Community News & Updates

Stay informed with the latest happenings, achievements, and announcements from our community.

All News

calendar_today September 16, 2026

આસામ-ત્રિપુરામાં કરોડોનું ડ્રગ્સ, EPF મર્યાદા રૂ. 25,000 સુધી વધારાશે અને બટલરનો નવો રેકોર્ડ... વાંચો આજના મોટા સમાચાર

સંદેશ ન્યૂઝ ડિજિટલ પર વાંચો દિવસભરના તમામ મહત્વના અને મોટા સમાચાર   1.Ahmedabad: આસામ અને ત્રિપુરામાં DRIના એકસાથે દરોડા; 4 ટ્રકોના ગુપ્ત ખાનામાંથી કરોડોનું ડ્રગ્સ મળ્યું2.Jos Buttlerએ T20I ક્રિકેટમાં રોહિત શર્માને પછાડ્યો, પોતાના નામે કર્યો આ રેકોર્ડ3.India-New Zealand Trade Deal: ન્યૂઝીલેન્ડ સંસદનો મોટો નિર્ણય, ભારત સાથેની FTA ડીલ મંજૂર4.Ahmedabad શીલજ કેનાલ રોડ અકસ્માત કેસ, નવપરિણીત નિશીના મોતનો ગુનેગાર રાજસ્થાનથી ગિરફ્તાર5.Romantic Song : 45 વર્ષથી UP-બિહારમાં ધૂમ મચાવી રહ્યું છે કિશોર કુમારનું આ ભોજપુરી ગીત! આજે પણ છે નંબર-1!6.Vadodaraના શિનોર પંથકમાં એક દિવસના વિરામ બાદ મેઘરાજાની પધરામણી, અવાખલ અને સાધલીમાં વરસાદ7.EPF ના વાજબી પગારની મર્યાદામાં રૂ. 25,000 સુધીનો વધારો: કરોડો કર્મચારીઓને મળશે સામાજિક સુરક્ષા8.Ambaji Bhadarvi Poonam Mela 2026: ભાદરવી પૂનમ મહામેળાને લઈને અંબાજી તંત્ર સજ્જ, ભક્તોને ખાસ અપીલ9.Ahmedabad SVP હોસ્પિટલમાં ગંદકીના ગંભીર દ્રશ્યો સામે આવતાં તંત્ર લાલઘૂમ, સફાઈ એજન્સીને નોટિસ ફટકારી ખુલાસો મંગાયો!10.Indian Cinema : બોક્સ ઓફિસ પર હનુમાન અંશનું તોફાન! 4 બ્લોકબસ્ટર ફિલ્મો ધોવાઈ ગઈ!

Read Full Story arrow_forward

calendar_today September 16, 2026

UPI ચાર્જને લઈને ઘમાસાણ! સુપ્રીમ કોર્ટ પહોંચ્યો મામલો, 2000થી વધુના મર્ચન્ટ પેમેન્ટ્સ વિરુદ્ધ અરજી દાખલ

UPI પેમેન્ટ્સ પરના ચાર્જનો મુદ્દો સુપ્રીમ કોર્ટ સુધી પહોંચ્યો છે. ₹2,000થી વધુના મર્ચન્ટ UPI પેમેન્ટ્સ પર લાદવામાં આવેલા ચાર્જને પડકારતી એક અરજી દાખલ કરવામાં આવી છે. આ નિર્ણયની જાહેરાત કેન્દ્ર સરકારે બુધવારે કરી હતી. આ અરજી એડવોકેટ અંજન દત્તા દ્વારા દાખલ કરવામાં આવી છે.એડવોકેટ અંજન દત્તા દ્વારા દાખલ કરવામાં આવેલી અરજીમાં 14 ડિસેમ્બરે બહાર પાડવામાં આવેલી સૂચના અને આ બાબતે 15 સપ્ટેમ્બરે બહાર પાડવામાં આવેલા MDR (મર્ચન્ટ ડિસ્કાઉન્ટ રેટ) ફ્રેમવર્કને રદ કરવાની માંગ કરવામાં આવી છે. તેઓ દલીલ કરે છે કે આ પગલાં સંપૂર્ણપણે ગેરબંધારણીય અને ખામીયુક્ત છે. અરજીમાં જણાવાયું છે કે સરકારે પૂરતા કાનૂની આધાર વિના આ નિર્ણય લીધો છે.રાહુલ ગાંધીએ સરકારને નિશાન બનાવીવિપક્ષ UPI ચાર્જને લઈને સતત સરકારને નિશાન બનાવી રહ્યું છે. લોકસભામાં વિપક્ષના નેતા અને કોંગ્રેસના સાંસદ રાહુલ ગાંધીએ UPI વ્યવહારો પર ટેક્સ લાદવાના કેન્દ્ર સરકારના પગલાની ટીકા કરી છે. તેમણે વડાપ્રધાન મોદી પાસે UPI પર લાદવામાં આવેલો ટેક્સ પાછો ખેંચવાની માંગ કરી છે. સોશિયલ મીડિયા પ્લેટફોર્મ 'X' પર એક વીડિયો પોસ્ટ કરીને રાહુલ ગાંધીએ ભૂતપૂર્વ વડાપ્રધાન ઈન્દિરા ગાંધીનો ઉલ્લેખ કર્યો અને જણાવ્યું કે તેમનો અભિગમ સ્પષ્ટ અને સરળ હતો. વડાપ્રધાન મોદીને સંબોધતા તેમણે UPI ટેક્સ પાછો ખેંચવાની અપીલ કરી.નોંધનીય છે કે, કોંગ્રેસ નેતા કાર્તિ ચિદમ્બરમે ₹2000થી વધુના મર્ચન્ટ વ્યવહારો પર 0.4% MDR લાદવા અંગે ટિપ્પણી કરતા તેને એવો ટેક્સ ગણાવ્યો જે ધીમે ધીમે વધતો જશે. જે વ્યવહારો પર અગાઉ કોઈ ટેક્સ લાગતો ન હતો, તેના પર હવે ₹2000ની મર્યાદા વટાવવા પર ટેક્સ લાગશે. આ પગલું ક્રમશ ટેક્સ વધારવાની નીતિ માટે એક દાખલો બેસાડે છે; એકવાર અમલદારશાહીને પ્રવેશ મળી જાય, પછી તેઓ સંપૂર્ણ રીતે સામેલ થઈ જાય અને તમામ વ્યવહારો પર ટેક્સ વસૂલવાનું શરૂ કરે તે માત્ર સમયની વાત છે. આખરે, ટેક્સનો બોજ ગ્રાહકો પર પડશે, જેનાથી ભાવ વધશે અને મોંઘવારી વધશે.સરકારનો નિર્ણય શું છે? ઉલ્લેખનીય છે કે મંગળવારે સરકારે મોટા મર્ચન્ટ પેમેન્ટ્સ સાથે સંકળાયેલા UPI વ્યવહારો માટે નવા ફી માળખાની જાહેરાત કરી હતી, જે 15 ઓક્ટોબરથી અમલમાં આવશે. આ વ્યવસ્થા હેઠળ, વેપારીઓ પાસેથી ₹2000થી વધુના વ્યવહારો પર 0.4 ટકા ફી વસૂલવામાં આવશે, જેમાં ₹75,000 કે તેથી વધુના પેમેન્ટ્સ પર મહત્તમ મર્યાદા (કેપ) ₹300 રહેશે.આ પણ વાંચો: ઝિરામ ઘાટી નરસંહારમાં NIA કોર્ટનો મોટો નિર્ણય, 10 માઓવાદીઓને ફાંસીની સજા

Read Full Story arrow_forward

calendar_today September 16, 2026

Jharkhandના પૂર્વ મંત્રી આલમગીર આલમને સુપ્રીમ કોર્ટનો ઝટકો, મની લોન્ડરિંગ કેસમાં ડિસ્ચાર્જ અરજી ફગાવાઈ

Jharkhandના પૂર્વ ગ્રામ વિકાસ મંત્રી આલમગીર આલમને ટેન્ડર કૌભાંડ સાથે જોડાયેલા મની લોન્ડરિંગ કેસમાં સુપ્રીમ કોર્ટમાંથી ઝટકો લાગ્યો છે. સુપ્રીમ કોર્ટે ઝારખંડ હાઈકોર્ટના તે નિર્ણયમાં હસ્તક્ષેપ કરવાનો ઇનકાર કર્યો છે, જેમાં આલમગીર આલમની ડિસ્ચાર્જ અરજી ફગાવી દેવામાં આવી હતી. આ સાથે કેસના આરોપોમાંથી મુક્ત કરવાની તેમની માંગ પણ ફગાવી દેવામાં આવી છે.સુપ્રીમ કોર્ટમાં બે જજની બેન્ચ સમક્ષ સુનાવણીઆ કેસની સુનાવણી સુપ્રીમ કોર્ટમાં જસ્ટિસ દીપાંકર દત્તા અને જસ્ટિસ શીલ નાગુની બેન્ચ સમક્ષ થઈ હતી. આ પહેલાં રાંચીની વિશેષ PMLA કોર્ટે આલમગીર આલમની ડિસ્ચાર્જ અરજી ફગાવી હતી. ત્યારબાદ તેમણે ઝારખંડ હાઈકોર્ટનો સંપર્ક કર્યો હતો, પરંતુ હાઈકોર્ટે પણ નીચલી કોર્ટના નિર્ણયમાં હસ્તક્ષેપ કરવાનો ઇનકાર કરીને અરજી ફગાવી દીધી હતી.તપાસ દરમિયાન ₹37.55 કરોડ રોકડા મળ્યાનો દાવોઝારખંડ હાઈકોર્ટના 6 મે 2026ના ચુકાદા મુજબ, ED દ્વારા રજૂ કરવામાં આવેલી સામગ્રીમાં ટેન્ડર ફાળવણીના બદલામાં કથિત કમિશનની વસૂલાત અને તેમાં આલમગીર આલમની કથિત ભૂમિકા અંગેના દસ્તાવેજો તથા નિવેદનો સામેલ હતા. હાઈકોર્ટે કહ્યું હતું કે ડિસ્ચાર્જના તબક્કે કોર્ટને એ જોવાનું હોય છે કે આરોપી સામે પ્રથમદર્શી કેસ બને છે કે નહીં. EDના દસ્તાવેજો અનુસાર, મે 2024માં વિવિધ સ્થળોએ કરાયેલી તપાસ દરમિયાન લગભગ ₹37.55 કરોડ રોકડા મળ્યા હતા.ટેન્ડર ફાળવણીના બદલામાં કથિત કમિશનEDના જણાવ્યા મુજબ, તપાસમાં ગ્રામ્ય કાર્ય વિભાગમાં ટેન્ડર ફાળવવાના બદલામાં કોન્ટ્રાક્ટરો પાસેથી કથિત કમિશન વસૂલવાની વ્યવસ્થા હોવાની માહિતી મળી હતી. એજન્સીના આરોપ મુજબ, કુલ ટેન્ડર રકમના લગભગ 3.2 ટકા કમિશન લેવામાં આવતું હતું, જેમાં તત્કાલીન મંત્રી માટે લગભગ 1.5 ટકા હિસ્સો નક્કી કરવામાં આવ્યો હતો. હાઈકોર્ટના ચુકાદામાં ED દ્વારા રજૂ કરાયેલા નિવેદનો અને જપ્ત કરાયેલા દસ્તાવેજોનો પણ ઉલ્લેખ કરવામાં આવ્યો હતો.હાઈકોર્ટની સ્પષ્ટતાહાઈકોર્ટે કહ્યું કે હાલના પુરાવા જોતા આલમગીર આલમની ભૂમિકા હોવાની શક્યતા દેખાય છે. પરંતુ તેનો અર્થ એ નથી કે તેઓ દોષિત સાબિત થઈ ગયા છે. કોર્ટનો આ નિર્ણય માત્ર કેસના આ તબક્કા પૂરતો છે.આ પણ વાંચો: સોરેન સરકારને હાઈકોર્ટ તરફથી મોટો ઝટકો, JPSC પરીક્ષા રદ કરવાના નિર્ણય પર લગાવી રોક

Read Full Story arrow_forward