Halvad: હવે હળવદ ગ્રામ્યમાં મંદિરના વિકાસ નામે ડ્રો યોજી લાખો ઉસેડી આયોજકો છુમંતર
હળવદ તાલુકાના કડીયાણા અને માથક ગામ વચ્ચે આવેલા મામાના મંદિર તરીકે જાણીતા ધાર્મિક સ્થળના આયોજકોએ મંદિરના વિકાસ અંગે ઈનામી ટિકિટ ડ્રોનું આયોજન કરવામાં આવ્યું હતું. જેમાં ડ્રો કરાયા બાદ કોઈ ટિકિટ ધારકોને ઇનામ નહી આપીને આયોજકો ફરાર થઈ જતા ટિકિટ ધારકોમાં ભારે રોષ ફેલાયો છે.વધુમાં મળતી વિગત મુજબ કડીયાણા અને માથક વચ્ચે વર્ષો જૂનું મામાદેવનું દેવસ્થાન આવેલું છે આ દિવસ સ્થાનના આયોજકોએ તાજેતરમાં દેવસ્થાનના વિકાસ માટે દેવસ્થાનના વિકાસ માટે એક ટિકિટ ડ્રોનું આયોજન કરવામાં આવ્યું હતું. આ અંગેની વધુમાં મળતી વિગત મુજબ એક ટિકિટના ત્રણસો રૂપિયા મુજબ લાખો રૂપિયાની ટિકિટોનું વેચાણ થયા બાદ પંદર દિવસ પહેલા આયોજકો દ્વારા ઈનામી ડ્રો પણ રાખવામાં આવ્યો હતો. ત્યારે તેમાં જે વ્યક્તિઓનું ઇનામી ડ્રોમાં નામ આવ્યું હતું. તેને બે પાંચ દિવસમાં ઇનામની રકમ ચૂકવી આપવાની બાહેધરી અપાઈ હતી. પરંતુ ત્યારબાદ આયોજકો છેલ્લા 10 દિવસથી ફરાર થઈ જવાની સાથે સાથે તેમનાં મોબાઈલ ફોન પણ સ્વીચ ઓફ્ કરી નાખતા ટિકિટ ખરીદનાર અને ડ્રોમાં નામ આવનાર લોકોમાં ભારે રોષ ફેલાયો છે. ત્યારે સ્થાનની જેમ હળવદ પોલીસ પણ મેદાનમાં આવીને તપાસ કરીને છેતરપિંડીનો ખેલ કરનારા પર સંકજો કસે તેમ સ્થાનિકો ઈચ્છી રહ્યા છે. ગુજરાતના વધુ સમાચાર વાંચવા માટે ક્લિક કરો
Read Full Story arrow_forward
