android Download our official Android App from Google Play Store

Community News & Updates

Stay informed with the latest happenings, achievements, and announcements from our community.

All News
Gujaratમાં પાઠ્યપુસ્તકોની અછત: 30 જૂન સુધીમાં તમામ વિદ્યાર્થીઓને પાઠ્યપુસ્તકો આપવાની તંત્રએ આપી ખાતરી
calendar_today June 8, 2026

Gujaratમાં પાઠ્યપુસ્તકોની અછત: 30 જૂન સુધીમાં તમામ વિદ્યાર્થીઓને પાઠ્યપુસ્તકો આપવાની તંત્રએ આપી ખાતરી

ગુજરાતમાં નવા શૈક્ષણિક સત્રની શરૂઆત સાથે જ વિદ્યાર્થીઓ માટે પુસ્તકોની અછતનો એક મોટો મુદ્દો સામે આવ્યો છે. આ ગંભીર બાબતે ગુજરાત રાજ્ય પાઠ્યપુસ્તક મંડળના કાર્યકારી પ્રમુખે એક મહત્વનું નિવેદન આપ્યું છે. તેમણે જાહેરમાં સ્વીકાર્યું છે કે રાજ્યની અનેક સરકારી શાળાઓમાં હજુ સુધી ધોરણ 10 અને 12ના પાઠ્યપુસ્તકો પહોંચાડી શકાયા નથી. આ વર્ષે વૈશ્વિક સ્તરે સર્જાયેલી યુદ્ધની વિષમ પરિસ્થિતિના કારણે કાગળ અને અન્ય સામગ્રીની આયાતમાં અવરોધ આવતા પુસ્તકોની આવી અભૂતપૂર્વ અછત સર્જાઈ છે.યુદ્ધના ધોરણે બે શિફ્ટમાં પ્રિન્ટિંગ કામગીરી શરૂ શાળાઓ ખૂલી ગઈ હોવા છતાં પુસ્તકો ન મળતાં વિદ્યાર્થીઓનો અભ્યાસ ન બગડે તે માટે તંત્ર હવે સફાળું જાગ્યું છે. પાઠ્યપુસ્તક મંડળના જણાવ્યા અનુસાર, સરકારી અને ગ્રાન્ટેડ શાળાઓના બાળકો માટે પુસ્તકો તૈયાર કરવાનું કામ હાલમાં ખૂબ જ પૂરજોશમાં ચાલી રહ્યું છે. આ કામગીરીને વહેલી તકે પૂરી કરવા માટે દેશભરની અંદાજે 57 જેટલી સરકારી પ્રેસોને કામે લગાડવામાં આવી છે, જ્યાં કર્મચારીઓ દ્વારા દિવસ-રાત સતત બે શિફ્ટમાં પુસ્તકોનું પ્રિન્ટિંગ કરવામાં આવી રહ્યું છે. 30 જૂન સુધીમાં પુસ્તકો આપવાનો દાવો પુસ્તકોની અછતનો સામનો કરી રહેલા વિદ્યાર્થીઓ અને વાલીઓ માટે વહીવટી તંત્ર તરફથી રાહતના સમાચાર પણ આપવામાં આવ્યા છે. પાઠ્યપુસ્તક મંડળના કાર્યકારી પ્રમુખે ખાતરી આપી છે કે આગામી 30 જૂન સુધીમાં રાજ્યની તમામ શાળાઓના પ્રત્યેક બાળક સુધી પાઠ્યપુસ્તકો સહી-સલામત પહોંચાડી દેવામાં આવશે. તંત્ર દ્વારા લેવામાં આવેલા આ ઝડપી પગલાં અને આયોજનથી આગામી દિવસોમાં શાળાઓમાં પુસ્તકોની તંગીનો પ્રશ્ન સંપૂર્ણપણે હલ થઈ જશે તેવી આશા રાખવામાં આવી રહી છે. ગુજરાતના વધુ સમાચાર વાંચવા માટે ક્લિક કરો

Read Full Story arrow_forward
Dang News: બેંક કર્મી સાથે APK ફાઈલથી લાખોની ઠગાઈ, પોલીસે આરોપીને છત્તીસગઢથી દબોચ્યો
calendar_today June 8, 2026

Dang News: બેંક કર્મી સાથે APK ફાઈલથી લાખોની ઠગાઈ, પોલીસે આરોપીને છત્તીસગઢથી દબોચ્યો

ટેકનોલોજીના આ યુગમાં સાયબર ગુનેગારો હવે બેંકના કર્મચારીઓને પણ પોતાની જાળમાં ફસાવી રહ્યા છે. ડાંગ જિલ્લા સાયબર ક્રાઇમ પોલીસને એક મોટી સફળતા મળી છે, જેમાં એક બેંક કર્મચારી સાથે થયેલી રૂ. 2.40 લાખની ઓનલાઈન ઠગાઈના તાર છેક છત્તીસગઢ સુધી લંબાયા હતા. ડાંગ પોલીસે ટેકનિકલ સોર્સિસના આધારે ઓપરેશન પાર પાડીને મુખ્ય આરોપીને છત્તીસગઢથી દબોચી લીધો છે.WhatsApp પર આવેલી APK ફાઈલ નડી ગઈબનાવની વિગત એવી છે કે, ડાંગ જિલ્લામાં ફરજ બજાવતા એક બેંક કર્મચારીના મોબાઈલ પર WhatsApp એપ્લિકેશન દ્વારા એક અજાણી 'APK ફાઈલ' (એપ્લિકેશન પેકેજ ફાઈલ) મોકલવામાં આવી હતી. આ બેંક કર્મચારીએ અજાણતામાં એ ફાઈલ ડાઉનલોડ કરતાની સાથે જ તેમનો મોબાઈલ હેક થઈ ગયો હતો. સાયબર ઠગોએ તેના આધારે બેંક કર્મચારીના ખાતામાંથી ક્ષણભરમાં રૂ. 2 લાખ 40 હજારની રકમ બારોબાર ઉપાડી લીધી હતી. બેંકિંગ ક્ષેત્રના કર્મચારી સાથે જ આ પ્રકારની છેતરપિંડી થતાં સાયબર પોલીસ એક્શનમાં આવી હતી.છત્તીસગઢમાં રેડ કરી મુદ્દામાલ જપ્ત કરાયોભોગ બનનારની ફરિયાદના આધારે ડાંગ સાયબર ક્રાઇમની ટીમે વૈજ્ઞાનિક ઢબે તપાસ શરૂ કરી હતી. તપાસ દરમિયાન આરોપીનું લોકેશન છત્તીસગઢ રાજ્યમાં ટ્રેસ થયું હતું. ડાંગ પોલીસની એક ખાસ ટીમ તાત્કાલિક છત્તીસગઢ રવાના થઈ હતી અને ત્યાં સફળ રેડ પાડીને આરોપીને ઝડપી લીધો હતો. પોલીસ તપાસ દરમિયાન આરોપી પાસેથી ગુનામાં વપરાયેલું 1 રાઉટર, 1 લેપટોપ અને 2 કોમ્પ્યુટર સહિતનો મુદ્દામાલ રિકવર (જપ્ત) કરવામાં આવ્યો છે.ડાંગ પોલીસની નાગરિકોને ખાસ અપીલઆ સફળ ઓપરેશન બાદ ડાંગ પોલીસે પ્રજાજોગ અપીલ જાહેર કરતા જણાવ્યું છે કે, કોઈ પણ અજાણી વ્યક્તિ દ્વારા WhatsApp કે અન્ય સોશિયલ મીડિયા પ્લેટફોર્મ પર મોકલવામાં આવતી લિંક કે APK ફાઈલ ક્યારેય ડાઉનલોડ કરવી નહીં. આવી ફાઈલ ડાઉનલોડ કરવાથી તમારો ફોન હેકર્સના કંટ્રોલમાં જતો રહે છે. પોલીસે વધુમાં જણાવ્યું કે, જો કમનસીબે તમારી સાથે કોઈ પણ પ્રકારનું ડિજિટલ કે સાયબર ફ્રોડ થાય, તો જરાય સમય બગાડ્યા વિના તરત જ રાષ્ટ્રીય સાયબર હેલ્પલાઇન નંબર '1930' પર ડાયલ કરવો, જેથી નાણાકીય વ્યવહારો સમયસર ફ્રીઝ કરાવી શકાય.આ પણ વાંચો - Ahmedabad News: માત્ર એક ઈંચ વરસાદમાં જ ભયજનક સ્થિતિ સર્જાશે, જાણો મનપાના કમિશ્નરે શું કહ્યું?

Read Full Story arrow_forward
Anand News: ઉમરેઠ નગરપાલિકા દ્વારા પ્રી-મોન્સૂન કામગીરી, JCB વડે ગેરકાયદેસર દબાણો દૂર કરાયા
calendar_today June 8, 2026

Anand News: ઉમરેઠ નગરપાલિકા દ્વારા પ્રી-મોન્સૂન કામગીરી, JCB વડે ગેરકાયદેસર દબાણો દૂર કરાયા

ચોમાસાની ઋતુ નજીક આવી રહી છે ત્યારે સંભવિત જળબંબાકારની સ્થિતિને પહોંચી વળવા આણંદની ઉમરેઠ નગરપાલિકા એક્શન મોડમાં આવી ગઈ છે. પાલિકા તંત્ર દ્વારા શહેરમાં પૂરની સ્થિતિ ન સર્જાય અને વરસાદી પાણીનો યોગ્ય નિકાલ થાય તે માટે આગોતરી પ્રી-મોન્સૂન કામગીરી હાથ ધરવામાં આવી છે. આ અભિયાન અંતર્ગત ઉમરેઠના બેચરી ફાટક નજીકથી પસાર થતી મુખ્ય વરસાદી કાંસ (ગટર) પર વર્ષોથી ખડકાયેલા ગેરકાયદેસર દબાણોને હટાવવાની કડક કામગીરી શરૂ કરવામાં આવી છે.જેસીબી મશીનથી કાંસની સફાઈ અને દબાણદારોમાં ફફડાટ પાલિકાની ટીમ દ્વારા જેસીબી મશીનો કામે લગાડીને કાંસની આસપાસના ગેરકાયદે ઓટલા, ઝૂંપડા અને અન્ય દબાણોને તોડી પાડવામાં આવ્યા હતા. દબાણો દૂર કર્યા બાદ કાંસમાં જામેલો કચરો, પ્લાસ્ટિક અને કાંપ બહાર કાઢીને ઊંડી સફાઈ કરવામાં આવી હતી, જેથી વરસાદ દરમિયાન પાણીનો પ્રવાહ અવરોધાય નહીં. તંત્રની આ અચાનક અને કડક એક્શનને પગલે સ્થાનિક દબાણ કરનારા તત્વોમાં ભારે ફફડાટ અને દોડધામ મચી ગઈ હતી. પાણી ભરાવાની સમસ્યામાંથી મુક્તિ માટે આગોતરું આયોજન ઉમરેઠના નીચાણવાળા વિસ્તારોમાં સામાન્ય વરસાદમાં પણ પાણી ભરાઈ જવાની વર્ષો જૂની સમસ્યા છે. પાલિકાના સત્તાધીશોના જણાવ્યા અનુસાર, મુખ્ય કાંસ ચોખ્ખી ન હોવાને કારણે દર વર્ષે જળબંબાકારની સ્થિતિ સર્જાતી હતી અને સ્થાનિક રહીશોને મોટું નુકસાન વેઠવું પડતું હતું. આ વર્ષે આવી કોઈ મુશ્કેલી ન સર્જાય અને નાગરિકોને હાલાકી ન ભોગવવી પડે તે માટે જ પાલિકા દ્વારા આ મહત્વપૂર્ણ અને સઘન કામગીરી સમયસર પૂર્ણ કરવામાં આવી રહી છે. ગુજરાતના વધુ સમાચાર વાંચવા માટે ક્લિક કરો

Read Full Story arrow_forward