Community News & Updates

Stay informed with the latest happenings, achievements, and announcements from our community.

All News

calendar_today January 2, 2026

Ahmedabad: AMC ગાર્ડન મામલે વિવાદ, રૂ.250 કરોડના પ્રોજેક્ટમાં નિયમોના ઉલાળિયાના આક્ષેપ

અમદાવાદ મ્યુનિસિપલ કોર્પોરેશનના ગાર્ડન વિભાગમાં કરોડો રૂપિયાના ટેન્ડર મામલે ગંભીર વિવાદ ઉભો થયો છે. શહેરના બગીચાઓની જાળવણી અને સાધન-સામગ્રી માટે બહાર પાડવામાં આવેલા ₹250 કરોડના ટેન્ડરમાં શરતોનો ભંગ થયો હોવાની ફરિયાદ ઉઠતા મનપામાં ખળભળાટ મચી ગયો છે.નીલકંઠ એજન્સીના ગંભીર આક્ષેપો આ સમગ્ર મામલે નીલકંઠ એજન્સી દ્વારા મ્યુનિસિપલ કમિશનરને એક લેખિત પત્ર પાઠવીને ગંભીર આક્ષેપો કરવામાં આવ્યા છે. એજન્સીનો દાવો છે કે ટ્રેક્ટર-ટ્રોલી સહિતની મશીનરી માટે જે ₹250 કરોડનું ટેન્ડર બહાર પાડવામાં આવ્યું હતું, તેમાં ટેન્ડરની મૂળભૂત શરતો અને નિયમોનો સરેઆમ ઉલાળિયો કરવામાં આવ્યો છે. પત્રમાં સ્પષ્ટપણે જણાવાયું છે કે વહીવટી પ્રક્રિયામાં પારદર્શિતાનો અભાવ છે અને ચોક્કસ હિતોને સાધવા માટે નિયમોમાં બાંધછોડ કરવામાં આવી છે. એજન્સીએ આ મામલે તટસ્થ તપાસ કરવાની માંગ કરી છે. મનપા સત્તાધીશોનો લૂલો બચાવ આ વિવાદ મામલે અમદાવાદ મ્યુનિસિપલ કોર્પોરેશનના સત્તાધીશોએ પોતાનો પક્ષ રજૂ કર્યો છે. ઉચ્ચ અધિકારીઓના જણાવ્યા અનુસાર, નીલકંઠ એજન્સી દ્વારા કરવામાં આવેલા તમામ આક્ષેપો પાયાવિહોણા અને ખોટા છે. જોકે, મામલો ગંભીર હોવાથી અને કરોડોની રકમ જોડાયેલી હોવાથી, મનપા કમિશનરે સંબંધિત વિભાગના ઉચ્ચ અધિકારીને આ મામલે તપાસ સોંપી છે. ટેન્ડર પ્રક્રિયાના તમામ પાસાઓ અને એજન્સી દ્વારા ઉઠાવવામાં આવેલા મુદ્દાઓની ચકાસણી કરવાના આદેશ આપવામાં આવ્યા છે. તો બીજી તરફ તંત્રનું કહેવું છે કે પ્રાથમિક દ્રષ્ટિએ કોઈ અનિયમિતતા જણાઈ નથી, પરંતુ ફરિયાદ મળી હોવાથી નિયમ મુજબ તપાસ હાથ ધરવામાં આવશે.આ પણ વાંચોઃ Ahmedabad: આવતીકાલથી વટવા વિસ્તારમાં કરાશે વધુ એક મેગા ડિમોલેશન

Read Full Story arrow_forward

calendar_today January 2, 2026

Gandhinagar News: 40 દિવસમાં 45 હજારથી વધુ ઉમેદવારોને સરકારના જુદા જુદા વિભાગોમાં નિમણૂક પત્રો અપાયા

મુખ્યમંત્રી ભૂપેન્દ્ર પટેલે ગુજરાત રાજ્ય વાહન વ્યવહાર નિગમના 3084 ડ્રાઇવર અને 1658 હેલ્પર કક્ષાના ઉમદવારોને ગાંધીનગરમાં નિમણૂંકપત્ર એનાયત કર્યા હતા.મુખ્યમંત્રીએ જણાવ્યું હતું કે, માર્ગ વાહન વ્યવહાર નિગમની બસોના ડ્રાઈવર્સ છેવાડાના માનવી સુધી પહોંચે છે. એટલે આ બસ ચાલકો સલામત સવારીની સાથે સમયપાલનની મોટી જવાબદારીનું વહન કરીને રાજ્ય સરકારની ઇમેજ ઘડનારા મહત્વપૂર્ણ અંગ છે. એસ.ટી. નિગમ 100 ટકા ડિજિટલ પેમેન્ટ તરફ આ પ્રસંગે વાહન વ્યવહાર રાજ્ય મંત્રી પ્રવિણ માળીએ જણાવ્યું હતું કે, મુખ્યમંત્રી ભૂપેન્દ્ર પટેલના નેતૃત્વમાં એસ.ટી. નિગમે અનેક નવા આયામો હાંસલ કર્યા છે.આવનારા સમયમાં એસ.ટી. નિગમ 100 ટકા ડિજિટલ પેમેન્ટ તરફ આગળ વધશે, જેના પરિણામે નાગરિકોને છુટ્ટા પૈસા સાથે લાવવામાંથી મુક્તિ મળશે. છેલ્લા અંદાજિત 40 દિવસમાં મુખ્યમંત્રી ભૂપેન્દ્ર પટેલના માર્ગદર્શનમાં 45 હજારથી વધુ ઉમેદવારોને સરકારી નોકરી માટે વિવિધ વિભાગોમાં નિમણૂક પત્રો આપવામાં આવ્યા છે. સરકારી નોકરી માટે શરૂ કરાયેલી 100 ટકા પારદર્શક રીતે, પરીક્ષાઓ યોજીને વધુને વધુ ઉમેદવારો નોકરી મળી રહે તે પ્રકારનું આયોજન ગુજરાતમાં મુખ્યમંત્રી ભૂપેન્દ્ર પટેલની આગેવાનીમાં થઈ રહ્યું છે.રાજ્યમાં ગુડ ગવર્નન્સના પરિણામે છેવાડાના યુવાનો પણ પરીક્ષા પાસ કરીને સરકારી સેવામાં જોડાઈ રહ્યા છે.આ પણ વાંચોઃ Rajkot સિવિલમાં ડોક્ટર સાથે મારામારીનો કેસ, નેપાળી દર્દીનું સારવાર દરમિયાન મોત

Read Full Story arrow_forward

calendar_today January 2, 2026

અનંત અંબાણી માટે આસ્થા, નેતૃત્વ અને વન્યજીવ સંરક્ષણનો અનોખો સંગમ રહ્યું વર્ષ 2025

રિલાયન્સ ઇન્ડસ્ટ્રીઝના એક્ઝિક્યુટિવ ડાયરેક્ટર અનંત અંબાણી માટે વર્ષ 2025 એ માત્ર વ્યાવસાયિક સફળતાનું જ નહીં, પરંતુ અતૂટ શ્રદ્ધા અને નિઃસ્વાર્થ સેવાનું વર્ષ રહ્યું છે. આ વર્ષે તેમણે પોતાની આધ્યાત્મિક અને સામાજિક જવાબદારીઓ વચ્ચે એક અદભૂત સંતુલન જાળવીને નવો આદર્શ પ્રસ્થાપિત કર્યો છે.જનસેવા પ્રત્યેની કટિબદ્ધતાઆધ્યાત્મિક પદયાત્રા અને જનસેવા વર્ષની શરૂઆત જામનગરથી દ્વારકા સુધીની 140 કિલોમીટરની કઠિન પદયાત્રાથી થઈ હતી. 'સેવા' અને 'સમર્પણ'ના ભાવ સાથે થયેલી આ યાત્રાએ લાખો યુવાનોને પ્રેરણા આપી હતી. આ ઉપરાંત, પ્રયાગરાજ ખાતેના મહાકુંભ દરમિયાન તેમણે મોટા પાયે શ્રદ્ધાળુઓ માટે કલ્યાણકારી યોજનાઓ અને સુવિધાઓ ઉપલબ્ધ કરાવી, જે તેમની જનસેવા પ્રત્યેની કટિબદ્ધતા દર્શાવે છે.વન્યજીવોના પુનર્વસન અને કલ્યાણ માટે વૈશ્વિક બેન્ચમાર્ક બની ગયો છે વંતારા વૈશ્વિક ફલક પર ગૌરવ અનંત અંબાણીના ડ્રીમ પ્રોજેક્ટ 'વંતારા' (Vantara) માટે 2025નું વર્ષ ઐતિહાસિક રહ્યું છે. માનનીય વડાપ્રધાન નરેન્દ્ર મોદીના હસ્તે આ વન્યજીવ સંરક્ષણ કેન્દ્રનું ઉદ્ઘાટન કરવામાં આવ્યું હતું. વંતારાએ માત્ર રાષ્ટ્રીય સ્તરે માન્યતા પ્રાપ્ત કરી એટલું જ નહીં, પરંતુ વિશ્વભરની જાણીતી હસ્તીઓએ અહીંની મુલાકાત લઈને ભારતના સંરક્ષણ મોડેલની પ્રશંસા કરી. આ પ્રોજેક્ટ આજે વન્યજીવોના પુનર્વસન અને કલ્યાણ માટે વૈશ્વિક બેન્ચમાર્ક બની ગયો છે. == પ્રેમના ત્રિવેણી સંગમ સમાન સાબિત થયું વર્ષનેતૃત્વ અને વિઝન રિલાયન્સ ઇન્ડસ્ટ્રીઝના એક્ઝિક્યુટિવ ડાયરેક્ટર તરીકે, તેમણે ઉદ્યોગ જગતમાં પોતાની આગવી ઓળખ મજબૂત કરી છે. તેમની આગેવાની હેઠળ રિલાયન્સના ગ્રીન એનર્જી અને કોર્પોરેટ સામાજિક જવાબદારીના પ્રોજેક્ટ્સને નવી ગતિ મળી છે. આમ, 2025નું વર્ષ અનંત અંબાણી માટે ભક્તિ, શક્તિ અને પર્યાવરણ પ્રત્યેના પ્રેમના ત્રિવેણી સંગમ સમાન સાબિત થયું છે. આ પણ વાંચો - અનંત અંબાણીએ લિયોનેલ મેસ્સીને ભેટમાં આપી એવી ઘડિયાળ, જેના દુનિયામાં માત્ર 12 જ પીસ છે, કિંમત જાણીને હોશ ઉડી જશે!

Read Full Story arrow_forward