Community News & Updates

Stay informed with the latest happenings, achievements, and announcements from our community.

All News

calendar_today September 18, 2026

LIC Fraud Case: રિલાયન્સ કેપિટલ અને અનિલ અંબાણી સામે FIR; 2,684 કરોડથી વધુના નુકસાનનો આરોપ

લાઈફ ઈન્સ્યોરન્સ કોર્પોરેશન ઓફ ઈન્ડિયા (LIC) ની લેખિત ફરિયાદના આધારે કેન્દ્રીય તપાસ એજન્સી (CBI) એ રિલાયન્સ કેપિટલ લિમિટેડ અને તેના પૂર્વ ચેરમેન અનિલ ડી. અંબાણી સામે આકરા પગલાં ભરીને એફઆઈઆર નોંધી છે. વર્ષ 2012 થી 2018 ના સમયગાળા દરમિયાન એલઆઈસી દ્વારા રિલાયન્સ કેપિટલમાં રૂ. 3,900 કરોડનું વિશાળ રોકાણ કરવામાં આવ્યું હતું.એલઆઈસીના રોકાણમાં કરોડોની ગેરરીતિસીબીઆઈની પ્રાથમિક તપાસમાં બહાર આવ્યું છે કે રિલાયન્સ કેપિટલના તત્કાલીન મેનેજમેન્ટે ખોટી અને તથ્યવિહીન રજૂઆતો કરીને એલઆઈસીને આ રોકાણ કરવા માટે પ્રેરિત કરી હતી. આગળ જતાં આ રોકાણમાંથી એલઆઈસીને રૂ. 2,684.57 કરોડનું મોટું નાણાકીય નુકસાન સહન કરવાનો વારો આવ્યો છે, જે જાહેર નાણાંની ગંભીર ગેરરીતિ દર્શાવે છે.આ હાઇ-પ્રોફાઇલ કેસમાં સીબીઆઈએ માત્ર અનિલ અંબાણી જ નહીં પરંતુ ગ્રુપના મેનેજિંગ ડિરેક્ટર સતીશ સેઠ, કેટલાક અજાણ્યા સરકારી કર્મચારીઓ અને અન્ય ખાનગી વ્યક્તિઓ સામે પણ છેતરપિંડી, ક્રિમિનલ બ્રીચ ઓફ ટ્રસ્ટ અને હિસાબી ગોટાળાની વિવિધ કલમો હેઠળ ગુનો દાખલ કર્યો છે.ખોટી રજૂઆતો કરી રોકાણ કરાવ્યાનો સીબીઆઈ કેસમાં દાવોતપાસ એજન્સી હવે એલઆઈસી તરફથી મળેલા રોકાણના નાણાં ક્યાં અને કેવી રીતે ડાયવર્ટ કરવામાં આવ્યા હતા તેની મની ટ્રેલ શોધી રહી છે. નોંધનીય છે કે રિલાયન્સ ગ્રુપની વિવિધ કંપનીઓ સામે સીબીઆઈ દ્વારા અગાઉ પણ 8 એફઆઈઆર નોંધવામાં આવેલી છે, ત્યારે આ નવી એફઆઈઆર સાથે સીબીઆઈએ સમગ્ર મામલે ઊંડાણપૂર્વક તપાસ હાથ ધરી છે.આ પણ વાંચો: Kheda: હર્ષ સંઘવીનો ડાઉન-ટુ-અર્થ અંદાજ; નેનપુર ચોકડી ખાતે કાર્યકરો સાથે માણી ચા-ભજીયાની લિજ્જત

Read Full Story arrow_forward

calendar_today September 18, 2026

Crime : અકસ્માત બાદ કારની ડિક્કી ખોલતા જ મળ્યો 13 વર્ષના બાળકનો મૃતદેહ.. કાર ચલાવવાની લાલચ આપી કિડનેપ, પછી હત્યાનો ખુલાસો

બેંગલુરુના બાગલુરુ વિસ્તારમાં એક અકસ્માતની ઘટનાએ કિડનેપિંગ અને હત્યાના ચકચારી કેસનો પર્દાફાશ કર્યો છે. બુધવારે રાત્રે બલ્લારી રોડ નજીક એક કાર અનેક વાહનો સાથે અથડાયા બાદ અટકી હતી. સ્થાનિકોએ કારચાલકને રોક્યો હતો. પોલીસ ઘટનાસ્થળે પહોંચી ત્યારે 28 વર્ષીય ભાસ્કર રેડ્ડીના જવાબોમાં ગૂંચવણ જણાઈ હતી. શંકા જતા કારની તપાસ કરવામાં આવી તો ડિક્કીમાં 13 વર્ષીય પ્રજ્વલનો મૃતદેહ મળી આવ્યો હતો.કાર ચલાવવાની લાલચ આપી બાળકને સાથે લઈ ગયોપ્રાથમિક તપાસ મુજબ પ્રજ્વલને કાર ચલાવવાનો શોખ હતો. આ બાબતનો લાભ લઈને ભાસ્કર રેડ્ડી તેને પોતાની કારમાં બેસાડી એકાંત સ્થળે લઈ ગયો હતો. કારમાં તેનો એક સાથી પણ હોવાની માહિતી સામે આવી છે, જેની ઓળખ હજુ થઈ નથી.ખંડણી માટે અપહરણનો આરોપપોલીસ તપાસ મુજબ બાળકના માતા-પિતા પાસેથી ખંડણી મેળવવાના ઈરાદે અપહરણ કરવામાં આવ્યું હતું. પ્રજ્વલે વિરોધ કરીને ભાગવાનો પ્રયાસ કર્યો ત્યારે તેના માથા પર લાકડી અને ત્યારબાદ સિમેન્ટના બ્લોકથી હુમલો કરવામાં આવ્યો હોવાનો આરોપ છે. ગંભીર ઈજાઓ બાદ બાળકનું મોત થયું હતું.આરોપી લંડનથી માસ્ટર ડિગ્રી કરીને આવ્યો હતોપોલીસના જણાવ્યા મુજબ ભાસ્કર રેડ્ડી થોડા મહિના પહેલાં લંડનથી માસ્ટર ડિગ્રી પૂર્ણ કરીને પરત આવ્યો હતો. ત્યારબાદ તેણે વ્હાઇટફિલ્ડની એક ખાનગી કંપનીના ફાઇનાન્સ વિભાગમાં નોકરી શરૂ કરી હતી. તપાસમાં સામે આવ્યું છે કે એજ્યુકેશન લોન ચૂકવવા માટે ખંડણી મેળવવાનો ઈરાદો હોવાની આશંકા છે.બાળકનો વીડિયો પણ બનાવ્યો હોવાનો ખુલાસોપોલીસના જણાવ્યા મુજબ આરોપીઓએ પ્રજ્વલનો વીડિયો બનાવ્યો હતો. વીડિયોમાં બાળક તેના પિતાને ખંડણીની રકમ આપવા વિનંતી કરતો હોવાનું જણાવાયું છે. જો ખંડણી નહીં આપવામાં આવે તો તેને મારી નાખવાની ધમકી અપાઈ હોવાની વાત પણ વીડિયોમાં હોવાનું પોલીસનું કહેવું છે.અકસ્માતથી ખુલી હત્યાની કડીબાળકના મોત બાદ મૃતદેહને ઠેકાણે પાડવા માટે ભાસ્કર કાર લઈને હાઇવે તરફ નીકળ્યો હતો. રસ્તામાં કાર પહેલા એક પોલ સાથે અને ત્યારબાદ એપાર્ટમેન્ટ બહાર પાર્ક કરેલી 2 કાર સાથે અથડાઈ હતી. અકસ્માત બાદ સ્થાનિકોએ કારચાલકને ઘેરી લીધો અને પોલીસને જાણ કરી. તપાસ દરમિયાન કારની ડિક્કીમાંથી મૃતદેહ મળી આવતા સમગ્ર મામલો બહાર આવ્યો.હત્યા પૂર્વઆયોજિત હોવાની આશંકાપ્રાથમિક તપાસમાં પોલીસને હત્યા અગાઉથી ઘડાયેલા કાવતરાનો ભાગ હોવાની આશંકા છે. બાળકને ઓળખી શકે તેવા તેના માતા-પિતાને કારણે તેને જીવતો છોડવામાં જોખમ હોવાનું આરોપીએ વિચાર્યું હોવાની માહિતી સામે આવી છે. પોલીસે અપહરણ અને હત્યા સંબંધિત BNSની કલમો હેઠળ FIR નોંધી છે અને અન્ય આરોપીની શોધખોળ હાથ ધરી છે. આ પણ વાંચો  :   Cyclone Alert : બંગાળની ખાડીમાંથી આવી રહ્યું છે 'અર્નવ' વાવાઝોડું..!  આ પણ વાંચો  : Sandesh Digital Explainer : આવતીકાલથી ચોમાસું લેશે વિદાય, ચોમાસું અચાનક નથી જતું, આ રીતે થાય છે વિદાય, સમજો ગણિત 

Read Full Story arrow_forward

calendar_today September 18, 2026

Ayodhya : રામમંદિરમાં પૂજારીઓ માટે નવી નિયમાવલી લાગુ, પીળાં વસ્ત્રો, તિલક અને પંચકેશી ફરજિયાત

અયોધ્યાના શ્રીરામજન્મભૂમિ મંદિર પરિસરમાં સેવા આપતા પૂજારીઓ માટે નવી નિયમાવલી તાત્કાલિક અસરથી લાગુ કરવામાં આવી છે. રામલલા સહિત પરિસરના અન્ય મંદિરોમાં સેવા આપતા પૂજારીઓ માટે વસ્ત્રોથી લઈને ગર્ભગૃહમાં પ્રવેશ અને સેવાકાળ દરમિયાનના વ્યવહાર સુધીના નિયમો નક્કી કરવામાં આવ્યા છે.પીળાં વસ્ત્રો અને તિલક ફરજિયાતનવી વ્યવસ્થા મુજબ પૂજારીઓએ ધર્મ સમિતિ દ્વારા નિર્ધારિત પીળાં વસ્ત્રો પહેરવાના રહેશે. ઋતુ અને હવામાન પ્રમાણે વસ્ત્રોમાં જરૂરી ફેરફાર કરી શકાશે. સેવાકાળ દરમિયાન તિલક લગાવવું ફરજિયાત રહેશે. સાથે જ પંચકેશી પરંપરાનું પાલન કરવાનું રહેશે.ગર્ભગૃહમાં મોબાઇલ અને પર્સ નહીં લઈ જઈ શકાયપૂજારીઓ હવે ગર્ભગૃહમાં મોબાઇલ ફોન, પર્સ અથવા અન્ય કોઈપણ ખાનગી વસ્તુ લઈ જઈ શકશે નહીં. મંદિર વ્યવસ્થા દ્વારા આપવામાં આવતા ભોગ-પ્રસાદ સિવાય બહારની કોઈ સામગ્રી પણ ગર્ભગૃહમાં લઈ જવા પર પ્રતિબંધ રહેશે. ખાનગી સામાન રાખવા માટે લોકરની વ્યવસ્થા કરવામાં આવી છે.શૌચ બાદ સ્નાન કર્યા વિના પ્રવેશ નહીંનવી નિયમાવલીમાં શારીરિક શુચિતાને લઈને પણ સ્પષ્ટ નિયમો બનાવવામાં આવ્યા છે. શૌચ કર્યા બાદ સ્નાન કર્યા વિના પૂજારીઓ મંદિર અથવા કોઠારમાં પ્રવેશ કરી શકશે નહીં. સેવાકાળ દરમિયાન પોતાના નિર્ધારિત સેવા સ્થળે હાજર રહેવું પડશે.સ્થળ છોડવું હોય તો લેખિત જાણ કરવી પડશેસેવાકાળ દરમિયાન કોઈ જરૂરી કારણસર નિર્ધારિત સ્થળ છોડવું પડે તો શિફ્ટ ઇન્ચાર્જને લેખિત જાણ કરવાની રહેશે. પૂજારીઓને તેમની ફરજ દરમિયાન મંદિરની આંતરિક વ્યવસ્થા અને નિર્ધારિત સેવા પદ્ધતિનું પાલન કરવા સૂચના આપવામાં આવી છે.સેવાકાળ દરમિયાન વાતચીત અને હાસ્ય-મજાક પર રોકપૂજારીઓને સેવાકાળ દરમિયાન અનાવશ્યક વાતચીત, સમૂહમાં ચર્ચા અને હાસ્ય-મજાકથી દૂર રહેવા જણાવાયું છે. મંદિર વ્યવસ્થા, ધર્મગુરુ અને આચાર્યો સિવાય ટ્રસ્ટના કર્મચારીઓ અથવા સુરક્ષાકર્મીઓ સાથે પણ અનાવશ્યક સંપર્ક અને વાતચીત ટાળવાની સૂચના આપવામાં આવી છે.નિયમોના ભંગ બદલ શુદ્ધિકરણની જોગવાઈમંદિરની નિર્ધારિત મર્યાદાનો ભંગ થાય તો શુદ્ધિકરણની પ્રક્રિયા અપનાવવાની જોગવાઈ રાખવામાં આવી છે. નિયમોનું વારંવાર ઉલ્લંઘન થાય તો કાર્યવાહી પણ થઈ શકે છે. નવી નિયમાવલીનો હેતુ પૂજા પદ્ધતિ, શુચિતા અને મંદિરની આંતરિક વ્યવસ્થામાં શિસ્ત જાળવવાનો છે.  આ પણ વાંચો    :   Cyclone Alert : બંગાળની ખાડીમાંથી આવી રહ્યું છે 'અર્નવ' વાવાઝોડું..!  આ પણ વાંચો    :   Sandesh Digital Explainer : આવતીકાલથી ચોમાસું લેશે વિદાય, ચોમાસું અચાનક નથી જતું, આ રીતે થાય છે વિદાય, સમજો ગણિત

Read Full Story arrow_forward