Community News & Updates

Stay informed with the latest happenings, achievements, and announcements from our community.

All News

calendar_today January 3, 2026

Anand : સામરખા ચોકડી નજીક જવલનશીલ કેમિકલ ભરેલું ટેન્કર પલટી જતાં આંખોમાં બળતરા, પોલીસે સર્વિસ રોડ બંધ કરાવ્યો

આજે આણંદની સામરખા ચોકડી નજીક જવલનશીલ કેમિકલ ભરેલું ટેન્કર પલટી જવાની ઘટના સામે આવી છે. ટેન્કરમાં રહેલા જાયલીન નામના કેમિકલનું લીકેજ થતા આસપાસના લોકોને આંખોમાં બળતરાની તકલીફ સર્જાઇ હતી.આણંદ ફાયર બ્રિગેડ ઘટના સ્થળે આ ઘટનાની જાણ થતાં આણંદ ફાયર બ્રિગેડ ઘટના સ્થળે પહોંચી ગઈ. પોલીસ દ્વારા બ્રિજનો સર્વિસ રોડ તાત્કાલિક બંધ કરાવવામાં આવ્યો હતો, જેથી કોઇને તકલીફ ના થાય પાણીનો મારો ચલાવી લીકેજને કાબૂમાં લીધુ ફાયર બ્રિગેડે કેમિકલ ફોમ સાથે પાણીનો મારો ચલાવી લીકેજને કાબૂમાં લીધુ હતું. આ પણ વાંચો----   ACB ની કાર્યવાહી, 1 વર્ષમાં રાજ્યમાં 1.72 કરોડની રકમની લાંચ લેવાઇ, સૌથી વધુ ગૃહ વિભાગમાં 59, પંચાયતમાં 27 કેસ થયા

Read Full Story arrow_forward

calendar_today January 3, 2026

Rajkot માં 'MLA ગુજરાત' લખેલી મર્સિડીઝના ચાલકની દાદાગીરી, પાર્કિંગ માટે મનપાનું બોર્ડ ઉખેડ્યું!

રાજકોટ શહેરમાં કાયદાના રક્ષક ગણાતા પ્રતિનિધિઓની ઓળખ ધરાવતી ગાડીના ચાલક દ્વારા નિયમોના ધજાગરા ઉડાડતો એક કિસ્સો પ્રકાશમાં આવ્યો છે. શહેરના એક જાહેર માર્ગ પર સફેદ રંગની લક્ઝરી મર્સિડીઝ કાર (નંબર GJ 18 BJ 6763), જેના પર 'MLA ગુજરાત' લખેલી પ્લેટ મારેલી હતી, તેના ચાલકે પોતાની કાર પાર્ક કરવા માટે મહાનગરપાલિકા (RMC) દ્વારા લગાવવામાં આવેલું સરકારી બોર્ડ ઉખેડવાનો પ્રયાસ કર્યો હતો. પોતાની સત્તા અને વગનો દુરુપયોગ કરી જાહેર મિલકતને નુકસાન પહોંચાડવાનો આ પ્રયાસ જોઈને આસપાસના લોકોમાં પણ આશ્ચર્ય ફેલાયું હતું.પોલીસ અને મનપા શું એક્શન લેશે? આ સમગ્ર ઘટનાનો વીડિયો સોશિયલ મીડિયા પર વાયુવેગે વાયરલ થયો છે, જેને પગલે લોકોમાં રોષ જોવા મળી રહ્યો છે. વીડિયોમાં સ્પષ્ટ જોઈ શકાય છે કે કારચાલક નિર્ભય બનીને સરકારી બોર્ડ સાથે છેડછાડ કરી રહ્યો છે જેથી તે પોતાની ગાડી ત્યાં ઊભી રાખી શકે. જોકે, આ વાયરલ વીડિયોની સત્યતા અંગે કોઈ સત્તાવાર પુષ્ટિ કરવામાં આવી નથી, પરંતુ 'MLA' લખેલી પ્લેટ ધરાવતી મોંઘીદાટ કારના ચાલકનું આ કારસ્તાન હાલ ચર્ચાનો વિષય બન્યું છે. પોલીસ અને મનપા તંત્ર આ બાબતે શું પગલાં લે છે તેના પર સૌની મીટ મંડાણી છે. આ પણ વાંચો : Chotila News : જય ચામુંડાના નાદથી ગુંજી ઉઠ્યો ચોટીલાનો ડુંગર, પૂનમના પર્વે લાખો ભક્તો ઉમટ્યા

Read Full Story arrow_forward

calendar_today January 3, 2026

Ahmedabad News : વાહનચાલકોમાં રોષ, 'થિગડાં મારીને સંતોષ માનતા' તંત્ર સામે દધિચી બ્રિજ પર જનતાનો આક્રોશ

અમદાવાદના દધિચી બ્રિજની જર્જરિત હાલતે મહાનગરપાલિકાની પ્રી-મોન્સૂન અને મેન્ટેનન્સ કામગીરીના ધજાગરા ઉડાડી દીધા છે. બ્રિજ પર મોટા મોટા ગાબડા પડવાને કારણે અંદરના લોખંડના સળિયા બહાર દેખાઈ રહ્યા છે, જે વાહનચાલકો માટે જીવનું જોખમ ઊભું કરી રહ્યા છે. આશ્ચર્યની વાત એ છે કે, તંત્ર દ્વારા રિપેરિંગના નામે માત્ર 'થિગડાં' મારવાની કામગીરી કરવામાં આવી હતી, જે ગણતરીના કલાકોમાં જ બેસી જતાં તંત્રની પોકળ કામગીરી ખુલ્લી પડી ગઈ છે. મજબૂત બ્રિજના દાવાઓ વચ્ચે સળિયા દેખાતી આ સ્થિતિ તંત્રની ઘોર બેદરકારીની સાક્ષી પૂરી રહી છે.ભ્રષ્ટાચારના ગાબડા? બ્રિજની આવી દયનીય સ્થિતિને કારણે વાહનચાલકોમાં ભારે રોષ જોવા મળી રહ્યો છે. સ્થાનિકો અને મુસાફરોનો આક્ષેપ છે કે તંત્રને માત્ર દેખાવ પૂરતી કામગીરી કરવાની આદત પડી ગઈ છે, જેના કારણે ટેક્સ ભરતી જનતાના જીવ જોખમમાં મુકાય છે. વારંવાર રજૂઆતો છતાં મજબૂત સમારકામ કરવાને બદલે માત્ર સંતોષ ખાતર થિગડાં મારીને સત્તાધીશો પોતાની જવાબદારીમાંથી છટકી રહ્યા છે. દધિચી બ્રિજ પરના આ દ્રશ્યો અમદાવાદ મ્યુનિસિપલ કોર્પોરેશનના ભ્રષ્ટાચાર અને આળસનું જીવંત ઉદાહરણ પૂરું પાડી રહ્યા છે. આ પણ વાંચો : Rajkot માં 'MLA ગુજરાત' લખેલી મર્સિડીઝના ચાલકની દાદાગીરી, પાર્કિંગ માટે મનપાનું બોર્ડ ઉખેડ્યું!

Read Full Story arrow_forward