android Download our official Android App from Google Play Store

Community News & Updates

Stay informed with the latest happenings, achievements, and announcements from our community.

All News
TCS Nashik Caseમાં મોટો વળાંક: SIT એ દાખલ કરી 1,500 પાનાની ચાર્જશીટ, ધર્માંતરણના કાવતરાનો પર્દાફાશ
calendar_today May 29, 2026

TCS Nashik Caseમાં મોટો વળાંક: SIT એ દાખલ કરી 1,500 પાનાની ચાર્જશીટ, ધર્માંતરણના કાવતરાનો પર્દાફાશ

મહારાષ્ટ્રના નાસિક સ્થિત ટીસીએસ (TCS) કેસમાં સ્પેશિયલ ઇન્વેસ્ટિગેશન ટીમ (SIT) એ એક મોટી કાર્યવાહી હાથ ધરી છે. દેવલાલી કેમ્પ પોલીસ સ્ટેશનમાં નોંધાયેલા આ હાઈ-પ્રોફાઈલ કેસમાં તપાસ એજન્સીએ કોર્ટ સમક્ષ ૧,૫૦૦ પાનાની વિગતવાર ચાર્જશીટ રજૂ કરી છે. ચાર્જશીટમાં નિદા ખાનથી લઈને દાનિશ ખાન સહિતના આરોપીઓ સામે અત્યંત ગંભીર આરોપો મૂકવામાં આવ્યા છે. વહીવટીતંત્રના જણાવ્યા અનુસાર, આરોપીઓના વૉટ્સએપ ચેટ્સ (WhatsApp Chats) અને કોલ રેકોર્ડ્સની મદદથી આ આખા નેટવર્કની કડીઓ જોડવામાં સફળતા મળી છે. SITની ચાર્જશીટમાં કર્મચારીઓના ચોંકવાનારા ખુલાસાSIT દ્વારા દાખલ કરવામાં આવેલી ચાર્જશીટમાં પીડિત મહિલા કર્મચારીઓના ચોંકાવનારા નિવેદનો ટાંકવામાં આવ્યા છે. અહેવાલ મુજબ, કંપનીની મહિલા કર્મચારીઓ સાથે શરૂઆતમાં ખૂબ જ ઓપન અને વિશ્વાસપૂર્વક મિત્રતા કેળવવામાં આવતી હતી. એકવાર વિશ્વાસ જીત્યા પછી, તેમના પર કથિત રીતે ઇસ્લામ ધર્મ સ્વીકારવા માટે ભયંકર માનસિક દબાણ લાવવામાં આવતું હતું.ધર્માતંરણ કરવા કરાતું દબાણ, પીડિત મહિલાઓ ઘણી પીડિત મહિલાઓએ પોતાના નિવેદનમાં દાવો કર્યો છે કે, જો તેઓ આ બાબતનો વિરોધ કરતી તો તેમને નોકરીમાંથી કાઢી મૂકવાની, કારકિર્દી બરબાદ કરવાની અને સમાજમાં બદનામ કરવાની ધમકીઓ અપાતી હતી. આ કેસમાં છેડતી, માનસિક ઉત્પીડન અને ધાર્મિક લાગણીઓને ઠેસ પહોંચાડવા બદલ ભારતીય દંડ સંહિતા (IPC) ની વિવિધ કલમો હેઠળ ગુનો નોંધવામાં આવ્યો છે. વૉટ્સએપ ચેટ્સથી ખૂલ્યું આખું ષડયંત્ર SIT ની તપાસમાં સામે આવ્યું છે કે આ કેસ કોઈ વ્યક્તિગત ઘટના નથી, પરંતુ એક સુનિયોજિત કાવતરું છે. તમામ આરોપીઓ વૉટ્સએપ ગ્રૂપ અને મેસેજીસ દ્વારા સતત એકબીજાના સંપર્કમાં હતા અને કઈ રીતે દબાણ બનાવવું તેની યોજના ઘડતા હતા.અત્યાર સુધી હાથ ધરાયેલા તપાસમાં આ કેસમાં મુખ્ય આરોપીઓ આ 4 લોકો હોવાનું સામે આવ્યું.દાનિશ એજાઝ શેખ,નિદા એજાઝ ખાન તૌસિફ બિલાલ અખ્તર મતીન માજિદ પટેલ ક્યારે શરૂ થયો TCS વિવાદ અને કોની થઈ પૂછપરછ? આ સમગ્ર વિવાદની શરૂઆત નાસિક સ્થિત TCS કંપનીની કેટલીક મહિલા કર્મચારીઓ દ્વારા સતામણી અને ધર્માંતરણના દબાણ અંગેના સત્તાવાર આરોપો બાદ થઈ હતી. મામલાની ગંભીરતાને જોતાં આ કેસ તાત્કાલિક SIT ને સોંપવામાં આવ્યો હતો. હાલમાં પોલીસ તપાસ માત્ર મુખ્ય આરોપીઓ પૂરતી મર્યાદિત નથી, પરંતુ તેમને પડદા પાછળથી મદદ કરનારાઓની ભૂમિકા પણ તપાસવામાં આવી રહી છે. આ કડી અંતર્ગત પોલીસે AIMIM ના કોર્પોરેટર મતીન પટેલની પણ કડક પૂછપરછ કરી છે. મતીન પટેલ પર આરોપ છે કે તેમણે ધરપકડથી બચી રહેલી મુખ્ય આરોપી મહિલા નિદા ખાનને પોતાના ઘરે આશ્રય આપ્યો હતો. ૧,૫૦૦ પાનાના આ મજબૂત દસ્તાવેજી પુરાવા બાદ આગામી દિવસોમાં આરોપીઓની મુશ્કેલીઓ વધી શકે છે.આ પણ વાંચો : Karnataka: રાજ્યપાલે સિદ્ધારમૈયાનું રાજીનામું મંજૂર કર્યું, ડીકે શિવકુમારના શપથગ્રહણની તૈયારીઓ તેજ

Read Full Story arrow_forward
Rajkot News:સ્કૂલવાન અને રિક્ષાના ભાડામાં 10 ટકાનો વધારો, 45 હજાર વિદ્યાર્થીઓના વાલીઓને અસર થશે
calendar_today May 29, 2026

Rajkot News:સ્કૂલવાન અને રિક્ષાના ભાડામાં 10 ટકાનો વધારો, 45 હજાર વિદ્યાર્થીઓના વાલીઓને અસર થશે

રાજકોટ શહેર અને જિલ્લામાં નવા શૈક્ષણિક સત્ર પહેલા સ્કૂલ વાન અને રિક્ષાના ભાડામાં 10 ટકા સુધીનો વધારો થવાની જાહેરાતથી વાલીઓ પર વધારાનો આર્થિક બોજ આવવાનો છે. રાજકોટ શહેર અને જિલ્લામાં આવેલી 400થી વધુ ખાનગી શાળાઓમાં વિદ્યાર્થીઓને લાવવા-મૂકવા માટે અંદાજે 4500 જેટલી સ્કૂલ વાન અને રિક્ષા દોડે છે. જેમાં આશરે 45 હજાર વિદ્યાર્થીઓ અવરજવર કરે છે. રાજકોટમાં સ્કૂલ વાનના ભાડામાં 10 ટકાનો વધારો રાજકોટ સ્કૂલ વાન એસોસિએશન દ્વારા 8 જૂનથી શરૂ થનારા નવા શૈક્ષણિક સત્ર પહેલા ભાડામાં વધારો કરવાનો નિર્ણય લેવામાં આવ્યો છે.રાજકોટમાં હાલમાં રૂ.1000થી રૂ.1200 સુધી વસૂલાતું માસિક ભાડું વધીને અંદાજે રૂ.1350થી રૂ.1400 સુધી પહોંચી શકે છે. એસોસિએશનના પ્રમુખ બહાદુરસિંહ ગોહિલના જણાવ્યા પ્રમાણે, છેલ્લા બે વર્ષથી ભાડામાં કોઈ વધારો કરવામાં આવ્યો નથી, પરંતુ પેટ્રોલ, ડીઝલ અને ખાસ કરીને CNGના વધતા ભાવને કારણે હવે વધારો અનિવાર્ય બન્યો છે. વાલીઓ ઉપર ઈંધણના ભાવ વધારાનો બોજ વધશે તેમણે જણાવ્યું હતું કે અગાઉ CNGનો ભાવ રૂ.76 પ્રતિ કિલો હતો, જે હાલ વધીને રૂ.88 સુધી પહોંચ્યો છે. વાહનોના સ્પેર પાર્ટ્સ અને રિપેરીંગ ખર્ચમાં પણ સતત વધારો થઈ રહ્યો છે. જેના કારણે વાન ચાલકો માટે હાલની પરિસ્થિતિમાં વ્યવસાય ચલાવવો મુશ્કેલ બની રહ્યો છે. સ્કૂલ વાન ચાલક મુરાદ દલવાણીએ જણાવ્યું હતું કે અગાઉ એક વખત CNG ભરાવવાનો ખર્ચ રૂ.600 જેટલો થતો હતો, જે હવે વધીને રૂ.780થી વધુ થયો છે. વાલીઓને ઓછી તકલીફ પડે તે રીતે ભાવ વધારો જાહેર કરવામાં આવશે તેમ તેમણે જણાવ્યું હતું. આ પણ વાંચોઃ Gujarat News : અંડર ગ્રેજ્યુએટમાં પ્રવેશ માટે 2.80 લાખ વિદ્યાર્થી નોંધાયા, આજે કોલેજ એલોટમેન્ટ થવાની શક્યતા

Read Full Story arrow_forward
Kheda: ATM બદલી રૂપિયા ઉપાડી લેતો શાતિર ઠગ કપડવંજમાંથી ઝડપાયો, 66 એટીએમ કાર્ડ જપ્ત
calendar_today May 29, 2026

Kheda: ATM બદલી રૂપિયા ઉપાડી લેતો શાતિર ઠગ કપડવંજમાંથી ઝડપાયો, 66 એટીએમ કાર્ડ જપ્ત

એટીએમ કેન્દ્રો પર પૈસા ઉપાડવા આવતા અને ટેકનોલોજીથી બહુ માહિતગાર ન હોય તેવા સિનિયર સિટીઝન તેમજ મહિલાઓની મજબૂરીનો લાભ ઉઠાવી બેંક ખાતા સાફ કરી નાખતી ગેંગનો ખેડા પોલીસે પર્દાફાશ કર્યો છે. કપડવંજ ટાઉન પોલીસની ટીમે બાતમી અને આધુનિક ટેકનોલોજીની મદદથી ધીરજ મોહનલાલ પંચાલ નામના એક કુખ્યાત ઠગને ઝડપી પાડ્યો છે. પોલીસને તેની પાસેથી જે મુદ્દામાલ મળ્યો છે તે જોઈને ખુદ પોલીસ અધિકારીઓ પણ ચોંકી ઉઠ્યા છે.આવી રીતે આચરતો હતો છેતરપિંડીપોલીસની પ્રાથમિક પૂછપરછમાં સામે આવ્યું છે કે, આરોપી ધીરજ પંચાલ મુખ્યત્વે એવા એટીએમ સેન્ટરો પર વોચ રાખતો હતો જ્યાં સુરક્ષા ગાર્ડ ન હોય. જ્યારે કોઈ વૃદ્ધ વ્યક્તિ અથવા મહિલા પૈસા ઉપાડવા માટે એટીએમ મશીનમાં જાય અને કોઈ મુશ્કેલી અનુભવે, ત્યારે આરોપી મદદ કરવાના બહાને ખૂબ જ વિવેકપૂર્વક અંદર ઘૂસી જતો હતો. ગ્રાહક જ્યારે પૈસા ઉપાડવા પિન નંબર (પાસવર્ડ) એન્ટર કરે ત્યારે આરોપી તે પાસવર્ડ ચોરીછૂપીથી જોઈ લેતો હતો. ત્યારબાદ, પૈસા ન નીકળવાનું બહાનું બતાવી અથવા નજર ચૂકવીને તે ગ્રાહકનું અસલી એટીએમ કાર્ડ બદલી નાખતો અને ગ્રાહકને તેની પાસે રહેલું બીજું નકામું કાર્ડ પધરાવી દેતો હતો. ગ્રાહક ત્યાંથી રવાના થાય એટલે આરોપી તે જ અસલી કાર્ડ અને પાસવર્ડની મદદથી ખાતામાંથી રોકડા રૂપિયા ઉપાડી લેતો હતો.66 કાર્ડ મળતા પોલીસ પણ સ્તબ્ધલોકોની ફરિયાદોને આધારે કપડવંજ પોલીસે સીસીટીવી ફૂટેજ ચકાસ્યા હતા અને હ્યુમન ઇન્ટેલિજન્સ તેમજ ટેક્નિકલ સર્વેલન્સની મદદથી જાળ બિછાવી આરોપી ધીરજ પંચાલને દબોચી લીધો હતો. તેની અંગઝડતી લેતા અલગ-અલગ લોકોના નામના ૬૬ એટીએમ કાર્ડ મળી આવ્યા હતા. પોલીસ રેકોર્ડ તપાસતા માલૂમ પડ્યું છે કે આ શાતિર ગુનેગાર સામે અગાઉ પણ જુદા-જુદા પોલીસ સ્ટેશનોમાં છેતરપિંડીના ૮ ગુનાઓ નોંધાઈ ચૂક્યા છે. હાલ પોલીસે તમામ કાર્ડ જપ્ત કરી આરોપીએ અન્ય કેટલા લોકોને શિકાર બનાવ્યા છે તે દિશામાં રિમાન્ડ મેળવવાની તજવીજ શરૂ કરી છે.આ પણ વાંચો: Rajkot: સોની બજારમાં કોમ્પ્લેક્સની દુકાનમાં ભીષણ આગ બાદ પ્રચંડ સિલિન્ડર બ્લાસ્ટ, લાઇવ વિડીયો આવ્યો સામે

Read Full Story arrow_forward