Ahmedabad : ટેક્સ પૂરો ભરીએ છીએ તો સુવિધા કેમ નહીં?' : સ્માર્ટ સિટીના નામે અબજોનો વેરો ઉઘરાવતું તંત્ર વરસાદી પાણી ઉલેચવામાં પણ નિષ્ફ્ળ
સ્માર્ટસિટી અમદાવાદ માત્ર પાંચ-છ ઈંચ વરસાદમાં ગુજરાતના છેવાડાના એક ગામડા જેવી સ્થિતિમાં ફેરવાઈ જાય છે. વરસાદની સામે મ્યુનિસિપલ તંત્રની તમામ મશીનરી દમ તોડી દે છે. દર વર્ષે અબજો રૂપિયાનો વેરો ઉઘરાવી લેતું મ્યુનિસિપલ તંત્ર શહેરીજનોને વરસાદ સામે રક્ષણ પણ પૂરું પાડી શકતું નથી! ચોમાસામાં શહેરના અનેક વિસ્તારોનો પોશ વિસ્તાર હોવાનો ભ્રમ તૂટી જાય છે. મોંઘીદાટ ગાડીઓ પાણીમાં ડૂબે છે. આલીશાન ફ્લેટ્સના બેઝમેન્ટ તળાવમાં ફેરવાઈ જાય છે. રહીશો દિવસો સુધી બાનમાં મુકાઈ જાય છે. રોડ, બ્રિજ, ફૂટપાથ બધા જ રસ્તાઓ સટાસટ તૂટવા લાગે છે. ગટરો બેક મારવા લાગે છે. પીવાનું પાણી દૂષિત આવે છે. કાદવ-કીચડ અને ગંદકી વચ્ચે રહીશોએ દિવસો પસાર કરવા પડે છે. અમદાવાદ શહેરના દરેક વિસ્તારની આ ચોમાસાના દિવસોની ગ્રાઉન્ડ રિયાલિટી છે. શહેરીજનો પૂછે છે કે આમ ક્યાં સુધી ચાલશે શું દર વર્ષે વરસાદમાં હાલાકી ભોગવતા રહેવાનું, નુકસાન વેઠતા રહેવાનું? તો પછી મ્યુનિસિપલ તંત્ર શું કરે છે ફ્ક્ત વેરા ઉઘરાવી તિજોરીઓ જ છલકાવે છે!ગત સોમવારે સમગ્ર શહેરમાં ભારે વરસાદ પડયો, અનેક વિસ્તારો પાણીમાં ડૂબ્યા, લોકો આમતેમ ફંફં મારતા રહ્યા, કોર્પોરેશનના કંટ્રોલ રૂમમાં ફોનની ઘંટડીઓ રણકતી રહી પરંતુ દરેક ઠેકાણે, દરેક સમસ્યામાં તંત્ર કામે ન આવ્યું હોવાનો ભારોભાર રોષ શહેરીજનો વ્યક્ત કરી રહ્યા છે. શેલામાં સુરભી વાટિકા, વિરાજ ગાર્ડન સોસાયટી, આવિષ્કાર ફ્લેટ, શાલિગ્રામ સાઇટ સહિતના રહેણાંક વિસ્તારના રહીશોએ પારાવાર હાલાકીઓ ભોગવી; બોપલમાં રાજવી બંગલોઝ, અરિહંત બંગલોઝ, ચિત્તવન બંગલોઝ, આનંદ સાગર સોસાયટી, જલદીપ બંગલોઝ વિભાગ-2, શ્યામવિલા, પેરેડાઇઝ પ્લાઝા, સ્ટલિંગ સિટીના અનેક વિભાગોના રહીશોએ વરસાદી પાણી ભરાઈ જવાથી ભારે પરેશાની ભોગવવી પડી હતી.ગુજરાતના વધુ સમાચાર વાંચવા માટે ક્લિક કરો
Read Full Story arrow_forward
