Community News & Updates

Stay informed with the latest happenings, achievements, and announcements from our community.

All News

calendar_today August 28, 2026

Banaskantha News: ધાનેરા નજીકથી 50.30 લાખનો પોસડોડાનો જથ્થો ઝડપાયો, કારમાંથી મળી આવી અલગ-અલગ 6 નંબર પ્લેટ

બનાસકાંઠા જિલ્લામાં નશાકારક પદાર્થોની હેરાફેરી સામે પોલીસે લાલ આંખ કરી છે. બનાસકાંઠા રેન્જ પોલીસે ચોક્કસ બાતમીના આધારે ધાનેરા નજીક દરોડો પાડીને લક્ઝુરિયસ કારમાંથી લાખો રૂપિયાની કિંમતનો ગેરકાયદે પોસડોડાનો જથ્થો ઝડપી પાડ્યો છે.અંધારાનો લાભ લઈ કારચાલક કાર મુકીને ફરારપોલીસ ટીમને જોઈ જતાં જ તસ્કર કે કારચાલક અંધારાનો લાભ ઉઠાવીને પોતાની ગાડી રસ્તા પર જ મૂકીને રફુચક્કર થઈ ગયો હતો. પોલીસે સમગ્ર વિસ્તારમાં નાકાબંધી કરીને ફરાર થઈ ગયેલા કારચાલકની શોધખોળ હાથ ધરી છે.228.700 કિલો પોસડોડા અને 6 બનાવટી નંબર પ્લેટ મળીપોલીસે બિનવારસી હાલતમાં મળેલી કારની ઝીણવટભરી તલાશી લેતાં અંદરથી 228.700 કિલો પોસડોડાનો મોટો જથ્થો મળી આવ્યો હતો. આ ઉપરાંત, પોલીસને ગેરમાર્ગે દોરવા અને ઓળખ છુપાવવા માટે ઉપયોગમાં લેવાતી અલગ-અલગ 6 નંબર પ્લેટો પણ કારની અંદરથી મળી આવી છે.કુલ 50.30 લાખનો મુદ્દામાલ જપ્તપોલીસે કારમાંથી મળેલા રૂ. 38,30,000 (રૂપિયા 38.30 લાખ) ની કિંમતના પોસડોડા અને કાર સહિત કુલ રૂ. 50,30,000નો મુદ્દામાલ કબજે કર્યો છે. આ બાબતે એનડીપીએસ એક્ટ હેઠળ ગુનો નોંધી આગળની તપાસ હાથ ધરવામાં આવી છે.આ પણ વાંચો - Banaskantha News : અંબાજી પાસે અકસ્માત, અમદાવાદ મેયર-ધારાસભ્યોએ ગાડી રોકી ઘાયલોને મોકલ્યા હોસ્પિટલ

Read Full Story arrow_forward

calendar_today August 28, 2026

Navsariના ઉંભરાટ ગામમાં દારૂબંધીના ધજાગરા, મોપેડ પર દારૂ લઈ જતી મહિલા ઝડપાઈ

ગાંધીના ગુજરાતમાં કાગળ પરની દારૂબંધીના ખુલ્લેઆમ ધજાગરા ઉડી રહ્યા હોવાનો વધુ એક ચોંકાવનારો કિસ્સો નવસારી જિલ્લામાંથી સામે આવ્યો છે. અગાઉ ભાવનગર લઠ્ઠાકાંડ જેવી ગંભીર હોનારત સર્જાયા બાદ પણ અસામાજિક તત્વો અને બુટલેગરો બેફામ બન્યા છે. નવસારીના પ્રસિદ્ધ ઉંભરાટ ગામમાંથી એક વીડિયો સામે આવ્યો છે, જેમાં એક મહિલા પોતાની મોપેડ (સ્કૂટી) પર ઇંગ્લિશ દારૂનો મોટો જથ્થો ખુલ્લેઆમ લઈને જતી કૅમેરામાં કેદ થઈ છે.સ્થાનિક યુવાનોએ મહિલાને અટકાવીઉંભરાટ ગામમાં મોપેડ સવાર મહિલા જ્યારે ઇંગ્લિશ દારૂનો જથ્થો લઈને પ્રવેશી રહી હતી ત્યારે ગામના જાગૃત સ્થાનિક યુવાનોની નજર તેના પર પડી હતી. યુવાનોએ તુરંત જ મહિલાને અટકાવી હતી અને ગામમાં દારૂનો જથ્થો ઘુસાડવા સામે સખત વિરોધ દર્શાવી તેને રોકી હતી. સ્થાનિક યુવાનોએ આ સમગ્ર ઘટનાનું પોતાના મોબાઈલ કેમેરામાં શૂટિંગ કરી લીધું હતું. મોપેડ પર દારૂનો જથ્થો લઈને જતી મહિલાનો આ વીડિયો હવે સોશિયલ મીડિયામાં ભારે વાયરલ થઈ રહ્યો છે.પોલીસની નિષ્ક્રિયતા સામે સવાલો અને સ્થાનિકોમાં ભારે રોષગ્રામીણ વિસ્તારોમાં આ પ્રકારે મહિલાઓ દ્વારા પણ દારૂની ખુલ્લેઆમ હેરાફેરી થતાં સ્થાનિક રહીશોમાં ભારે રોષ જોવા મળી રહ્યો છે. પોલીસની નાકાબંધી અને ગશ્ત વચ્ચે આટલો મોટો દારૂનો જથ્થો બિંદાસપણે ગામ સુધી પહોંચ્યો કેવી રીતે, તે અંગે લોકો સવાલો ઉઠાવી રહ્યા છે. સ્થાનિક યુવાનોની જાગૃતિના કારણે આ મામલો પ્રકાશમાં આવ્યો છે, ત્યારે હવે વાયરલ વીડિયોના આધારે પોલીસ બુટલેગરો અને મહિલા સામે કયા પ્રકારના પગલાં ભરે છે તેના પર સૌની નજર છે.આ પણ વાંચો : Banaskantha News : અંબાજી પાસે અકસ્માત, અમદાવાદ મેયર-ધારાસભ્યોએ ગાડી રોકી ઘાયલોને મોકલ્યા હોસ્પિટલ

Read Full Story arrow_forward

calendar_today August 28, 2026

Rajkot: ભાદર યોજના અને પાઇપલાઇન કનેક્શન માટે RMC નો પાણીકાપ, અગાઉથી પાણી સંગ્રહ કરવા અપીલ

સામાન્ય રીતે ચોમાસાની ઋતુ દરમિયાન શહેરોમાં પૂરતો પાણીનો પુરવઠો પૂરો પાડવામાં આવતો હોય છે, પરંતુ રાજકોટમાં આ વર્ષે ચોમાસા વચ્ચે જ પાણીકાપ વેઠવાનો વારો આવ્યો છે. રાજકોટ મહાનગરપાલિકાના વોટર વર્ક્સ વિભાગ દ્વારા આપવામાં આવેલી માહિતી મુજબ, ભાદર જૂથ જળ યોજના અને નવી નાખવામાં આવેલી મુખ્ય પાઇપલાઇનના જોડાણ (ઇન્ટરકનેક્શન) ની તાકીદની કામગીરી હાથ ધરવામાં આવનાર છે.પાઇપલાઇન જોડાણની કામગીરીને પગલે RMC નો નિર્ણયઆ ટેકનિકલ અને મેન્ટેનન્સ કામગીરીને પૂર્ણ કરવા માટે મનપા દ્વારા આગામી રવિવાર (30 ઓગસ્ટ) અને મંગળવાર (1 સપ્ટેમ્બર) ના રોજ તબક્કાવાર રીતે રાજકોટના અડધાથી વધુ વિસ્તારોમાં પાણીનો પુરવઠો બંધ રાખવાની સત્તાવાર જાહેરાત કરવામાં આવી છે. ચાલુ ચોમાસાની સીઝનમાં રાજકોટ અને તેની આસપાસના વિસ્તારોમાં અપેક્ષા મુજબનો વરસાદ નોંધાયો નથી. એક તરફ જળાશયોમાં પાણીની આવક ઓછી છે અને ગરમી-બફારાનું પ્રમાણ વધુ છે, ત્યારે બીજી તરફ મહાનગરપાલિકા દ્વારા ઝીંકવામાં આવેલા પાણીકાપને કારણે ગૃહિણીઓ અને વેપારીઓની દિનચર્યા ખોરવાઈ જવાની ભીતિ સેવાઈ રહી છે.ઓછા વરસાદ વચ્ચે પાણીકાપથી શહેરીજનો મુશ્કેલીમાંઆ દિવસે શહેરના વોર્ડ નંબર 7, 14 અને 17 હેઠળ આવતા તમામ રહેણાંક અને વ્યાપારી વિસ્તારોમાં વિતરણ બંધ રહેશે.આ દિવસે વોર્ડ નંબર 8, 10, 11, 12 અને 13 ના વિસ્તારોમાં પાણી મળશે નહીં.મનપાના વોટર વર્ક્સ વિભાગે અસરગ્રસ્ત વોર્ડના નાગરિકોને અગાઉથી જરૂરી પાણીનો જથ્થો સંગ્રહ કરી લેવા અને પાણીનો વિવેકપૂર્વક ઉપયોગ કરવા વિનંતી કરી છે.આ પણ વાંચો: Tapi: વ્યારા APMCમાં દેશી મશરૂમ 'અળમી'નો ભાવ આસમાને, સ્વાસ્થ્યવર્ધક હોવાથી માગ વધી

Read Full Story arrow_forward