Community News & Updates

Stay informed with the latest happenings, achievements, and announcements from our community.

All News

calendar_today September 12, 2026

Navratri 2026: ખેલૈયાઓ થઈ જાવ તૈયાર! આ વખતે પણ નવરાત્રિમાં આખી રાત ઘૂમશે ગરબા, હર્ષ સંઘવીએ આપ્યા સંકેત

ગુજરાતમાં નવરાત્રિ પર્વને હવે ગણતરીના દિવસો જ બાકી રહ્યા છે, ત્યારે ખેલૈયાઓ માટે એક અત્યંત ઉત્સાહજનક સમાચાર સામે આવ્યા છે. નાયબ મુખ્યમંત્રી હર્ષ સંઘવીએ આ વર્ષે પણ નવરાત્રિ દરમિયાન મોડી રાત સુધી કે આખી રાત ગરબા યોજાય તેવા સ્પષ્ટ સંકેતો આપ્યા છે. તેમના આ નિવેદન બાદ રાજ્યભરના ખેલૈયાઓ અને ગરબા આયોજકોમાં ભારે આનંદનો માહોલ છવાઈ ગયો છે.ગાંધીનગરના કાર્યક્રમમાં આપ્યું મહત્વનું નિવેદનગાંધીનગર સ્થિત કલ્ચરલ ફોરમના ગ્રાઉન્ડમાં યોજાયેલા એક વિશેષ કાર્યક્રમમાં હાજરી આપવા પહોંચેલા હર્ષ સંઘવીએ જાહેરમાં આ વિધાન કર્યું હતું. મંચ પરથી સંબોધન કરતી વખતે તેમણે ઉપસ્થિત જનમેદનીને સીધો સવાલ પૂછ્યો હતો કે, તમે નવરાત્રીમાં કેટલા વાગ્યા સુધી ગરબા રમો છો? આ સવાલના જવાબમાં હાજર તમામ લોકોએ એકસૂરે "આખી રાત!" નો ઉત્સાહભેર પોકાર કર્યો હતો, જેના પ્રતિસાદરૂપે સંઘવીએ પણ આખી રાત ગરબા રમવાની છૂટ ચાલુ રાખવાના સંકેત આપ્યા હતા.વચમાં કોઈ 'ચૌદશ' ન આવે તો આખી રાત ગરબા!પોતાના સાહજિક અને હળવા અંદાજ માટે જાણીતા હર્ષ સંઘવીએ રાજકીય અને સામાજિક ટકોર કરતાં ઉમેર્યું હતું કે, જો વચ્ચે કોઈ 'ચૌદશ' કે બિનજરૂરી વિઘ્ન ન આવે તો આખી રાત નિશ્ચિંત થઈને ગરબા રમી શકાશે. તેમના આ કટાક્ષભર્યા વિધાનને ઉપસ્થિત લોકોએ તાળીઓના ગડગડાટ સાથે વધાવી લીધું હતું.નાના વેપારીઓ માટે 'દિવાળી' જેવી કમાણીની તકમાત્ર મનોરંજન જ નહીં, પરંતુ નવરાત્રીના આર્થિક પાસા પર પ્રકાશ પાડતાં તેમણે જણાવ્યું હતું કે, રાતભર ગરબા ચાલવાથી માત્ર ખેલૈયાઓને જ મજા નથી આવતી, પરંતુ નાના વેપારીઓ, લારી-ગલ્લા વાળા અને ખાદ્યપદાર્થો વેચતા સ્થાનિક ધંધાર્થીઓને પણ મોટો ફાયદો થાય છે. આખી રાત વેપાર ધંધા ખુલ્લા રહેવાથી નાના રોજીંદી કમાણી કરતા પરિવાર માટે આ તહેવાર દિવાળી જેવી મોટી રોજીરોટી અને આર્થિક સમૃદ્ધિ લઈને આવે છે.આ પણ વાંચો: બ્રિક્સ સમિટ 2026, ગુજરાતમાં વરસાદ, પશુપાલકોને પડ્યા પર પાટું...

Read Full Story arrow_forward

calendar_today September 12, 2026

Surat Mumbai Flightનું બુકિંગ બંધ, વેપારીઓની મુશ્કેલી વધી

હીરાનગરી અને સિલ્કસિટી તરીકે ઓળખાતા સુરત શહેરના વિમાન પ્રવાસીઓ અને ખાસ કરીને ઉદ્યોગકારો માટે અત્યંત માઠા સમાચાર સામે આવ્યા છે. સુરતથી મુંબઈ વચ્ચે તાજેતરમાં જ શરૂ કરવામાં આવેલી ડાયરેક્ટ ફ્લાઇટ સર્વિસનું બુકિંગ અચાનક બંધ કરી દેવામાં આવ્યું છે. આ ફ્લાઇટ બંધ થવાના કારણે રોજિંદી અવરજવર કરતા પ્રવાસીઓમાં ભારે નિરાશા અને મુશ્કેલી જોવા મળી રહી છે.થોડા સમય પહેલા જ ધામધૂમથી શરૂ કરાઈ હતી સેવાતમને જણાવી દઈએ કે, હજુ થોડા સમય પહેલા જ સુરત અને મુંબઈ વચ્ચે હવાઈ સેવા ફરીથી શરૂ કરવામાં આવી હતી. આ ફ્લાઇટ શરૂ થતાંની સાથે જ સુરતીઓ અને વ્યવસાયિકોએ તેને ભારે આવકાર આપ્યો હતો. જોકે, ટૂંકા જ સમયગાળામાં કોઈ પણ પૂર્વ સૂચના વિના અચાનક બુકિંગ સિસ્ટમમાંથી આ ફ્લાઇટ બંધ કરી દેવાતા લોકો આશ્ચર્યમાં મુકાયા છે.ટેક્સટાઇલ અને ડાયમંડ વેપારીઓની વધી મુશ્કેલીસુરતનો ટેક્સટાઇલ અને ડાયમંડ ઉદ્યોગ સીધો મુંબઈ સાથે જોડાયેલો છે. દેશ અને વિદેશના વેપારીઓ માટે મુંબઈથી સુરત આવવા-જવા માટે આ ફ્લાઇટ એક આશીર્વાદ સમાન સાબિત થઈ રહી હતી. ખૂબ જ ઓછા સમયમાં મુંબઈ પહોંચી શકાતું હોવાથી વેપાર-ધંધાને મોટો વેગ મળી રહ્યો હતો, પરંતુ હવે ફ્લાઇટ બંધ થવાના કારણે વેપારીઓના સમય અને વ્યવસાય બંને પર વિપરીત અસર પડવાની ભીતિ સેવાઈ રહી છે.બુકિંગ બંધ થવા પાછળનું કારણ અસ્પષ્ટએરલાઇન્સ અથવા એરપોર્ટ ઓથોરિટી દ્વારા આ ફ્લાઇટ શા માટે અચાનક સ્થગિત કે બંધ કરવામાં આવી છે, તેનું કોઈ સ્પષ્ટ કારણ હજુ સુધી સામે આવ્યું નથી. ટેકનિકલ કારણોસર બુકિંગ બંધ કરાયું છે કે પછી ઓપરેશનલ મુશ્કેલી છે, તે અંગે સત્તાવાર ખુલાસાની રાહ જોવાઈ રહી છે. સ્થાનિક વેપારી મંડળો દ્વારા આ સેવા સત્વરે ફરી શરૂ કરવા માટે માગ ઉઠી રહી છે.આ પણ વાંચો: Surat News : ફોન પર આવેલું વેડિંગ કાર્ડ ખોલતાં જ અચાનક શું થયું? પોલીસ કોન્સ્ટેબલ સાથે કઈ રીતે થઈ મોટી ઠગાઈ?

Read Full Story arrow_forward

calendar_today September 12, 2026

BRICS Summit 2026 Delhi Live: શિ જિનપિંગ આજે સાજે PM મોદી સાથે કરશે મુલાકાત

નવી દિલ્હીમાં બ્રિક્સ (BRICS) સમિટ 2026નું આયોજન થઈ રહ્યું છે, જેના કારણે રાજધાનીમાં વિદેશી મહાનુભાવો એકત્રિત થયા છે. રશિયાના રાષ્ટ્રપતિ વ્લાદિમીર પુતિન અને ઈરાનના રાષ્ટ્રપતિ મસૂદ પેઝેશ્કિયન સહિત વિશ્વભરના નેતાઓ અહીં આવી પહોંચ્યા છે, અને ચીનના રાષ્ટ્રપતિ શી જિનપિંગ આજે ભારત આવી ગયા છે. વડાપ્રધાન મોદી શી જિનપિંગ તેમજ સમિટમાં ભાગ લઈ રહેલા અન્ય તમામ રાષ્ટ્રાધ્યક્ષો અને પ્રતિનિધિઓ સાથે બેઠકો યોજશે.પેઝેશ્કિયનની દીકરી બ્રિક્સ બજારમાં કળા અને સંસ્કૃતિનો અનુભવ કર્યોઈરાનના રાષ્ટ્રપતિ મસૂદ પેઝેશ્કિયનની પુત્રી ઝહરા પેઝેશ્કિયન અને તેમના પતિ હસન મજીદીએ કેન્દ્રીય મહિલા અને બાળ વિકાસ મંત્રી અન્નપૂર્ણા દેવી સાથે નવી દિલ્હીમાં આયોજિત 'બ્રિક્સ બજાર'ની મુલાકાત લીધી હતી. તેમણે ભારતીય પેવેલિયન સહિત બ્રિક્સના સભ્ય અને ભાગીદાર દેશોના પેવેલિયનની મુલાકાત લીધી હતી. આ મુલાકાત દરમિયાન તેમને વિવિધ સહભાગી દેશોની કળા, હસ્તકલા અને સાંસ્કૃતિક વારસાની ઝલક જોવા મળી હતી. રાષ્ટ્રપતિ મસૂદ પેઝેશ્કિયન રાષ્ટ્રપતિ દ્રૌપદી મુર્મુ સાથે કરી મુલાકાતઈરાનના રાષ્ટ્રપતિ મસૂદ પેઝેશ્કિયાને દિલ્હીમાં રાષ્ટ્રપતિ ભવનમાં રાષ્ટ્રપતિ દ્રૌપદી મુર્મુ સાથે મુલાકાત કરી.કીર્તિ વર્ધન સિંહે કર્યું સ્વાગતશી જિનપિંગનો કાફલો ભારત મંડપમ માટે રવાના થયો. કેન્દ્રીય મંત્રી કીર્તિ વર્ધન સિંહે તેમનું સ્વાગત કર્યું.પાલમ એરપોર્ટ પર જિનપિંગનું કરાયું સ્વાગત પાલમ એરપોર્ટ પર શી જિનપિંગનું સ્વાગત કરવામાં આવ્યું છે. કેન્દ્રીય મંત્રી જિતિન પ્રસાદે તેમનું સ્વાગત કર્યુ છે. સાંજે 5.45 કલાકે તેઓ પીએમ મોદી સાથે દ્વીપક્ષીયય વાતો કરશે.  દિલ્હીમાં લેન્ડ થયુ શી જિનપિંગનું વિમાનચીનના રાષ્ટ્રપતિ શી જિનપિંગ ભારત આવી પહોંચ્યા છે. દિલ્હીમાં તેમનું પ્લેન લેન્ડ થયુ છે.  7 વર્ષ બાદ તેઓ ભારત આવ્યા છે. ભારત મંડપમમાં દુનિયાના દિગ્ગજો આવી રહ્યા છે. ત્યારે શી જિનપિંગ પણ હવે ટૂંક સમયમાં જોડાશે.  અબુધાબીના ક્રાઉન પ્રિન્સને મળ્યા પીએમ મોદી વડાપ્રધાન નરેન્દ્ર મોદીએ BRICS સમિટ 2026 દરમિયાન અબુ ધાબીના ક્રાઉન પ્રિન્સ શેખ ખાલિદ બિન મોહમ્મદ બિન ઝાયેદ અલ નાહયાન સાથે દ્વિપક્ષીય બેઠક યોજી. મલેશિયાના પીએમને મળ્યા પીએમ મોદી દિલ્હીમાં વડાપ્રધાન નરેન્દ્ર મોદીએ BRICS સમિટ 2026 દરમિયાન હૈદરાબાદ હાઉસ ખાતે મલેશિયાના વડાપ્રધાન અનવર ઈબ્રાહિમ સાથે દ્વિપક્ષીય બેઠક યોજી. ઇથોપિયાના પીએમ સાથે પીએમ મોદીની બેઠક હૈદરાબાદ હાઉસ ખાતે ભારત અને ઇથોપિયા વચ્ચે દ્વિપક્ષીય બેઠક ચાલી રહી છે. વડાપ્રધાન નરેન્દ્ર મોદી અને વડાપ્રધાન અબી અહેમદ વચ્ચે ચર્ચા થઈ રહી છે.  રામાફોસાની અદાણી સાથે મુલાકાતBRICS સમિટમાં ભાગ લેવા ભારત આવેલા દક્ષિણ આફ્રિકાના રાષ્ટ્રપતિ સિરિલ રામાફોસાએ શનિવારે દિલ્હીમાં અદાણી ગ્રુપના ચેરમેન ગૌતમ અદાણી સાથે મુલાકાત કરી હતી. દક્ષિણ આફ્રિકાના રાષ્ટ્રપતિ કાર્યાલયે સોશિયલ મીડિયા પ્લેટફોર્મ 'X' પર આ મુલાકાતનો વીડિયો જાહેર કર્યો હતો. તેમાં જણાવવામાં આવ્યું હતું કે આ મુલાકાત 18મી BRICS સમિટ દરમિયાન યોજાયેલા 'સાઉથ આફ્રિકા બિઝનેસ ડાયલોગ'નો એક ભાગ હતી. તેનો ઉદ્દેશ્ય દક્ષિણ આફ્રિકા અને ભારત વચ્ચેના વેપાર અને રોકાણના સંબંધોને વધુ મજબૂત બનાવવાનો છે. દિલ્હી પોલીસે જાહેર કરી ટ્રાફિક એડવાઇઝરી દિલ્હીમાં યોજાઈ રહેલી 18મી BRICS સમિટને લઈને દિલ્હી પોલીસે ટ્રાફિક એડવાઇઝરી જાહેર કરી છે. સુરક્ષા વ્યવસ્થાને ધ્યાનમાં રાખીને શનિવારે સવારે 9:30 વાગ્યાથી રાત્રે 9:30 વાગ્યા સુધી લ્યુટિયન્સ દિલ્હી, ભારત મંડપમ અને આસપાસના મુખ્ય માર્ગો પર ટ્રાફિક નિયંત્રિત અને ડાયવર્ટ કરવામાં આવશે. દિલ્હી પોલીસના ટ્રાફિક એડવાઇઝરી મેપમાં સેન્ટ્રલ દિલ્હી તથા આસપાસના વિસ્તારોમાં નિયંત્રિત રસ્તાઓ, પ્રતિબંધિત વિસ્તારો, વૈકલ્પિક માર્ગો અને ડાયવર્જન પોઈન્ટ્સ દર્શાવવામાં આવ્યા છે. વિદેશ મંત્રાલયે તૈયાર કરી મીડિયા કીટમાં શું શું ? BRICS INDIA 2026 બિહારના દેશી 'સત્તુ'થી લઈને કોરાપુટની પહાડીઓમાં ઉગાડવામાં આવતી કોફી અને ગુજરાતની ઝીણવટભરી હસ્તકલા સુધીની ભારતની સમૃદ્ધ ખાદ્ય-પરંપરાઓ, સ્થાનિક ઉત્પાદનો અને કારીગરી કૌશલ્યોને દિલ્હીમાં યોજાનારી 18મી બ્રિક્સ (BRICS) સમિટમાં ઉચ્ચ સ્તરીય રાજદ્વારી પ્રવૃત્તિઓની સાથે સ્થાન મળી રહ્યું છે. વિદેશ મંત્રાલય (MEA) દ્વારા તૈયાર કરવામાં આવેલી મીડિયા કિટ છે. જે 12-13 સપ્ટેમ્બરના રોજ યોજાનારી આ સમિટ પૂર્વે ભારત અને વિશ્વભરના પત્રકારોને ભારતની જીવંત સાંસ્કૃતિક વિવિધતાનો પરિચય કરાવે છે. પીએમ મોદી અને જિનપિંગ વચ્ચે 5.45 કલાકે મુલાકાતભારતની યજમાનીમાં યોજાનારી બ્રિક્સ (BRICS) સમિટ માટે ચીનના રાષ્ટ્રપતિ શી જિનપિંગ આજે બપોરે 12.25 કલાકે દિલ્હી પહોંચશે. આ મુલાકાત દરમિયાન, શી જિનપિંગ વડાપ્રધાન મોદી સાથે દ્વિપક્ષીય વાતચીત પણ કરશે. આ અગાઉ, ઈન્ડોનેશિયા, ફિલિપાઈન્સ અને આફ્રિકન દેશ નાઈજીરિયાના અન્ય કેટલાક મહેમાનો પણ ભારત આવી પહોંચ્યા હતા. ભારતના સંબંધો પર ચીનનું નિવેદન ભારતના સંબંધો પર ચીનનું નિવેદન સામે આવ્યું છે. ચીને વાતચીત વધારવા પર જોર આપ્યુ છ. મતભેદ ઉકેલવા પર કામ કરવું પડશે. સંચાર સહયોગ વધારવાનો પ્રયાસ થશે. 

Read Full Story arrow_forward