Surendranagar News: વઢવાણ જન્માષ્ટમી મેળામાં દુર્ઘટના, મોટા ચકડોળમાંથી પટકાતા કિશોરીનું મોત
સુરેન્દ્રનગર જિલ્લાના વઢવાણ ખાતે આયોજિત જન્માષ્ટમીના લોકમેળામાં મોડી રાત્રે એક અત્યંત હૃદયદ્રાવક અને કાળજું કંપાવી દેનારી દુર્ઘટના સામે આવી છે. મેળામાં રાઈડ્સની મજા માણી રહેલી 12 વર્ષની માસૂમ કિશોરી મોટા ચકડોળમાંથી અચાનક નીચે પટકાઈ હતી. જે કારણે તેનું કરૂણ મોત નીપજ્યું છે. આનંદ અને ઉલ્લાસથી ભરેલા મેળાના માહોલ વચ્ચે સર્જાયેલી આ કાળમુખી હોનારતથી સમગ્ર પંથકમાં ભારે અરેરાટી અને શોકની કાલિમા છવાઈ ગઈ છે.પાલખીવાળા મોટા ચકડોળમાંથી પટકાતાં નીપજ્યું મોતમળતી માહિતી મુજબ, વઢવાણના લોકમેળામાં આવેલી પાલખીવાળા મોટા ચકડોળમાં કિશોરી બેઠી હતી. રાઈડ્સ ચાલી રહી હતી, તે દરમિયાન અચાનક કોઈ કારણોસર કિશોરી ઉપરથી સીધી નીચે પટકાઈ હતી. ઊંચાઈ પરથી નીચે પટકાવાને કારણે તેને શરીરે અને માથાના ભાગે ગંભીર ઈજાઓ પહોંચી હતી. ઘટના બનતાં જ મેળામાં ભારે ચીસાચીસ અને નાસભાગ મચી ગઈ હતી. ગંભીર હાલતમાં કિશોરીને તાત્કાલિક સારવાર અર્થે હોસ્પિટલ ખસેડવામાં આવી હતી, જ્યાં ટૂંકી સારવાર દરમિયાન અથવા સારવાર મળે તે પહેલાં જ તેનું પ્રાણ પંખેરું ઊડી ગયું હતું.મૃતક કિશોરી પોલીસ કર્મચારીની પુત્રી હોવાનું સામે આવ્યુંપોલીસની પ્રાથમિક તપાસમાં મૃતક કિશોરીની ઓળખ થઈ ગઈ છે. મૃતક 12 વર્ષીય કિશોરીનું નામ નિહારિકા પરમાર છે અને તેના પિતા થાન પોલીસ મથકમાં પોલીસ કર્મચારી તરીકે પોતાની ફરજ બજાવે છે. રજાના દિવસે પરિવાર સાથે મેળામાં માણેલી ખુશીઓ પળવારમાં જ માતમમાં ફેરવાઈ જતાં પરિવારજનો પર આભ તૂટી પડ્યું છે.પોલીસે મૃતદેહ પોસ્ટ મોર્ટમ અર્થે ખસેડી તપાસ તેજ કરીઘટનાની જાણ થતાં જ પોલીસ કાફલો સ્થળ પર અને હોસ્પિટલ પહોંચી ગયો હતો. પોલીસે મૃતક કિશોરીના મૃતદેહને પોસ્ટ મોર્ટમ અર્થે સરકારી હોસ્પિટલ ખાતે ખસેડ્યો છે. રાઈડ્સમાં સેફ્ટી લોક કે સુરક્ષાના માપદંડોમાં કોઈ ગંભીર બેદરકારી હતી કે કેમ, તે દિશામાં પોલીસે રાઈડ્સ સંચાલકો સામે ગુનો નોંધીને તપાસનો ધમધમાટ શરૂ કર્યો છે.આ પણ વાંચો - Surendranagarમાં ગીધની સંખ્યામાં ચિંતાજનક ઘટાડા વચ્ચે ઘુડખર અભયારણ્ય વિભાગ આવ્યું હરકતમાં
Read Full Story arrow_forward
