Weather Updates: આજે અનેક રાજ્યોમાં ભારે વરસાદ અને પવનની આગાહી

ભારતીય હવામાન વિભાગ (IMD) એ આજે એટલે કે 26 જુલાઈ માટે દેશના અનેક રાજ્યો અને કેન્દ્રશાસિત પ્રદેશોમાં ભારે વરસાદ, વાવાઝોડા જેવી સ્થિતિ અને તેજ પવનનું એલર્ટ જાહેર કર્યું છે. 

ઉત્તર પ્રદેશ, બિહાર, દિલ્હી, ઉત્તરાખંડ, રાજસ્થાન, પંજાબ, હિમાચલ પ્રદેશ, જમ્મુ-કાશ્મીર, ઝારખંડ, પશ્ચિમ બંગાળ, મધ્ય પ્રદેશ, ગુજરાત અને મહારાષ્ટ્ર સહિતના વિસ્તારોમાં ભારે વરસાદની સાથે 40થી 70 કિમી પ્રતિ કલાકની ઝડપે પવન ફૂંકાવાની શક્યતા વ્યક્ત કરવામાં આવી છે.

હવામાન વિભાગના જણાવ્યા મુજબ ભારે વરસાદ અને તેજ પવનને કારણે અનેક વિસ્તારોમાં વૃક્ષો ધરાશાયી થવા, રસ્તાઓ પર પાણી ભરાવા, ટ્રાફિક પ્રભાવિત થવા અને વીજ પુરવઠામાં વિક્ષેપ સર્જાવાની સંભાવના છે. લોકોને બિનજરૂરી મુસાફરી ટાળવા અને હવામાન સંબંધિત સત્તાવાર સૂચનાઓનું પાલન કરવાની સલાહ આપવામાં આવી છે.

રાજધાની દિલ્હીમાં સાંજ સુધી ભારે વરસાદ

રાજધાની દિલ્હીમાં સાંજ સુધી ભારે વરસાદ અને આંધી આવવાની શક્યતા છે. અહીં 40થી 50 કિમી પ્રતિ કલાકની ઝડપે પવન ફૂંકાઈ શકે છે. મહત્તમ તાપમાન 35 ડિગ્રી સેલ્સિયસ અને લઘુત્તમ તાપમાન 28 ડિગ્રી રહેવાની શક્યતા છે.

મેરઠ, કાનપુર, ગોરખપુર, પ્રયાગરાજ, બરેલી, સીતાપુર, હરદોઈ અને બહેરાઈચ સહિતના અનેક જિલ્લાઓમાં વરસાદ 

ઉત્તર પ્રદેશના મેરઠ, કાનપુર, ગોરખપુર, પ્રયાગરાજ, બરેલી, સીતાપુર, હરદોઈ અને બહેરાઈચ સહિતના અનેક જિલ્લાઓમાં વરસાદ અને આંધીનું એલર્ટ જાહેર કરવામાં આવ્યું છે. જ્યારે બિહારના પટણા, ગયા, મુઝફ્ફરપુર, દરભંગા, પૂર્ણિયા, ભાગલપુર અને કટિહાર સહિતના વિસ્તારોમાં ભારે વરસાદની સાથે 70 કિમી પ્રતિ કલાક સુધીના તેજ પવન અને વીજળી પડવાની શક્યતા છે.

ઝારખંડના રાંચી, દુમકા, બોકારો, હજારીબાગ અને ગિરિડીહ જિલ્લામાં ભારે વરસાદ 

ઝારખંડના રાંચી, દુમકા, બોકારો, હજારીબાગ અને ગિરિડીહ જિલ્લામાં ભારે વરસાદ સાથે 55થી 60 કિમી પ્રતિ કલાકની ઝડપે પવન ફૂંકાઈ શકે છે. રાજસ્થાનના કોટા, બૂંડી, જયપુર, જોધપુર, ઉદયપુર, અજમેર અને અન્ય અનેક જિલ્લાઓમાં પણ ભારે વરસાદની આગાહી કરવામાં આવી છે.

 ઉજ્જૈન અને વિદિશા સહિતના જિલ્લાઓમાં ભારે વરસાદ 

મધ્ય પ્રદેશના ખંડવા, દેવાસ, બાલાઘાટ, રીવા, સિંગરૌલી, ઉજ્જૈન અને વિદિશા સહિતના જિલ્લાઓમાં ભારે વરસાદ અને આશરે 50 કિમી પ્રતિ કલાકની ઝડપે પવન ફૂંકાવાની શક્યતા છે.

નીચાણવાળા વિસ્તારોમાં પાણી ભરાવાની શક્યતા 

ગુજરાતમાં નવસારી, સુરત, તાપી, વલસાડ, ડાંગ, જૂનાગઢ, અમરેલી, અમદાવાદ, બાવળા અને ભાવનગર જિલ્લામાં ભારે વરસાદ અને તેજ પવનનું એલર્ટ જાહેર કરવામાં આવ્યું છે. આ વિસ્તારોમાં લગભગ 40 કિમી પ્રતિ કલાકની ઝડપે પવન ફૂંકાઈ શકે છે, જેના કારણે નીચાણવાળા વિસ્તારોમાં પાણી ભરાવાની અને વૃક્ષો પડવાની શક્યતા છે.

મહારાષ્ટ્રના મુંબઈ, પુણે, ઠાણે, પાલઘર, રત્નાગિરી, અમરાવતી અને ગઢચિરૌલી સહિતના વિસ્તારોમાં પણ ભારે વરસાદ

મહારાષ્ટ્રના મુંબઈ, પુણે, ઠાણે, પાલઘર, રત્નાગિરી, અમરાવતી અને ગઢચિરૌલી સહિતના વિસ્તારોમાં પણ ભારે વરસાદ અને આશરે 50 કિમી પ્રતિ કલાકની ઝડપે પવન ફૂંકાવાની આગાહી કરવામાં આવી છે. પંજાબના જાલંધર, લુધિયાણા, પટિયાલા, હોશિયારપુર અને અન્ય જિલ્લાઓમાં 60થી 65 કિમી પ્રતિ કલાકની ઝડપે પવન સાથે વરસાદની ચેતવણી આપવામાં આવી છે.

પર્વતીય રાજ્યોમાં પણ હવામાન ખરાબ રહેવાની શક્યતા

પર્વતીય રાજ્યોમાં પણ હવામાન ખરાબ રહેવાની શક્યતા છે. ઉત્તરાખંડના ચમોલી, બાગેશ્વર, નૈનીતાલ, પિથોરાગઢ, ઉત્તરકાશી અને હરિદ્વાર સહિતના વિસ્તારોમાં ભારે વરસાદનું એલર્ટ છે. જમ્મુ-કાશ્મીરના કઠુઆ, જમ્મુ, રાજૌરી, કુલગામ, કુપવાડા અને બારામુલ્લામાં પણ ભારે વરસાદની આગાહી કરવામાં આવી છે. હિમાચલ પ્રદેશના શિમલા, કુલ્લૂ, કાંગડા, મંડી, સોલન અને ચંબા જિલ્લામાં પણ વરસાદી માહોલ યથાવત રહેવાની સંભાવના વ્યક્ત કરવામાં આવી છે. હવામાન વિભાગે લોકોને સતર્ક રહેવા અને સ્થાનિક પ્રશાસનની સૂચનાઓનું પાલન કરવાની અપીલ કરી છે.