Community News & Updates

Stay informed with the latest happenings, achievements, and announcements from our community.

All News

calendar_today January 2, 2026

Kutch News: દારૂના અડ્ડા પર જનતા રેડ કરતા, પોલીસ ભડકી

રાજ્યમાં દારૂબંધીના અમલ વચ્ચે કચ્છના ભચાઉ તાલુકામાંથી એક ચોંકાવનારી ઘટના સામે આવી છે. ભચાઉના આધોઈ ગામના સ્થાનિક આગેવાનોએ ગામ લોકો સાથે મળીને દેશી દારૂના અડ્ડા પર 'જનતા રેડ' કરી હતી. આ ઘટનાના વીડિયો સોશિયલ મીડિયા પર વાયરલ થતા પોલીસ તંત્રની કામગીરી સામે સવાલો ઉભા થયા છે.શું છે સમગ્ર મામલો? મળતી માહિતી મુજબ, આધોઈ ગામમાં લાંબા સમયથી દેશી દારૂનું વેચાણ થતું હોવાની ફરિયાદો ઉઠી હતી. સ્થાનિકોનો આક્ષેપ છે કે, અનેક રજૂઆતો છતાં તંત્ર દ્વારા કોઈ નક્કર પગલાં લેવામાં આવતા ન હતા. અંતે, કંટાળેલા ગ્રામજનો અને સ્થાનિક નેતાઓએ કાયદો હાથમાં લેવાને બદલે જનતા રેડ કરવાનું નક્કી કર્યું હતું. રેડ દરમિયાન મોટા પ્રમાણમાં દેશી દારૂનો જથ્થો ઝડપાયો હતો. પોલીસ સ્ટેશનમાં દારૂનો ઢગલો આશ્ચર્યજનક બાબત એ રહી કે, જનતા રેડ કર્યા બાદ લોકો આ મુદ્દામાલ લઈને સીધા સામખિયાળી પોલીસ સ્ટેશન પહોંચ્યા હતા. સામખિયાળી પોલીસ સ્ટેશનના પટાંગણમાં જ લોકોએ દેશી દારૂની પોટલીઓ અને કેન ઠાલવી દીધા હતા. પોલીસ સ્ટેશન પરિસરમાં દારૂનો ઢગલો થતા પોલીસ કર્મીઓ પણ અચંબિત થઈ ગયા હતા. પોલીસ અને આગેવાનો વચ્ચે બોલાચાલી આ ઘટના દરમિયાન પોલીસ સ્ટેશનમાં ભારે અફરાતફરીનો માહોલ સર્જાયો હતો. સ્થાનિક આગેવાનો અને પોલીસ અધિકારીઓ વચ્ચે ઉગ્ર 'તું તું મેં મેં' થઈ હતી. લોકોએ પોલીસ પર નિષ્ક્રિયતાનો આરોપ લગાવ્યો હતો, જ્યારે પોલીસે પ્રક્રિયા મુજબ કામગીરી કરવાની ખાતરી આપી હતી. હાલ આ સમગ્ર ઘટનાના વીડિયો વાયરલ થતા સમગ્ર કચ્છમાં ચર્ચાનો વિષય બન્યો છે. જનતા રેડ કરતા લોકો સામે પોલીસ રોષે ભરાઈ હતી. આ સાથે સ્થાનિક લોકોએ પોલીસ પર હપ્તાખોરીના આરોપ લગાવ્યા હતા. આ પણ વાંચો - Kutch News : કચ્છમાં સાયબર ફ્રોડના રૂપિયા કમિશનથી મેળવનાર આરોપીઓ સામે કાર્યવાહી, બેંકના ખાતામાં રૂ. 33 લાખ જમા થયા હતા

Read Full Story arrow_forward

calendar_today January 2, 2026

Dwarka News: ગોમતી નદીમાં યુવકે લગાવી મોતની છલાંગ

પવિત્ર યાત્રાધામ દ્વારકામાં આજે વહેલી સવારે એક અરેરાટીભરી ઘટના સામે આવી છે. પવિત્ર ગોમતી નદીના કિનારેથી એક અજાણ્યા યુવકનો મૃતદેહ મળી આવતા સમગ્ર પંથકમાં ચકચાર મચી જવા પામી છે. પ્રાથમિક અનુમાન મુજબ, આ યુવકે ગઈકાલે મોડી રાત્રે નદીમાં ઝંપલાવીને પોતાનું જીવન ટૂંકાવ્યું હોવાનું જાણવા મળી રહ્યું છે.ગોમતી નદીના કિનારે મૃતદેહ તરતો જોવા મળ્યો ઘટનાની મળતી માહિતી અનુસાર, આજે વહેલી સવારે જ્યારે શ્રદ્ધાળુઓ અને સ્થાનિક લોકો ગોમતી નદીના કિનારે પહોંચ્યા ત્યારે સંગમ નારાયણ ઘાટની સામેના કિનારે એક મૃતદેહ તરતો જોવા મળ્યો હતો. સ્થાનિકોએ તાત્કાલિક આ અંગે પોલીસને જાણ કરી હતી. દ્વારકા પોલીસની ટીમ ઘટનાસ્થળે દોડી આવી હતી અને સ્થાનિક તરવૈયાઓની મદદથી મૃતદેહને પાણીની બહાર કાઢ્યો હતો. પ્રેમ સંબંધનું કારણ? સ્થાનિક લોકમુખે ચર્ચાઈ રહ્યું છે કે, આ યુવકે પ્રેમ સંબંધમાં નિષ્ફળતા મળતા અથવા તે બાબતના મનદુઃખને કારણે આ આત્યંતિક પગલું ભર્યું હોઈ શકે છે. જોકે, પોલીસ દ્વારા હજુ સુધી સત્તાવાર રીતે આ કારણની પુષ્ટિ કરવામાં આવી નથી. મૃતક યુવકની ઓળખ વિધિવત રીતે સ્થાપિત કરવાના ચક્રો ગતિમાન કરવામાં આવ્યા છે. પોલીસ કાર્યવાહી દ્વારકા પોલીસે યુવકના મૃતદેહનો કબ્જો મેળવી તેને પોસ્ટ મોર્ટમ અર્થે દ્વારકાની સરકારી હોસ્પિટલમાં ખસેડ્યો છે. દ્વારકા પોલીસ દ્વારા અકસ્માતે મોતનો ગુનો નોંધવામાં આવ્યો છે. હાલ પોલીસે વધુ તપાસ હાથ ધરી છે. આ યુવક ક્યાંનો રહેવાસી હતો અને કયા સંજોગોમાં તેણે ગોમતી નદી સુધી પહોંચી આત્મહત્યા કરી, તે દિશામાં સીસીટીવી ફૂટેજ અને અન્ય પુરાવાઓ એકત્ર કરવામાં આવી રહ્યા છે. દ્વારકા જેવા પવિત્ર યાત્રાધામમાં બનેલી આ ઘટનાથી શ્રદ્ધાળુઓમાં પણ શોકની લાગણી જોવા મળી રહી છે. આ પણ વાંચો - Dwarka News: 11 જાન્યુઆરીએ બ્લુ ફલેગ શિવરાજપુર બીચ ખાતે પતંગ મહોત્સવ યોજાશે

Read Full Story arrow_forward

calendar_today January 2, 2026

Surat News : 35 દિવસથી દીકરી ગુમ છતાં પોલીસ નિષ્ક્રિય? રોષે ભરાયેલા પાટીદારોએ ન્યાય માટે પોલીસ સ્ટેશનનો ઘેરાવ કર્યો

સુરતના સરથાણા વિસ્તારમાં પાટીદાર સમાજની એક સગીરાના અપહરણની ઘટનાને લઈને મોડી રાત્રે ભારેલા અગ્નિ જેવી સ્થિતિ સર્જાઈ હતી. છેલ્લા ૩૫ દિવસથી દીકરી પરિવારથી અળગી છે, તેમ છતાં પોલીસ દ્વારા કોઈ નક્કર કાર્યવાહી કરવામાં ન આવી હોવાના આક્ષેપ સાથે પાટીદાર સમાજના અગ્રણીઓ અને મોટી સંખ્યામાં યુવાનોએ સરથાણા પોલીસ સ્ટેશનનો ઘેરાવ કર્યો હતો. મધરાતે પોલીસ સ્ટેશન બહાર ઉમટેલી હજારોની મેદનીએ સૂત્રોચ્ચાર કરી વાતાવરણ ગજવી દીધું હતું. સમાજના આગેવાનોનો આક્ષેપ છે કે વારંવારની રજૂઆત છતાં પોલીસ માત્ર આશ્વાસન આપી રહી છે, જ્યારે દીકરી હજુ પણ ગુમ છે.સરથાણા પોલીસ છાવણીમાં ફેરવાયું ઉગ્ર બનેલા પાટીદાર સમાજે માંગ કરી છે કે આ કેસમાં તાત્કાલિક અસરથી આરોપીની ધરપકડ કરવામાં આવે અને તેની સામે કડક કલમો હેઠળ વિશેષ ગુનો દાખલ કરવામાં આવે. આ સાથે જ, તપાસમાં બેદરકારી દાખવનાર જવાબદાર પોલીસ અધિકારીઓ સામે પણ કાયદેસરની કાર્યવાહી કરવાની માંગણી કરવામાં આવી છે. પરિવારે ચીમકી ઉચ્ચારી છે કે જો આગામી ટૂંકા સમયમાં દીકરીની શોધખોળ નહીં થાય, તો આ મામલે સીધી ગૃહ વિભાગમાં રજૂઆત કરવામાં આવશે અને આંદોલનને વધુ તેજ બનાવવામાં આવશે. મોડી રાત સુધી ચાલેલી આ ખેંચતાણને પગલે પોલીસ સ્ટેશન પરિસરમાં ચુસ્ત બંદોબસ્ત ગોઠવી દેવામાં આવ્યો હતો. આ પણ વાંચો : Ahmedabad માં ટ્રાફિક પોલીસ એક્શનમાં, ગુજરાત હાઇકોર્ટ બહાર હેલ્મેટ ડ્રાઇવ, સરકારી બાબુઓ પણ નિશાના પર...

Read Full Story arrow_forward