Community News & Updates

Stay informed with the latest happenings, achievements, and announcements from our community.

All News

calendar_today September 4, 2026

Surat News: કામરેજમાં તસ્કરોનો તરખાટ, બંધ મકાનમાંથી 2.36 લાખની મત્તાની ચોરી

સુરત જિલ્લાના કામરેજ તાલુકામાં ચોરીની ઘટના સામે આવી છે. કામરેજ વિસ્તારના ખોલવડ ગામમાં આવેલી અંબરવિલા સોસાયટીમાં અજાણ્યા તસ્કરોએ તરખાટ મચાવ્યો છે. સોસાયટીમાં રહેતો એક પરિવાર પોતાના મકાનને તાળું મારીને ઘરની બહાર કોઈ કામકાજ અર્થે ગયો હતો. બંધ મકાન અને સુમસામ વાતાવરણનો લાભ ઉઠાવી અજાણ્યા તસ્કરોએ આ ઘરને ચોરી માટે નિશાન બનાવ્યું હતું.લોક તોડી ઘરમાં ઘૂસ્યા અને કબાટ ફેંદી નાખ્યામકાન માલિકની ગેરહાજરીનો ફાયદો ઉઠાવીને તસ્કરોએ સૌપ્રથમ મુખ્ય રૂમના દરવાજાનું લોક તોડી ઘરમાં પ્રવેશ કર્યો હતો. ઘરમાં ઘૂસ્યા બાદ તસ્કરોએ ચોરી કરવા માટે તમામ રૂમમાં કબાટ અને ડ્રોવરના લોક તોડી નાખ્યા હતા. સમગ્ર ઘરમાં સરસામાન વેરવિખેર કરી તસ્કરોએ કબાટના ખાના ફેંદી મારી કિંમતી સામાનની શોધખોળ કરી હતી.1.80 લાખ રોકડા અને સોનાના દાગીના ચોરાયાકબાટના લોક તોડ્યા બાદ તસ્કરોના હાથમાં મોટી રકમ અને દાગીના લાગ્યા હતા. તસ્કરોએ કબાટમાં મૂકેલા 1.80 લાખ રૂપિયા રોકડા તેમજ કિંમતી સોનાના દાગીનાની ચોરી કરી હતી. રોકડ અને સોનાના દાગીના મળીને તસ્કરો કુલ 2.36 લાખ રૂપિયાની મત્તા ચોરી કરીને રફુચક્કર થઈ ગયા હતા. પરિવારજનો જ્યારે ઘરે પરત ફર્યા ત્યારે તૂટેલા લોક અને વિખરાયેલો સામાન જોઈને ચોંકી ઉઠ્યા હતા.કામરેજ પોલીસે ગુનો નોંધી તસ્કરોની શોધખોળ હાથ ધરીઘટનાની જાણ થતાં જ મકાન માલિક દ્વારા તાત્કાલિક સ્થાનિક પોલીસને જાણ કરવામાં આવી હતી. બનાવ અંગે જાણ મળતા જ કામરેજ પોલીસની ટીમ ઘટના સ્થળે દોડી આવી હતી. પોલીસે તસ્કરો સામે ગુનો નોંધી ચોરીનો ભેદ ઉકેલવા ફિંગરપ્રિન્ટ નિષ્ણાતો અને સીસીટીવી ફુટેજની મદદથી તપાસનો ધમધમાટ શરૂ કર્યો છે.આ પણ વાંચો: Janmashtami 2026: સંદેશ ડિજિટલને સાથે જન્માષ્ટમી ઉજવણી, જુઓ તમારા કાનુડાનો ફોટો...

Read Full Story arrow_forward

calendar_today September 4, 2026

Ahmedabadના ઓઢવમાં સ્પાની આડમાં ડ્રગ્સનો કાળો કારોબાર! ક્રાઈમ બ્રાન્ચે રૂ.6.38 લાખના મેફેડ્રોન સાથે 23 વર્ષીય યુવકને દબોચ્યો

અમદાવાદ શહેરના ઓઢવ વિસ્તારમાં આવેલ ઓઢવ સર્કલ પાસેના નિર્મિત સ્ક્વેરમાં આવેલી SHR નેચરલ સ્પામાં ક્રાઈમ બ્રાન્ચે સફળ દરોડો પાડ્યો હતો. આ દરોડા દરમિયાન પોલીસે સ્પાની આડમાં ચાલતા મેફેડ્રોન ડ્રગ્સના કારોબારનો ખુલાસો કરીને 23 વર્ષીય આરોપી પીરારામ લીલારામ ચૌધરીની ધરપકડ કરી છે. આરોપી પાસેથી અને દુકાનમાંથી અંદાજે રૂ. 6.38 લાખની કિંમતનું 212.900 ગ્રામ મેફેડ્રોન ડ્રગ્સ ઝડપી પાડવામાં આવ્યું છે.વજનકાંટો, જીપર બેગ સહિત રૂ.6.48 લાખથી વધુનો મુદ્દામાલ કબજે કરાયોદરોડા દરમિયાન ક્રાઈમ બ્રાન્ચે માત્ર ડ્રગ્સ જ નહીં પરંતુ ડ્રગ્સના વેચાણમાં વપરાતી સામગ્રી પણ જપ્ત કરી છે. જેમાં બે મોબાઈલ ફોન, ડિજિટલ વજનકાંટો અને ડ્રગ્સનું પેકિંગ કરવા માટે રાખેલી 73 ખાલી જીપર બેગ મળી આવી છે. પોલીસે કુલ રૂ. 6.48 લાખથી વધુની કિંમતનો મુદ્દામાલ કબજે કર્યો હતો. FSL (ફોરેન્સિક સાયન્સ લેબોરેટરી) દ્વારા કરાયેલા પ્રાથમિક પરીક્ષણમાં જપ્ત કરાયેલ બ્રાઉન પાવડર જેવો પદાર્થ કાયદેસર રીતે મેફેડ્રોન ડ્રગ્સ હોવાનું પુરવાર થયું હતું.વોન્ટેડ રમેશ માળી સહિત સામે NDPS હેઠળ ગુનોપ્રાથમિક પૂછપરછમાં ઝડપાયેલા આરોપી પીરારામ ચૌધરીએ કબૂલાત કરી હતી કે આ મેફેડ્રોન ડ્રગ્સનો જથ્થો તેને રમેશ જગદિશકુમાર માળીએ કમિશન પર વેચવા માટે આપ્યો હતો. આ ચોંકાવનારા ખુલાસા બાદ અમદાવાદ ક્રાઈમ બ્રાન્ચે પીરારામ ચૌધરી અને મુખ્ય સપ્લાયર એવા વોન્ટેડ રમેશ માળી સહિત અન્ય સાગરીતો વિરુદ્ધ NDPS એક્ટ હેઠળ ગુનો નોંધી આગળની તપાસ હાથ ધરી છે. ક્રાઈમ બ્રાન્ચે હવે વોન્ટેડ રમેશ માળીને ઝડપી પાડવા ચક્રો ગતિમાન કર્યા છે.આ પણ વાંચો : Vadodara News: રેસિડેન્ટ ડૉક્ટરોની ફરિયાદ બાદ સાઇકાઇટ્રિક વિભાગના એસોસિએટ પ્રોફેસરની તાત્કાલિક બદલી

Read Full Story arrow_forward

calendar_today September 4, 2026

Dangમાં મોટી હોનારત ટળી, સાપુતારા જતી લક્ઝરી બસ રિવર્સમાં ખાડામાં ખાબકી, 54 મુસાફરોનો ચમત્કારિક બચાવ!

જન્માષ્ટમીના પાવન પર્વ અને મિની વેકેશનની રજાઓની ઉજવણી કરવા માટે અમદાવાદથી ગિરિમથક સાપુતારા તરફ જઈ રહેલા પ્રવાસીઓની લક્ઝરી બસને ડાંગ જિલ્લામાં અકસ્માત નડ્યો છે. અમદાવાદથી સાપુતારા સહેલગાહે આવી રહેલી 'રાજ ટ્રાવેલ્સ'ની લક્ઝરી બસ સામગહાન-માલેગામ રાષ્ટ્રીય ધોરીમાર્ગ પરથી પસાર થઈ રહી હતી તે સમયે આ બનાવ બન્યો હતો. તહેવારના માહોલ વચ્ચે પ્રવાસીઓ ઉત્સાહભેર મુસાફરી કરી રહ્યા હતા ત્યારે અચાનક માર્ગ પર અકસ્માત સર્જાતાં વાતાવરણ ગંભીર બની ગયું હતું.ચઢાણમાં બસ બંધ પડતાં રિવર્સમાં ધસી અને ખાડામાં ઉતરી ગઈઅકસ્માતની વિગતો મુજબ, સામગહાન-માલેગામ હાઈવે પરના ઘાટ માર્ગ પર ચઢાણ ચઢતી વખતે રાજ ટ્રાવેલ્સની આ લક્ઝરી બસ એકાએક બંધ પડી ગઈ હતી. બસ બંધ થતાં જ તે ન્યૂટ્રલ થઈને પૂરપાટ ઝડપે રિવર્સમાં પાછળ તરફ ધસી ગઈ હતી. માર્ગની સાઈડમાં આવેલા ખાડામાં બસ ઊંધી ઉતરી ગઈ હતી, પરંતુ સદનસીબે રોડ કિનારે આવેલી એક મજબૂત ભેખડ સાથે બસ જોરદાર અથડાઈને અટકી ગઈ હતી. જો બસ ભેખડ સાથે અથડાઈને રોકાઈ ન હોત તો મોટી દુર્ઘટના સર્જાઈ શકી હોત.54 પ્રવાસીઓનો ચમત્કારિક બચાવ, પરિવારોએ લીધો રાહતનો શ્વાસબસ એકાએક રિવર્સમાં ધસીને ખાડામાં ઉતરી જતાં અંદર સવાર પ્રવાસીઓમાં ભારે ચીસાચીસ અને અફરાતફરીનો માહોલ સર્જાયો હતો. જોકે, બસ ભેખડ ટેકો બની જતાં રોકાઈ જવાથી લક્ઝરી બસમાં સવાર તમામ 54 મુસાફરોનો આબાદ અને ચમત્કારિક બચાવ થયો છે. આ બનાવમાં કોઈ પણ મુસાફરને ગંભીર ઈજા કે જાનહાનિ ન થતાં પ્રવાસીઓ તેમજ તેમના પરિવારજનોએ ઈશ્વરનો આભાર માનીને રાહતનો શ્વાસ લીધો હતો.આ પણ વાંચો : Ahmedabadના ઓઢવમાં સ્પાની આડમાં ડ્રગ્સનો કાળો કારોબાર! ક્રાઈમ બ્રાન્ચે રૂ.6.38 લાખના મેફેડ્રોન સાથે 23 વર્ષીય યુવકને દબોચ્યો

Read Full Story arrow_forward