Community News & Updates

Stay informed with the latest happenings, achievements, and announcements from our community.

All News

calendar_today May 18, 2026

Gandhinagar News: રાજ્યપાલની જનગણના-2027 અન્વયે ઓનલાઈન સ્વ નોંધણી

ગુજરાતના રાજ્યપાલ આચાર્ય દેવવ્રત દ્વારા ‘જનગણના-2027’ અન્વયે ઓનલાઈન સ્વ નોંધણી (Self-Enumeration) કરાવીને દેશવાસીઓ સમક્ષ એક પ્રેરણાદાયી ઉદાહરણ પૂરું પાડવામાં આવ્યું છે. દેશના ઇતિહાસમાં પ્રથમ વખત સમગ્ર વસતિ ગણતરીની પ્રક્રિયા ડિજીટલ માધ્યમથી હાથ ધરવામાં આવી રહી છે. આ પ્રસંગે રાજ્યપાલે ગુજરાત સહિત સમગ્ર દેશના નાગરિકોને આ પ્રક્રિયામાં ઉત્સાહભેર ભાગ લેવા અને ડિજિટલ સ્વ-ગણતરી પદ્ધતિનો મહત્તમ ઉપયોગ કરવા માટે ખાસ અનુરોધ કર્યો છે.સચોટ આંકડા 'વિકસિત ભારત' માટે બનશે માઈલસ્ટોન રાજ્યપાલ આચાર્ય દેવવ્રતે વસતિ ગણતરીના મહત્વ પર પ્રકાશ પાડતા જણાવ્યું હતું કે, જનગણના એ માત્ર વસતિની સંખ્યા ગણવાનું કામ નથી, પરંતુ દેશના સર્વાંગી વિકાસનો પાયો છે. આ પ્રક્રિયા દ્વારા એકત્રિત થનારા સચોટ આંકડાઓ ભવિષ્યમાં 'વિકસિત ભારત'ના નિર્માણ માટે અને જનકલ્યાણની વિવિધ સરકારી યોજનાઓ તેમજ નીતિઓ ઘડવામાં ખૂબ જ ઉપયોગી અને માઈલસ્ટોન (મહત્વનો પથ્થર) સાબિત થશે. ડિજિટલ પદ્ધતિના કારણે સમયની બચત થશે અને ડેટા વધુ સચોટ રહેશે. ડિજિટલ વસતિ ગણતરીમાં જોડાવા નાગરિકોને અપીલ આ નવીનતમ વ્યવસ્થા હેઠળ નાગરિકો પોતે જ ઓનલાઈન પોર્ટલના માધ્યમથી સુરક્ષિત રીતે પોતાના પરિવારની વિગતો નોંધી શકશે. દેશની પ્રગતિમાં દરેક નાગરિકની ભાગીદારી સુનિશ્ચિત કરવાના આ ડિજિટલ અભિયાનને સફળ બનાવવા માટે તંત્ર દ્વારા તમામ તૈયારીઓ પૂર્ણ કરી લેવામાં આવી છે. રાજ્યપાલે દેશના તમામ સજાગ નાગરિકોને રાષ્ટ્રહિતના આ મહત્ત્વપૂર્ણ કાર્યમાં પોતાની વિગતો ચોકસાઈપૂર્વક ઓનલાઈન નોંધાવવા અપીલ કરી છે. Gandhinagar News: Digital Census: Gujarat Governor Completes Online Self-Registration for Census 2027આ પણ વાંચો -

Read Full Story arrow_forward

calendar_today May 18, 2026

Ahmedabad એરપોર્ટ પર કસ્ટમ્સનું મોટું ઓપરેશન, હેલ્થ સપ્લીમેન્ટની આડમાં લવાતું હેરોઈન ઝડપાયું

અમદાવાદના સરદાર વલ્લભભાઈ પટેલ ઈન્ટરનેશનલ (SVPI) એરપોર્ટ પરથી ડ્રગ્સ તસ્કરીના નેટવર્કનો પર્દાફાશ કરતું કસ્ટમ્સ વિભાગનું એક મોટું ઓપરેશન સામે આવ્યું છે. કુઆલાલમ્પુરથી ફ્લાઈટ મારફતે અમદાવાદ આવેલા એક મુસાફરની ગતિવિધિઓ શંકાસ્પદ જણાતાં કસ્ટમ્સ વિભાગની ટીમે તેને અટકાવ્યો હતો. આ મુસાફરના સામાનની સઘન તપાસ અને ચેકિંગ હાથ ધરવામાં આવતા તેમાંથી કરોડો રૂપિયાની કિંમતનો શંકાસ્પદ સફેદ પાવડર મળી આવ્યો હતો.કુઆલાલમ્પુરથી આવેલા મુસાફર પાસેથી નશીલો પદાર્થ મળ્યો આંતરરાષ્ટ્રીય સ્મગલરો દ્વારા ડ્રગ્સ છુપાવવા માટે અપનાવાયેલી નવી મોડસ ઓપરેન્ડીનો પણ આ ઓપરેશનમાં પર્દાફાશ થયો છે. પકડાયેલો મુસાફર હેલ્થ સપ્લીમેન્ટના ડબ્બાઓની આડમાં આ નશીલા પદાર્થની તસ્કરી કરી રહ્યો હતો. કસ્ટમ્સ વિભાગે તાત્કાલિક એફએસએલ (FSL)ની ટીમને બોલાવીને આ સફેદ પાવડરનું ટેસ્ટિંગ કરાવ્યું હતું. એફએસએલના રિપોર્ટમાં આ પાવડર ઉચ્ચ ગુણવત્તાનું 'હેરોઈન' હોવાની સત્તાવાર પુષ્ટિ થઈ હતી, જેનું કુલ વજન 9.30 કિલોગ્રામ હોવાનું સામે આવ્યું છે. એનડીપીએસ એક્ટ હેઠળ મુસાફરની ધરપકડ અને તપાસ કસ્ટમ્સ વિભાગે કરોડો રૂપિયાની કિંમતનું આ 9.30 કિલોગ્રામ હેરોઈન જપ્ત કરીને આખા ઓપરેશનને અત્યંત ગુપ્ત રાખ્યું હતું. કાયદેસરની કાર્યવાહીના ભાગરૂપે કસ્ટમ્સ દ્વારા એનડીપીએસ (NDPS) એક્ટ હેઠળ ગુનો નોંધીને ડ્રગ્સ સાથે પકડાયેલા મુસાફરની ધરપકડ કરવામાં આવી છે. આ આંતરરાષ્ટ્રીય ડ્રગ્સ રેકેટના તાર ક્યાં જોડાયેલા છે અને અમદાવાદમાં આ જથ્થો કોને સપ્લાય કરવાનો હતો, તે દિશામાં કસ્ટમ્સ અને અન્ય એજન્સીઓ દ્વારા ઊંડાણપૂર્વકની તપાસ શરૂ કરવામાં આવી છે. ગુજરાતના વધુ સમાચાર વાંચવા માટે ક્લિક કરો

Read Full Story arrow_forward

calendar_today May 18, 2026

Kutch News: ભૂજમાં અકસ્માત, એક મહિલાનું મોત, 6 ઇજાગ્રસ્ત

કચ્છ જિલ્લામાંથી એક અત્યંત દુઃખદ અકસ્માતની ઘટના સામે આવી છે. લગ્ન પ્રસંગની ખુશીઓ માણીને ભુજ તરફ પરત આવી રહેલા એક પરિવારની કારને ગમખ્વાર અકસ્માત નડ્યો છે. આ ભયાનક માર્ગ અકસ્માતમાં કારમાં સવાર એક મહિલાનું ઘટના સ્થળે જ કમકમાટીભર્યું મોત નીપજ્યું છે. અકસ્માત એટલો જોરદાર હતો કે, કારનો કચ્ચરઘાણ વળી ગયો હતો અને લગ્ન પ્રસંગની ખુશીઓ પલભરમાં માતમમાં ફેરવાઈ ગઈ હતી.એક જ પરિવારના અન્ય 6 લોકો ગંભીર રીતે ઇજાગ્રસ્ત પ્રાપ્ત વિગતો અનુસાર, કારમાં સવાર તમામ લોકો એક લગ્ન પ્રસંગ પતાવીને પોતાના ઘરે ભુજ તરફ આવી રહ્યા હતા, તે દરમિયાન માર્ગમાં કાર પરથી ચાલકે કાબૂ ગુમાવતા આ અકસ્માત સર્જાયો હતો. આ દુર્ઘટનામાં એક મહિલાનું મોત થવાની સાથે કારમાં સવાર અન્ય 6 લોકો ગંભીર રીતે ઇજાગ્રસ્ત થયા છે. અકસ્માતને પગલે હાઈવે પરથી પસાર થતા અન્ય વાહનચાલકો તાત્કાલિક મદદે દોડી આવ્યા હતા. ઘાયલોને સારવાર અર્થે હોસ્પિટલ ખસેડાયા, પોલીસ તપાસ શરૂ સ્થાનિક લોકો અને રાહદારીઓ દ્વારા અકસ્માત અંગે પોલીસ અને 108 એમ્બ્યુલન્સ સેવાને જાણ કરવામાં આવી હતી. તમામ ઇજાગ્રસ્તોને તાત્કાલિક સારવાર અર્થે નજીકની હોસ્પિટલમાં ખસેડવામાં આવ્યા છે, જ્યાં કેટલાકની હાલત નાજુક હોવાનું જાણવા મળી રહ્યું છે. ઘટનાની માહિતી મળતા જ સ્થાનિક પોલીસનો કાફલો પણ ઘટનાસ્થળે પહોંચી ગયો હતો. પોલીસે મૃતક મહિલાના શવને પોસ્ટ મોર્ટમ માટે મોકલી આપી અકસ્માતનો ગુનો નોંધી આગળની કાયદેસરની તપાસ હાથ ધરી છે. આ પણ વાંચો - Kutch News: ભુજમાં દારૂના અડ્ડા પર મહિલાઓની જનતા રેડ

Read Full Story arrow_forward