Stay informed with the latest happenings, achievements, and announcements from our community.
ગુજરાત અને દેશ દુનિયાના સમાચાર સંદેશ ન્યૂઝના આ ન્યૂઝ બ્લોગ પર ક્લિક કરીને વાંચી શકશો. 18 સપ્ટેમ્બર ના બ્રેકીંગ ન્યૂઝ વાંચવા માટે આ પેજ પર બનેલા રહો અને રિફ્રેશ કરતા રહો
Read Full Story arrow_forward
સુરત શહેરના વરાછા વિસ્તારમાં આવેલી જાણીતી શિવ સર્જિકલ હોસ્પિટલના સિનિયર તબીબ ડૉ. કાંતીલાલ વઘાસીયા અને તેમના પરિવારને ધમકી આપી આતંક મચાવનાર ફરાર પિતા-પુત્રની જોડીને પોલીસે ઝડપી પાડી છે. આરોપી પરેશ ગજેરા અને તેનો પુત્ર ઋષિત ગજેરા પોતાના બનેવી પાસે નીકળતા આશરે 20 વર્ષ જૂના 10 લાખના હિસાબની વસૂલાત કરવા માટે બનેવીના તબીબ વેવાઈ ડૉ. કાંતીલાલ વઘાસીયા પાસે પઠાણી ઉઘરાણી કરતા હતા.વરાછાના ડોક્ટર પાસે પઠાણી ઉઘરાણીઆરોપીઓએ ડૉક્ટરને ફોન અને મેસેજ કરીને 'તારું બધું પડ્યું રહેશે, વાપરવાવાળું કોઈ નહીં રહે' જેવી ગંભીર અને ગર્ભિત ધમકીઓ આપી તેમના પુત્રના જીવનું જોખમ ઊભું કર્યું હતું. આ ઉપરાંત નાણાં વસૂલવા માટે આરોપીઓએ અલથાણા ખાતે આવેલી તબીબની પુત્રવધૂની ક્લિનિક અને તેમની કારમાં તોડફોડ કરીને ભારે આતંક મચાવ્યો હતો. આ સમગ્ર હિંસક અને ધમકીભર્યા બનાવ અંગે વરાછા પોલીસ સ્ટેશનમાં ગુનો દાખલ કરવામાં આવ્યો હતો. ગુનો નોંધાયા બાદથી જ પોલીસને થાપ આપીને પિતા-પુત્ર પરેશ ગજેરા અને ઋષિત ગજેરા છેલ્લા અઢી વર્ષથી સતત ફરાર ચાલી રહ્યા હતા.નાસતા-ફરતા પિતા-પુત્રને દબોચી લીધાવરાછા પોલીસની ટીમે બાતમીદારોનું નેટવર્ક સક્રિય રાખીને મળેલી ચોક્કસ માહિતીના આધારે સુરતના ઉમરાગામ વિસ્તારમાં આવેલા શિવ બંગ્લોઝ ખાતે દરોડો પાડ્યો હતો. પોલીસે દરોડા દરમિયાન અઢી વર્ષથી નાસતા-ફરતા બંને પિતા-પુત્રને સ્થળ પરથી દબોચી લીધા છે. પોલીસે બંને આરોપીઓની વિધિવત ધરપકડ કરી આગળની કાનૂની તપાસ હાથ ધરી છે.આ પણ વાંચો: Surat: પત્નીએ તાપી કિનારે પ્રેમી સાથે જીવન ટૂંકાવ્યું; વિશ્વાસઘાત અને આઘાતમાં પતિએ લીધો આત્યંતિક નિર્ણય
Read Full Story arrow_forward
વાવ-થરાદ પંથકમાંથી પસાર થતી નર્મદાની મુખ્ય કેનાલમાં આગામી ત્રણ દિવસ માટે પાણીનો કાપ મૂકવાનો નિર્ણય લેવામાં આવ્યો છે. થરાદથી નીકળતી મુખ્ય કેનાલમાં પાણીનો પ્રવાહ ઓછો કરી દેવામાં આવ્યો છે. આ નિર્ણયને કારણે સ્થાનિક ખેડૂતો અને ગ્રામજનોમાં વિવિધ ચર્ચાઓ શરૂ થઈ છે, પરંતુ તંત્ર દ્વારા પરિસ્થિતિ અંગે સ્થિતિ સ્પષ્ટ કરવામાં આવી છે.ગામડાના તળાવો ભરવાની કામગીરીના કારણે લેવાયો નિર્ણયનર્મદા વિભાગના જણાવ્યા અનુસાર, વાવ-થરાદ વિસ્તારના ગામડાઓના તળાવો સુધી પાણી પહોંચાડવાની અગત્યની કામગીરી તેમજ અન્ય જરૂરી મરામત અને નિભાવણીના કામો હાથ ધરવામાં આવ્યા છે. આ કામગીરી સુચારુ રૂપે પૂર્ણ થઈ શકે તે માટે કેનાલમાં પાણીનો પ્રવાહ નિયંત્રિત કરવામાં આવ્યો છે. જોકે, હાલની સ્થિતિએ વિસ્તારના કોઈપણ ગામમાં પીવાના કે વપરાશના પાણીની અછત સર્જાય તેવી પરિસ્થિતિ નથી.3 દિવસ બાદ રાબેતા મુજબ પાણી છોડવા અધિકારીની સ્પષ્ટતાઆ અંગે નર્મદા વિભાગના મુખ્ય અધિકારીએ સ્પષ્ટતા કરતાં જણાવ્યું છે કે ખેડૂતો કે ગ્રામજનોએ ગભરાવાની જરૂર નથી. કેનાલ સંબંધિત તમામ જરૂરી કામગીરી આગામી ત્રણ દિવસમાં પૂર્ણ કરી દેવામાં આવશે અને ત્યારબાદ મુખ્ય કેનાલમાં પુનઃ રાબેતા મુજબ પૂરતા પ્રમાણમાં પાણી છોડવામાં આવશે.આ પણ વાંચો : Weather Update : મધ્ય ગુજરાતમાં અતિભારે વરસાદનું સંકટ, અમદાવાદ-ગાંધીનગર સહિત 24 જિલ્લાઓમાં ‘ઓરેન્જ એલર્ટ’ જાહેર!
Read Full Story arrow_forward