કોઈને પૈસા આપવા નહીં.

આ પણ વાંચો : Jammu Kashmirના કિશ્તવાડમાં સુરક્ષા દળો અને આતંકવાદીઓ વચ્ચે અથડામણ, હાથ ધરાયુ સર્ચ ઓપરેશન