Viramgam APMCમાં સતત 4 દિવસ સુધી હરાજીનું કામકાજ બંધ રહેશે, વર્ષાંતના હિસાબોને લીધે લેવાયો નિર્ણય

અમદાવાદ જિલ્લાના મહત્વના ગણાતા વિરમગામ માર્કેટ યાર્ડ (APMC) માં આગામી ચાર દિવસ સુધી જણસીઓની હરાજીનું કામકાજ સ્થગિત રાખવાનો નિર્ણય લેવામાં આવ્યો છે. માર્ચ મહિનાના અંતિમ દિવસોમાં વાર્ષિક હિસાબી કામગીરીને આખરી ઓપ આપવા માટે આ રજા જાહેર કરવામાં આવી છે.

હિસાબી કામકાજોને લઇને હરાજી બંધ

નાણાકીય વર્ષ 2025-26ના અંતિમ દિવસો હોવાથી બેંકિંગ વ્યવહારો અને યાર્ડના આંતરિક હિસાબોના સેટલમેન્ટ માટે હરાજી બંધ રાખવી અનિવાર્ય બની છે. આ ફેરફારને કારણે ખેડૂતોને પોતાની જણસીઓ લઈને યાર્ડમાં ન આવવા માટે અગાઉથી જાણ કરવામાં આવી છે, જેથી તેમને હાલાકી ભોગવવી ન પડે.

આગામી 2 એપ્રિલથી હરાજી શરૂ કરાશે

આ હિસાબી કામકાજ પૂર્ણ થયા બાદ આગામી 2 એપ્રિલથી ફરી એકવાર માર્કેટ યાર્ડમાં રાબેતા મુજબ હરાજી અને ખરીદ-વેચાણની પ્રક્રિયા શરૂ કરવામાં આવશે. વેપારીઓ અને કમિશન એજન્ટો પણ આ સમયગાળા દરમિયાન પોતાના ચોપડા પૂર્ણ કરવાની કામગીરીમાં વ્યસ્ત રહેશે. ખેડૂતોએ 2 એપ્રિલ બાદ જ પોતાની જણસીઓ હરાજી માટે લાવવા વિનંતી કરવામાં આવી છે.

ગુજરાતના વધુ સમાચાર વાંચવા માટે ક્લિક કરો