Vav-Tharad News : યાત્રાધામ ઢીમાં ખાતે ધરણીધર ભગવાન મંદિરના દર્શનના સમયમાં મોટો ફેરફાર, ભક્તો માટે ખાસ વ્યવસ્થા!

બનાસકાંઠા જિલ્લાના વાવ અને થરાદ પંથક સ્થિત પ્રસિદ્ધ યાત્રાધામ ઢીમાં ખાતે ભાદરવા સુદ ચૌદસ અને પૂનમ નિમિત્તે ભરાતા વિશાળ મેળા અને ભક્તોની અવિરત ભીડને ધ્યાનમાં રાખીને એક મહત્વનો નિર્ણય લેવામાં આવ્યો છે. યાત્રાધામ ઢીમાં ખાતે બિરાજમાન ધરણીધર ભગવાનના મંદિરના દર્શનના સમયમાં ટ્રસ્ટ દ્વારા બે દિવસ માટે મોટો ફેરફાર કરવામાં આવ્યો છે, જેથી દૂર-દૂરથી આવતા માઈભક્તો સરળતાથી દર્શન કરી શકે અને કોઈને પણ અગવડ ન પડે.

ચૌદસ અને પૂનમના દિવસે દર્શન માટેનો નવો સમય જાહેર

મંદિર ટ્રસ્ટ દ્વારા જાહેર કરવામાં આવેલી વિગતો મુજબ, ભાદરવા સુદ ચૌદસના પવિત્ર દિવસે મંદિરના દરવાજા વહેલી સવારે 5:00 વાગ્યાથી શરૂ થઈને રાત્રે 11:00 વાગ્યા સુધી સતત ખુલ્લા રહેશે. જ્યારે પૂનમના દિવસે ભક્તોના ભારે ઘોડાપૂરને પહોંચી વળવા અને તમામ શ્રદ્ધાળુઓને સુગમ દર્શનનો લહાવો મળી રહે તે માટે સવારે 4:00 વાગ્યાથી જ દર્શન શરૂ થઈ જશે, જે રાત્રે 10:00 વાગ્યા સુધી ચાલુ રહેશે. આ વિસ્તૃત સમયસારણીના કારણે હજારો શ્રદ્ધાળુઓ શાંતિથી અને સુચારૂ રૂપે બાપાના દર્શનનો લાભ લઈ શકશે.

ભક્તોની અપાર ભીડ અને મેળાને લઈ ટ્રસ્ટ દ્વારા વિશેષ વ્યવસ્થાઓ

ઢીમાં ખાતે ભાદરવા સુદ ચૌદસ અને પૂનમના દિવસે ભરાતા ભવ્ય મેળામાં ગુજરાત તેમજ અન્યડોંમાંથી મોટી સંખ્યામાં શ્રદ્ધાળુઓ ઉમટી પડે છે. ભક્તોની આ ભારી ભીડ અને સુરક્ષા વ્યવસ્થાને વ્યવસ્થિત જાળવવા માટે મંદિર ટ્રસ્ટ અને સ્થાનિક તંત્ર દ્વારા અગાઉથી જ સઘન તૈયારીઓ કરવામાં આવી છે. દર્શનના સમયમાં કરાયેલા આ ફેરફારથી ભક્તોમાં પણ ભારે ઉત્સાહ જોવા મળી રહ્યો છે અને સૌકોઈ શ્રદ્ધાભેર ઢીમાં ધામ તરફ પ્રયાણ કરી રહ્યા છે.

આ પણ વાંચો : Rajkot-Morbi હાઈવે પર કરુણાંતિકા, મારવાડી યુનિવર્સિટીના ત્રીજા માળેથી નીચે પટકાતા યુવકનું કરૂણ મોત