Community News & Updates

Stay informed with the latest happenings, achievements, and announcements from our community.

All News

calendar_today October 17, 2026

Gandhinagar: ગુજરાતમાં વીજળીની માગમાં 26.60નો તોતિંગ ઉછાળો થતા સચિવાલયમાં દોડધામ; ઉર્જા મંત્રીની અધ્યક્ષતામાં હાઈલેવલ બેઠક

વાઇબ્રન્ટ ગુજરાતમાં ઝડપી ઔદ્યોગિકીકરણ, ખેતીવાડીની સિંચાઈની જરૂરિયાત અને શહેરોમાં વધતા વ્યાપ વચ્ચે રાજ્યમાં વીજળીની માગ તમામ પાછલા રેકોર્ડ તોડીને અભૂતપૂર્વ સપાટીએ પહોંચી ગઈ છે. રાજ્યમાં 9 થી 15 ઑક્ટોબરના માત્ર સાત જ દિવસના ટૂંકા ગાળામાં અધધધ 3,861 મિલિયન યુનિટ (૩૮૬.૧૧ કરોડ યુનિટ)વીજળીનો સપ્લાય કરવામાં આવ્યો છે. ગયા વર્ષના સમાન સમયગાળા કરતાં વીજ વપરાશમાં સીધો 26.60 ટકાનો જંગી વધારો નોંધાતાં ઊર્જા વિભાગ સતર્ક બન્યું છે. વીજળીની વધતી માગને પહોંચી વળવા અને રાજ્યમાં 24 કલાક અવિરત પુરવઠો જાળવી રાખવા માટે કેબિનેટ ઉર્જા મંત્રી ઋષિકેશ પટેલ અને ઉર્જા રાજ્યમંત્રી કૌશિક વેકરીયાની અધ્યક્ષતામાં વીજ કંપનીઓના ઉચ્ચ અધિકારીઓ સાથે તાકીદની બેઠક યોજવામાં આવી હતી.15 ઑક્ટોબરે 29,822 મેગાવોટની સર્વોચ્ચ પીક ડિમાન્ડવીજ વિતરણ કંપનીઓના ચોંકાવનારા આંકડા મુજબ રાજ્યમાં વીજ વપરાશમાં મોટો બૂમ જોવા મળ્યો છે. 15ઑક્ટોબરના રોજ રાજ્યમાં દૈનિક વપરાશ 574.21 મિલિયન યુનિટ ના સ્તરે પહોંચી ગયો હતો.આ દિવસે રાજ્યમાં વીજળીની પીક ડિમાન્ડ 29,822 મેગાવોટ ની સર્વોચ્ચ સપાટીએ નોંધાઈ હતી.સમગ્ર સાત દિવસ દરમિયાન દરરોજ સરેરાશ લગભગ 55.16 કરોડ યુનિટ વીજળીનો વપરાશ નોંધાયો છે, જે ગુજરાતના ઈતિહાસમાં ઓક્ટોબર માસ દરમિયાન સૌથી ઊંચા આંકડાઓ પૈકીનો એક છે.ઉર્જા મંત્રી ઋષિકેશ પટેલની અધ્યક્ષતામાં મેગા રિવ્યુ બેઠકરાજ્યમાં ક્યાંય વીજ કાપ ન સર્જાય તે માટે ગાંધીનગર ખાતે ઉચ્ચ સ્તરીય સમીક્ષા બેઠક બોલાવવામાં આવી હતી,બેઠકમાં કેબિનેટ મંત્રી ઋષિકેશ પટેલ સાથે ઉર્જા રાજ્યમંત્રી કૌશિક વેકરીયા ખાસ ઉપસ્થિત રહ્યા હતા.GUVNL (ગુજરાત ઉર્જા વિકાસ નિગમ લિમિટેડ), PGVCL, UGVCL, MGVCL અને DGVCL ના મેનેજિંગ ડિરેક્ટર્સ તેમજ ટેકનિકલ હેડ્સ બેઠકમાં હાજર રહ્યા હતા.આગામી દિવસોમાં કૃષિ અને ઔદ્યોગિક ગતિવિધિઓ વધવાની સંભાવનાને ધ્યાનમાં રાખીને ગ્રીડની સ્થિરતા અને થર્મલ તેમજ રિન્યુએબલ એનર્જી સ્ત્રોતોમાંથી મહત્તમ ઉત્પાદન મેળવવા માટેનું માઇક્રો-પ્લાનિંગ તૈયાર કરવામાં આવ્યું હતું.ખેતી અને ઉદ્યોગોને અવિરત વીજળી આપવા સરકારે બાંયધરી આપીબેઠકમાં વીજ વ્યવસ્થાપનને લઈને મંત્રીઓએ સ્પષ્ટ નિર્દેશો આપ્યા હતા.ખેડૂતોને રવિ સીઝન પૂર્વે પૂરતા દબાણ સાથે વીજળી મળી રહે અને ઔદ્યોગિક ઉત્પાદનને કોઈ ફટકો ન પડે તે માટે પાવર પરચેઝ અને ટ્રાન્સમિશન નેટવર્કને એલર્ટ મોડ પર રાખવામાં આવ્યું છે.વીજ ફોલ્ટ કે ટેકનિકલ ખામી સર્જાય તો ગણતરીની મિનિટોમાં સમારકામ કરી પુરવઠો પુનઃસ્થાપિત કરવા માટે ફિલ્ડ સ્ટાફને સ્ટેન્ડબાય રાખવાના આદેશો અપાયા છે.આ પણ વાંચો:Surat: ઓલપાડમાં નવરાત્રી દરમિયાન કિરણ મેડિકલ કોલેજના ગરબામાં વિધર્મીઓની હાજરી મુદ્દે VHP-બજરંગ દળનો હોબાળો

Read Full Story arrow_forward

calendar_today October 17, 2026

LK Advani Health Update: એલ. કે અડવાણીની હાલ કેવી છે તબિયત ? ICUમાં છે ભરતી

 ભાજપના વરિષ્ઠ નેતા લાલકૃષ્ણ અડવાણીને છાતીમાં ચેપ (ચેસ્ટ ઇન્ફેક્શન) થવાને કારણે શુક્રવારે દિલ્હીની એપોલો હોસ્પિટલમાં દાખલ કરવામાં આવ્યા છે. તેઓ હાલમાં ICUમાં છે. કેન્દ્રીય મંત્રી જે.પી. નડ્ડાએ હોસ્પિટલની મુલાકાત લીધી હતી અને તેમના સ્વાસ્થ્ય વિશે પૂછપરછ કરી હતી.શુક્રવારે સાંજે દાખલ કરવામાં આવ્યા અડવાણીને 98 વર્ષીય અડવાણીને શુક્રવારે સાંજે લગભગ 7.30  વાગ્યે હોસ્પિટલમાં લાવવામાં આવ્યા હતા. એપોલો હોસ્પિટલે એક હેલ્થ બુલેટિનમાં જણાવ્યું છે કે, ભાજપના આ વરિષ્ઠ નેતાને છાતીમાં ચેપને કારણે દાખલ કરવામાં આવ્યા છે. હોસ્પિટલના જણાવ્યા અનુસાર, તેઓ હાલમાં ICUમાં છે અને ન્યુરોલોજીના વરિષ્ઠ સલાહકાર ડૉ. વિનીત સૂરીની દેખરેખ હેઠળ સારવાર લઈ રહ્યા છે. તેમની સ્થિતિ સ્થિર છે અને તબીબોની એક ટીમ સતત તેમના સ્વાસ્થ્ય પર નજર રાખી રહી છે. =હાલમાં કેવી છે અડવાણીની તબિયત ? હોસ્પિટલમાં દાખલ થયાના લગભગ એક અઠવાડિયા પહેલા, 7 ઓક્ટોબરે વડાપ્રધાન નરેન્દ્ર મોદીએ નવી દિલ્હી સ્થિત નિવાસસ્થાને વરિષ્ઠ નેતા લાલકૃષ્ણ અડવાણીની મુલાકાત લીધી હતી. આ મુલાકાત દરમિયાન, મોદીએ અડવાણીના આશીર્વાદ લીધા હતા, કારણ કે તે સમયે તેમણે સરકારમાં નેતૃત્વની ભૂમિકાઓમાં 25 વર્ષ પૂર્ણ કર્યા હતા.આ પણ વાંચો: Sanwaliya Seth: 23 કરોડ રોકડ, 92 કિલો સોનું ચાંદી અને..સાંવરિયા શેઠ મંદિરનો ખૂલ્યો ભંડાર

Read Full Story arrow_forward

calendar_today October 17, 2026

Greater Noida: રાતે નૂડલ્સ ખાઈને સૂઇ ગયા... સવારે પરિવારના 5 લોકોના મોત, ફૂડ પોઈઝનિંગ કે પછી અન્ય કોઈ કારણ?

ગ્રેટર નોઈડામાંથી એક ચોંકાવનારી ઘટના સામે આવી છે, જ્યાં એક જ પરિવારના પાંચ સભ્યો માતા-પિતા અને તેમના ત્રણ બાળકો શંકાસ્પદ સંજોગોમાં મૃત્યુ પામ્યા છે. પોલીસ હાલમાં આ મામલે તપાસ કરી રહી છે અને પોલીસની એક ટીમ ઘટનાસ્થળે પહોંચી ગઈ છે. ઘરની આસપાસ ગ્રામજનોની ભીડ એકઠી થઈ ગઈ છે. પ્રાથમિક દ્રષ્ટિએ આ ફૂડ પોઈઝનિંગનો મામલો હોય તેમ જણાય છે, જોકે હજુ સુધી તેની પુષ્ટિ થઈ નથી.નોઈડા પોલીસે શું કહ્યું?નોઈડા પોલીસે જણાવ્યું કે, "17 ઓક્ટોબરે રાબુપુરા પોલીસ સ્ટેશનને માહિતી મળી હતી કે નાગલા શ્રી પદમ ગામમાં રહેતા એક પરિવારના પાંચ સભ્યોના મૃત્યુ થયા છે. મૃતકોમાં 17 વર્ષીય મહેશ, 35 વર્ષીય લલિતા, 11 વર્ષીય લાડુ, 7 વર્ષીય મિષ્ટી અને ૩ વર્ષીય સાક્ષાતનો સમાવેશ થાય છે. માહિતી મળતાની સાથે જ સ્થાનિક પોલીસ, વરિષ્ઠ અધિકારીઓ, એમ્બ્યુલન્સ અને ફૂડ સેફ્ટી વિભાગની ટીમ તાત્કાલિક ઘટનાસ્થળે પહોંચી ગઈ હતી. ફિલ્ડ યુનિટ અને ફોરેન્સિક ટીમ ઘટનાસ્થળની ઝીણવટભરી તપાસ કરી રહી છે અને વૈજ્ઞાનિક પુરાવા એકત્ર કરી રહી છે. મૃતદેહો અંગેની જરૂરી કાયદાકીય કાર્યવાહી પૂર્ણ કરવામાં આવી રહી છે અને તેમને પોસ્ટમોર્ટમ માટે મોકલવામાં આવી રહ્યા છે."અહેવાલો અનુસાર, આ ઘટના નાગલા શ્રી ગોપાલ ગામમાં બની છે, જે રાબુપુરા પોલીસ સ્ટેશનના અધિકારક્ષેત્રમાં આવે છે. દંપતી અને તેમના ત્રણ સગીર બાળકો રાત્રિભોજન કર્યા બાદ સૂઈ ગયા હતા. સવારે જ્યારે પરિવારના સભ્યો જાગ્યા નહીં, ત્યારે ચિંતા ઊભી થઈ. તપાસ કરતા, પરિવારના પાંચેય સભ્યોના મૃતદેહ તેમના પલંગ પર મળી આવ્યા હતા.પ્રાથમિક દ્રષ્ટિએ, આ ફૂડ પોઈઝનિંગનો મામલો હોય તેમ લાગે છે. સ્થાનિક રહેવાસીઓ અને મૃતક મહેશની માતાના જણાવ્યા અનુસાર, પરિવારે આગલી રાત્રે નૂડલ્સ ખાધા હતા. મૃત્યુનું ચોક્કસ કારણ હજુ સુધી સ્પષ્ટ થયું નથી. પોસ્ટમોર્ટમ રિપોર્ટ અને અન્ય વૈજ્ઞાનિક તપાસના પરિણામોના આધારે આગળની કાયદાકીય કાર્યવાહી કરવામાં આવશે.આ પણ વાંચો: Crime News: પહેલા દીકરીને મોકલી ભારત... પછી અમેરિકામાં પતિએ પત્નીને છરીના ઘા ઝીંક્યા, પત્નીના અન્ય પુરૂષ સાથે હતા આડા સંબંધ

Read Full Story arrow_forward