Stay informed with the latest happenings, achievements, and announcements from our community.
ગુજરાત અને દેશ દુનિયાના સમાચાર સંદેશ ન્યૂઝના આ ન્યૂઝ બ્લોગ પર ક્લિક કરીને વાંચી શકશો. 10 સપ્ટેમ્બર ના બ્રેકીંગ ન્યૂઝ વાંચવા માટે આ પેજ પર બનેલા રહો અને રિફ્રેશ કરતા રહો
Read Full Story arrow_forward
આણંદ શહેરમાં વિદેશ જવાની ઘેલછા ધરાવતા લોકોને નિશાન બનાવી કરોડોની ઠગાઈ આચરવાનો કિસ્સો પ્રકાશમાં આવ્યો છે. 'ક્રિષ્ના ઓવરસીસ' નામે એજન્સી ચલાવતા બંટી-બબલીની જોડીએ 13થી વધુ લોકોને લંડન અને યુરોપના દેશોમાં મોકલવાના બહાને રૂ.80 લાખની રકમ પડાવી લીધી હતી. નાણાં ઉઘરાવ્યા બાદ કામ ન થતાં અને ઠગાઈનો પર્દાફાશ થતાં આરોપીઓ ઓફિસને તાળા મારી ફરાર થઈ જવાની ફિરાકમાં હતા, જ્યારે મુખ્ય સૂત્રધાર હાર્દિક શાહ ફુલેકુ ફેરવીને ફરાર થઈ ગયો હતો.પોલીસે એક મહિલાની ધરપકડ કરી આ સમગ્ર મામલે આણંદ ટાઉન પોલીસ મથકે બંટી-બબલી સહિત ત્રણ શખ્સો વિરુદ્ધ છેતરપિંડીનો ગુનો નોંધવામાં આવ્યો છે. પોલીસે કાર્યવાહી કરતા અનિતા શાહ નામની મહિલા આરોપીની ધરપકડ કરી લીધી છે. જ્યારે ફરાર થઈ ગયેલા મુખ્ય આરોપી હાર્દિક શાહ અને તેના સાગરીત નંદકુમાર ઉકાણીને ઝડપી પાડવા માટે પોલીસે ચક્રો ગતિમાન કર્યા છે અને વિવિધ ટીમો બનાવીને શોધખોળ શરૂ કરી છે.વિદેશ જવાના ચક્કરમાં 13થી વધુ લોકો છેતરાયાબનાવની જાણ થતાં જ ઠગાઈનો ભોગ બનેલા લોકોના મોટા ટોળાં આણંદ ટાઉન પોલીસ મથકે ઉમટી પડ્યા હતા. લોકોએ પોતાની સાથે થયેલી છેતરપિંડી અંગે આક્રોશ વ્યક્ત કર્યો હતો. પ્રાથમિક તપાસમાં આંકડો 80 લાખ રૂપિયા દેખાઈ રહ્યો છે, પરંતુ અન્ય ઘણા લોકો પણ આ ઠગ ટોળકીનો શિકાર બન્યા હોવાની આશંકા હોવાથી છેતરપિંડીનો કુલ આંકડો હજુ વધે તેવી શક્યતા વ્યક્ત કરવામાં આવી રહી છે.ગુજરાતના વધુ સમાચાર વાંચવા માટે ક્લિક કરો
Read Full Story arrow_forward
અમદાવાદ શહેરની વિવિધ શાળાઓને ઈ-મેઈલ મારફતે બોમ્બથી ઉડાવી દેવાની ધમકી મળતાં જ શૈક્ષણિક આલમ અને વહીવટી તંત્રમાં ભારે હડકંપ મચી ગયો છે. ધમકીભર્યો મેઈલ મળતાં જ જિલ્લા શિક્ષણ અધિકારી (DEO) તાત્કાલિક એક્શન મોડમાં આવ્યા છે અને શહેરની તમામ શાળાઓને સુરક્ષા વ્યવસ્થા સઘન બનાવવાની આકરી સૂચનાઓ આપી દીધી છે.પોલીસનું ફિઝિકલ વેરિફિકેશન અને સુરક્ષા માર્ગદર્શિકાઘટનાની ગંભીરતાને ધ્યાનમાં રાખીને પોલીસ વિભાગ દ્વારા સંબંધિત શાળાઓનું ફિઝિકલ વેરિફિકેશન શરૂ કરી દેવામાં આવ્યું છે. DEO દ્વારા શાળા સંચાલકોને કડક સૂચના આપવામાં આવી છે કે કેમ્પસમાં કોઈ પણ શંકાસ્પદ વસ્તુ કે બેગ જણાય તો તેને બિલકુલ સ્પર્શ કરવો નહીં અને તાત્કાલિક પોલીસને જાણ કરવી. પરિસ્થિતિની ગંભીરતાને જોતાં જો જરૂર જણાય તો વિદ્યાર્થીઓને સુરક્ષિત રીતે ઘરે મોકલી દેવાની પણ છૂટ આપવામાં આવી છે.અફવાઓથી દૂર રહેવા અપીલ અને તંત્રનું સંકલનશિક્ષણ વિભાગ અને પોલીસ-વહીવટી તંત્ર વચ્ચે સતત સંકલન સાધીને પરિસ્થિતિ પર ઝીણવટભરી નજર રાખવામાં આવી રહી છે. વહીવટી તંત્ર દ્વારા વાલીઓ અને નાગરિકોને કોઈપણ પ્રકારની અફવા કે ભય ન ફેલાવવા અને શાંતિ જાળવી રાખવા માટે અપીલ કરવામાં આવી છે. શાળાઓમાં બાળકોની સુરક્ષા સુનિશ્ચિત કરવા માટે તમામ જરૂરી તકેદારીના પગલાં લેવામાં આવી રહ્યા છે.આ પણ વાંચો : Gandhinagar વિધાનસભા અને કોર્ટને બોમ્બની ધમકી મામલે મોટો ખુલાસો! વિદેશથી આવ્યો હતો મેઇલ, તપાસમાં ધમકી સાબિત થઈ અફવા
Read Full Story arrow_forward