Community News & Updates

Stay informed with the latest happenings, achievements, and announcements from our community.

All News

calendar_today September 15, 2026

Delhi Airport પર ઇમિગ્રેશન કર્યા વિના 3 વિદેશી મુસાફરો ઇન્ટરનેશનલ ફ્લાઇટમાં પહોંચ્યા, Air Indiaને શો કોઝ નોટિસ

આ ઘટનાએ એરપોર્ટની સુરક્ષા અને ઇમિગ્રેશન વ્યવસ્થાને લઈને અનેક સવાલો ઉભા કર્યા છે. મામલો ત્રણ ઇટાલિયન મુસાફરો સાથે જોડાયેલો છે, જેઓ દિલ્હી પહોંચ્યા બાદ જરૂરી ઇમિગ્રેશન પ્રક્રિયા પૂર્ણ કર્યા વિના જ પોતાની આગળની આંતરરાષ્ટ્રીય ફ્લાઇટ સુધી પહોંચી ગયા હતા. આ મામલે નાગરિક ઉડ્ડયન મંત્રાલયે એર ઇન્ડિયા પાસેથી જવાબ માંગ્યો છે.ઘટના 4 સપ્ટેમ્બરનીઆ ઘટના 4 સપ્ટેમ્બરની હોવાનું જાણવા મળે છે. ત્રણ ઇટાલિયન મુસાફરો એર ઇન્ડિયાની ફ્લાઇટ દ્વારા અમૃતસરથી દિલ્હી પહોંચ્યા હતા. ત્યારબાદ તેમણે દિલ્હીથી મ્યુનિક જતી લુફ્થાન્સાની ફ્લાઇટ પકડવાની હતી. નિયમ મુજબ દિલ્હી પહોંચ્યા બાદ આ મુસાફરોએ અરાઇવલ ઇમિગ્રેશન વિસ્તારમાં જઈને જરૂરી ઇમિગ્રેશન પ્રક્રિયા પૂર્ણ કરવાની હતી.પરંતુ રિપોર્ટ મુજબ આવું થયું નહોતું. મુસાફરોને અરાઇવલ ઇમિગ્રેશન વિસ્તારમાં લઈ જવાને બદલે આંતરરાષ્ટ્રીય ટ્રાન્સફર વિસ્તારમાં લઈ જવામાં આવ્યા હતા. ત્યારબાદ તેઓ ત્યાંથી લુફ્થાન્સાની મ્યુનિક જતી ફ્લાઇટમાં સવાર થઈ ગયા હતા. આ સમગ્ર પ્રક્રિયાને લઈને હવે તપાસ શરૂ કરવામાં આવી છે.એર ઇન્ડિયાને કારણદર્શક નોટિસનાગરિક ઉડ્ડયન મંત્રાલયે આ ઘટનાને ગંભીરતાથી લેતા એર ઇન્ડિયાના મુખ્ય કાર્યકારી અધિકારી તેવોલ્ડે ગેબ્રેમારિયમને કારણદર્શક નોટિસ ફટકારી છે. એરલાઇન પાસેથી કુલ 9 મુદ્દાઓ પર લેખિત જવાબ માંગવામાં આવ્યો છે. જવાબ આપવા માટે 7 દિવસનો સમય આપવામાં આવ્યો છે અને એર ઇન્ડિયાએ 19 સપ્ટેમ્બર સુધીમાં સ્પષ્ટતા કરવાની રહેશે કે તેની સામે કાર્યવાહી કેમ ન કરવામાં આવે.નોટિસમાં મુસાફરોને સંભાળનારા અને તેમને એક સ્થળેથી બીજા સ્થળે લઈ જવામાં સામેલ એર ઇન્ડિયા તથા SATSના કર્મચારીઓની ભૂમિકા અંગે પણ સવાલો કરવામાં આવ્યા છે. ખાસ કરીને ત્રણેય મુસાફરોને આંતરરાષ્ટ્રીયથી આંતરરાષ્ટ્રીય ટ્રાન્સફર રૂટ પરથી કેમ લઈ જવામાં આવ્યા તે તપાસનો મહત્વપૂર્ણ મુદ્દો છે.મંત્રાલયે અમૃતસરમાં જ લુફ્થાન્સાની દિલ્હી-મ્યુનિક ફ્લાઇટનો આગળનો બોર્ડિંગ પાસ જારી કરવામાં આવ્યો હતો તે અંગે પણ સવાલ ઉઠાવ્યો છે. નોટિસ મુજબ હબ-એન્ડ-સ્પોક વ્યવસ્થામાં સ્પોક એરપોર્ટ પરથી આ પ્રકારનો બોર્ડિંગ પાસ જારી કરવાની મંજૂરી હોતી નથી.શું છે હબ-એન્ડ-સ્પોક સિસ્ટમ?હબ-એન્ડ-સ્પોક મોડેલમાં મુસાફરોને ચોક્કસ વ્યવસ્થા હેઠળ સ્પોક એરપોર્ટ પર જ ઇમિગ્રેશન પ્રક્રિયા પૂર્ણ કરવાની સુવિધા મળી શકે છે. ત્યારબાદ હબ એરપોર્ટ પહોંચ્યા પછી તેઓ જરૂરી સુરક્ષા તપાસ પૂર્ણ કરીને પોતાની આંતરરાષ્ટ્રીય ફ્લાઇટ પકડી શકે છે.પરંતુ આ મામલે અમૃતસર-દિલ્હી અને દિલ્હી-મ્યુનિક ફ્લાઇટ્સ આ વ્યવસ્થા હેઠળ આવતી નહોતી. તેથી મુસાફરો માટે દિલ્હીમાં અરાઇવલ ઇમિગ્રેશનની નિર્ધારિત પ્રક્રિયા પૂર્ણ કરવી જરૂરી હતી.હવે મંત્રાલય સમગ્ર ઘટનામાં એરલાઇનના નોડલ અધિકારી, કર્મચારીઓ અને સુપરવાઇઝરી વ્યવસ્થાની ભૂમિકા અંગે જવાબ માંગી રહ્યું છે. એર ઇન્ડિયાએ હાલ આ મામલે કોઈ સત્તાવાર ટિપ્પણી કરી નથી.આ પણ વાંચો: Nepal Flood: નેપાળમાં પૂરથી વીજળી સંકટ, ભારત બન્યું મદદગાર રોજ 18 કલાક સુધી વીજળી આપશે

Read Full Story arrow_forward

calendar_today September 15, 2026

Gurugram Biker Girl Case : ટક્કર મારનાર આરોપીના દાવા પર બાઈકર ગર્લ પરિવારનો પ્રહાર, કેમ રસ્તા પર પીછો કરતો હતો

ગુરુગ્રામમાં કાર અકસ્માતનો ભોગ બનેલી બાઇકર સિયા (શિવાની ચૌહાણ) એ સોમવારે રાત્રે પોતાનું પહેલું વિડીયો સ્ટેટમેન્ટ જાહેર કર્યું છે. આજ તક પર આરોપીના ઇન્ટરવ્યુ બાદ સિયાએ આ જવાબી વિડીયો રજૂ કર્યો હતો. બીજી તરફ, સોમવારે સાંજે પીડિતાના પિતા રોશન ચૌહાણે વકીલ સાથે ગુરુગ્રામના સેક્ટર ૫૬ પોલીસ સ્ટેશન પહોંચીને લેખિત ફરિયાદ નોંધાવી હતી અને કેસમાં કડક કલમો ઉમેરવાની માગ કરી હતી.સિયાએ આરોપીના દાવાઓ સામે ઉઠાવ્યા સીધા સવાલોપોતાના વિડીયો સ્ટેટમેન્ટમાં સિયાએ આરોપીના તમામ આરોપોનો સખત વળતો પ્રહાર કર્યો હતો. સિયાએ પ્રશ્ન ઉઠાવ્યો કે જો આરોપી દાવો કરતો હોય કે બાઇકર્સ તેને હેરાન કે મારપીટ કરી રહ્યા હતા, તો તે રસ્તા પર તેમનો પીછો કેમ કરી રહ્યો હતો? સિયાએ વધુમાં દાવો કર્યો હતો કે આરોપીએ જાણીજોઈને કારની લેન બદલીને બાઇકને ટક્કર મારી હતી, જે સંપૂર્ણપણે ઇરાદાપૂર્વક કરવામાં આવેલી હિંસક ઘટના હતી. પીડિતાના પિતા પોલીસ સ્ટેશન પહોંચ્યા, ન્યાય માટે લડવાની આપી ખાતરીપીડિતાના પિતા રોશન ચૌહાણે જણાવ્યું કે પોલીસે આ કેસમાં સુઓમોટુ (સ્વતઃ સંજ્ઞાન લઈને) FIR નોંધી લીધી છે અને તેમને ફરિયાદની રસીદ પણ મળી ગઈ છે. તેમણે ઉમેર્યું કે વાયરલ વિડીયો જોતાં સ્પષ્ટ થાય છે કે આ માત્ર એક સામાન્ય અકસ્માત નથી, પરંતુ હિટ-એન્ડ-રન અને હત્યાનો પ્રયાસ હતો. સદનસીબે પુત્રીને ગંભીર ઈજા નથી થઈ, પરંતુ વિડીયોમાં તેને દૂર સુધી ઢસડાતી જોઈ શકાય છે.ગભરાઈ ગયેલી દીકરી અને પિતાની મક્કમતારોશન ચૌહાણે સ્પષ્ટતા કરી કે આ ભયાનક ઘટના બાદ તેમની પુત્રી ખૂબ જ ડરી ગઈ હતી, જેથી તેણે શરૂઆતમાં પરિવારને કશું જણાવ્યું નહોતું. જો તેણે પહેલાં જાણ કરી હોત તો પોલીસ કાર્યવાહી વહેલી થઈ શકી હોત. તેમણે ભારપૂર્વક કહ્યું કે તેમની દીકરી કંઈ ખોટું નહોતી કરી રહી અને સામાન્ય રીતે બાઇક ચલાવી રહી હતી. તેઓ પોતાની પુત્રીને ન્યાય અપાવવા માટે જરૂરી દરેક કાનૂની હદ સુધી જશે.કલમો વધારવા વકીલની માગણી અને ગુરુગ્રામ પોલીસનું વલણસિયાના વકીલે જણાવ્યું હતું કે ઘટનાની ગંભીરતાને ધ્યાનમાં રાખીને કેસમાં હત્યાના પ્રયાસ (Attempt to Murder) ના આરોપો ઉમેરવા જોઈએ. તેમણે ગુરુગ્રામ પોલીસના સહકારની પ્રશંસા કરતાં જણાવ્યું કે પોલીસે પરિવારને ખાતરી આપી છે કે ટૂંક સમયમાં સિયાનું સત્તાવાર નિવેદન નોંધવામાં આવશે. પરિવારનો સ્પષ્ટ આરોપ છે કે આરોપીએ સિયાને મારી નાખવાનો પ્રયાસ કર્યો હતો.કોણ છે બાઇકર સિયા?ગુરુગ્રામમાં બાઇક રાઇડિંગનો આ વાયરલ વિડીયો rebelwheels_sia_ નામના ઇન્સ્ટાગ્રામ હેન્ડલ પરથી શેર કરવામાં આવ્યો હતો. આ પ્રોફાઇલ દિલ્હીના કાલકાજીની રહેવાસી શિવાની ચૌહાણની હોવાનું સામે આવ્યું છે. શિવાની આમ આદમી પાર્ટી (AAP) સાથે સંકળાયેલી છે અને તેણે ૨૦૨૨ માં કાલકાજી વોર્ડમાંથી મ્યુનિસિપલ ચૂંટણી પણ લડી હતી. તેના પિતા રોશન ચૌહાણે આ વિગતોની પુષ્ટિ કરી છે.આ પણ વાંચો : Guwahati : સનસનીખેજ બનાવ, પત્નીની હત્યા કરી માથું ફ્રિજમાં છુપાવનાર આરોપીનું પોલીસ વાહનમાંથી કૂદતાં મોત

Read Full Story arrow_forward

calendar_today September 15, 2026

Gurugram Hit and Run Case: તેણે જાણી જોઇને ટક્કર મારી,આ હત્યાનો પ્રયાસ, બાઇકર સિયાનો ખુલાસો

ગુરુગ્રામ હિટ-એન્ડ-રન કેસની ચકચારી ઘટના. જેનો એક વીડિયો સોશિયલ મીડિયા પર જબરદસ્ત વાયરલ થયો છે. જેમાં મહિલા બાઇકર કારની ટક્કર વાગે છે અને બાઇક સાથે તે આખી ફંગોળાઇ જાય છે. આ વીડિયોએ સૌને ચોંકાવી દીધા છે. કોઇ કહે છે આ અકસ્માત છે તો કોઇ જોનાર કહે છે કે કારે જ ટક્કર મારી. ત્યારે આ મામલે  ભોગ બનેલી બાઈકર સિયા મીડિયા સમક્ષ પોતાની વાત રજૂ કરવા માટે આગળ આવી છે. મારો પીછો કેમ કરવામાં આવતો હતો? - સિયા સિયાએ આ ઘટના વિશે વિગતવાર ચર્ચા કરી. મંગળવારે મીડિયા સાથે વાત કરતા સિયાએ કહ્યું, "મારો પીછો શા માટે કરવામાં આવી રહ્યો હતો? હું મારી પોતાની લેનમાં જ બાઈક ચલાવી રહી હતી. મને ડર હતો કે તેઓ કંઈક નુકસાન પહોંચાડી શકે છે. મારા હાથ અને પગમાં ઈજાઓ થઈ છે. આ હત્યાના પ્રયાસનો મામલો હતો." તેણે ઉમેર્યું કે હું દિલ્હીથી ગુરુગ્રામના 'બાઈકર વન' (Biker One) કાફે તરફ જઈ રહી હતી. હું કોઈ ચોક્કસ રાઈડિંગ ગ્રુપ સાથે જોડાયેલી નથી.  હું ઘણીવાર મારા ભાઈ સાથે રાઈડિંગ કરું છું. કાર ચાલકોને ઉશ્કેરવાની મારી કોઈ ઈચ્છા નથી. હું એક વર્ષથી બાઈક ચલાવી રહી છું." મારી બાઇક તૂટી ગઇ હું ખૂબ ડરી ગઇ- સિયા  સિયાએ સમજાવ્યું કે અકસ્માત બાદ તેની બાઈકના આગળ અને પાછળના બંને બ્રેક તૂટી ગયા હતા, જેના કારણે તેને ચલાવવી અશક્ય બની ગઈ હતી. અન્ય એક રાઈડરે આ ઘટના જોઈ અને તેને પોતાની બાઈક પર પાછળ બેસાડી (પિલિયન રાઈડ આપી) 'બાઈકર વન' કાફે સુધી લઈ ગયા. તેણે કહ્યું, "હું ખૂબ ડરી ગઈ હતી અને બાઈક ચલાવવાની સ્થિતિમાં જ નહોતી. અન્ય એક રાઈડરે મારી બાઈક ચલાવી, જ્યારે હું બીજા મોટરસાયકલ પર ઘરે પાછી ફરી." 'તેમણે જાણીજોઈને મને ટક્કર મારી...'સિયાએ જણાવ્યું કે રાઈડિંગ કરતી વખતે તે પોતાની સુરક્ષાને પ્રાથમિકતા આપે છે, તેથી રસ્તા પર અન્ય કોઈની સાથે ઝઘડો કરવાનું તેનું કોઈ કારણ જ નથી. "આખો દેશ તે વીડિયો જોઈ ચૂક્યો છે અને સ્પષ્ટ છે કે ગુનો કોણે કર્યો છે. મને નથી લાગતું કે તેઓ જે પણ ખુલાસો આપે તે માન્ય ગણાશે. આ હિટ-એન્ડ-રનનો કેસ છે.  તેમણે જાણીજોઈને મને ટક્કર મારી હતી. સિયાએ વધુમાં જણાવ્યું કે ગુરુગ્રામ પોલીસે ઈન્સ્ટાગ્રામ દ્વારા તેનો સંપર્ક કર્યો હતો. સિયાએ કાયદો અને વ્યવસ્થાની સ્થિતિ અંગે સવાલ ઉઠાવ્યા આરોપીના વકીલે સિયા પર પ્રસિદ્ધિ મેળવવાનો પ્રયાસ કરવાનો આરોપ મૂક્યો છે. આના જવાબમાં સિયાએ કહ્યું, સોશિયલ મીડિયા પર વીડિયો પોસ્ટ કરવાનો મારો ઉદ્દેશ્ય લોકોમાં કાયદાનો ડર ન હોવાની બાબતને ઉજાગર કરવાનો હતો. કેવી રીતે તેઓ રસ્તા પર કોઈને ટક્કર મારીને સરળતાથી ભાગી જાય છે. આવી હરકતો અંગે ડરની ભાવના પેદા કરવી એ આપણી જવાબદારી છે. સિયાએ કાયદો અને વ્યવસ્થાની સ્થિતિ પર સવાલ ઉઠાવ્યા... ઘટનામાં ભોગ બનેલી સિયાએ સવાલ ઉઠાવતા કહ્યું કે ગુરુગ્રામમાં કાયદો અને વ્યવસ્થાની કોઈ યોગ્ય વ્યવસ્થા નથી. તેમણે ટ્રાફિક પોલીસને પણ સવાલ કર્યો કે શું કાયદા અમલીકરણ તંત્ર ત્યારે જ હસ્તક્ષેપ કરશે જ્યારે કોઈ બાઈકરને ટક્કર વાગે અને તેનું મૃત્યુ થાય? તેમણે દલીલ કરી કે જો સત્તાવાળાઓ ગુરુગ્રામમાં બાઈકર્સ પર નિયંત્રણો લાદવાના હોય, તો તેમણે ફોર-વ્હીલર ચાલકોની બેફામ ડ્રાઇવિંગની બાબત પર પણ વિચાર કરવો જોઈએ તેમના વિશે શું પગલાં લેવામાં આવી રહ્યા છે?આરોપી કલ્યાણ બેંસલા સામે કર્યા આક્ષેપ ઇન્સ્ટાગ્રામના એક નવા વીડિયોમાં, મહિલા બાઈકર સિયાએ આરોપી કલ્યાણ બૈંસલા સામે ગંભીર આક્ષેપો કર્યા. તેમણે સવાલ કર્યો કે જો આરોપીને આ ઘટનાનો ખરેખર પસ્તાવો હતો, તો ટક્કર બાદ તે ઘટનાસ્થળે કેમ ન રોકાયો? "જો તમને મારા માટે દુઃખ થયું હોત, તો તમે તમારી કારથી મને ટક્કર માર્યા પછી કેમ ન રોકાયા? મારો જીવ પણ જઈ શક્યો હોત," તેમ તેમણે પૂછ્યું. તેમણે ઉમેર્યું કે ટક્કર બાદ આરોપીએ તે સુરક્ષિત છે કે નહીં તે તપાસવાનો પ્રયાસ પણ કર્યો ન હતો. ગુરુગ્રામના ગોલ્ફ કોર્સ રોડ પર શું બન્યું હતું?આ ઘટના રવિવારે સવારે ગુરુગ્રામના ગોલ્ફ કોર્સ રોડ પર બની હતી. મહિલાએ જણાવ્યું કે તે બાઈકર્સના એક જૂથ સાથે પોતાની 'એપ્રિલિયા RS 457 સ્પોર્ટ્સ' બાઈક ચલાવી રહી હતી ત્યારે એક કારે તેનો પીછો કરવાનું શરૂ કર્યું. ઇન્સ્ટાગ્રામ પર શેર કરેલી એક પોસ્ટમાં, તેમણે આક્ષેપ કર્યો કે કારમાં સવાર લોકો વારંવાર તેમની બાઈકની નજીક આવીને વાહન ચલાવતા હતા અને એવું વર્તન કરતા હતા જેનાથી તેમને અસહજતા અનુભવાઈ. મહિલાએ જણાવ્યું કે તેમણે તેમને સુરક્ષિત અંતર જાળવવાનું કહ્યું હતું. તેના બદલે, કારમાં સવાર લોકોએ તેમને ઊભા રહેવા માટે કહ્યું.

Read Full Story arrow_forward