Stay informed with the latest happenings, achievements, and announcements from our community.
ગુજરાત અને દેશ દુનિયાના સમાચાર સંદેશ ન્યૂઝના આ ન્યૂઝ બ્લોગ પર ક્લિક કરીને વાંચી શકશો. 15 મેના બ્રેકીંગ ન્યૂઝ વાંચવા માટે આ પેજ પર બનેલા રહો અને રિફ્રેશ કરતા રહો.
Read Full Story arrow_forward
તૃણમૂલ કોંગ્રેસ (TMC) ના વરિષ્ઠ નેતા અને સાંસદ અભિષેક બેનર્જીની રાજકીય મુશ્કેલીઓમાં મોટો વધારો થયો છે. પશ્ચિમ બંગાળ વિધાનસભા ચૂંટણી પ્રચાર દરમિયાન કથિત રીતે ભડકાઉ ભાષણો આપવા અને કેન્દ્રીય ગૃહમંત્રી અમિત શાહ વિરુદ્ધ વિવાદાસ્પદ ટિપ્પણીઓ કરવાના ગંભીર આરોપસર કોલકાતાના બિધાનનગર સાયબર ક્રાઇમ પોલીસ સ્ટેશનમાં તેમની સામે એફઆઈઆર દાખલ કરવામાં આવી છે.બિનજામીનપાત્ર કલમો હેઠળ કેસ દાખલ સામાજિક કાર્યકર્તા રાજીવ સરકારે ચૂંટણી પરિણામો જાહેર થયાના બીજા જ દિવસે, એટલે કે 5 મેના રોજ આ મામલે સત્તાવાર ફરિયાદ નોંધાવી હતી. આ ફરિયાદના આધારે પોલીસે ૧૫ મેના રોજ બપોરે ૨:૪૫ વાગ્યે ગુનો નોંધ્યો છે. આ કેસમાં ભારતીય ન્યાય સંહિતા/આઈપીસીની કલમ ૧૯૨, ૧૯૬, ૩૫૧(૨), અને ૩૫૩(૧)(સી) તેમજ લોક પ્રતિનિધિત્વ અધિનિયમની કલમ ૧૨૩(૨) અને ૧૨૫ હેઠળ કડક કાર્યવાહી કરવામાં આવી છે, જેમાંથી ઘણી કલમો બિનજામીનપાત્ર છે. ગૃહમંત્રી અમિત શાહને ધમકી આપવાનો આરોપ એફઆઈઆર મુજબ, અભિષેક બેનર્જીએ 27 એપ્રિલથી 3 મે દરમિયાન આયોજિત વિવિધ ચૂંટણી સભાઓમાં નફરત ફેલાવનારા નિવેદનો આપ્યા હતા. આરોપ છે કે આ ભાષણોથી બે જૂથો વચ્ચે દુશ્મનાવટ વધી શકે છે અને જાહેર શાંતિ જોખમાઈ શકે છે. આ સાથે જ તેમણે કેન્દ્રીય ગૃહમંત્રી અમિત શાહને સીધી ધમકી આપી હોવાનો અને વિપક્ષી કાર્યકરો સામે અત્યંત અપમાનજનક ભાષાનો પ્રયોગ કર્યો હોવાનો પણ ઉલ્લેખ છે. નિવેદનોના વીડિયો અને ડિજિટલ લિંક્સ પણ પોલીસને સોંપી ફરિયાદકર્તાએ પુરાવા તરીકે વિવાદાસ્પદ નિવેદનોના વીડિયો અને ડિજિટલ લિંક્સ પણ પોલીસને સોંપી છે. આ હાઈપ્રોફાઈલ કેસની ગંભીરતાને જોતા તેની તપાસ સબ-ઇન્સ્પેક્ટર સોમનાથ રોયને સોંપવામાં આવી છે. પશ્ચિમ બંગાળના રાજકારણમાં આ એફઆઈઆર બાદ ભારે ગરમાવો આવી ગયો છે.આ પણ વાંચો---- West Bengal : શુભેન્દુ સરકારની મોટી કાર્યવાહી, આરજી કર કેસમાં 3 IPS અધિકારી સસ્પેન્ડ, કેસની ફાઇલ ફરી ખોલવા આદેશ
Read Full Story arrow_forward
નેધરલેન્ડના પ્રવાસે પહોંચેલા વડાપ્રધાન નરેન્દ્ર મોદીનું હેગ અને એમ્સ્ટરડેમમાં ભારતીય સમુદાયના લોકોએ જોરદાર સ્વાગત કર્યું. વડાપ્રધાન મોદીની આ મુલાકાત એવા સમયે થઈ રહી છે જ્યારે ભારત અને યુરોપિયન યુનિયન વચ્ચે થયેલા મુક્ત વ્યાપાર કરાર (FTA) બાદ ભારત-યુરોપ આર્થિક સંબંધોને નવી ગતિ મળી છે. વડાપ્રધાને જણાવ્યું હતું કે આ મુલાકાત સેમિકન્ડક્ટર, જળ વ્યવસ્થાપન, સ્વચ્છ ઉર્જા અને રોકાણ જેવા મહત્વના ક્ષેત્રોમાં સહયોગને વધુ મજબૂત કરવાની તક પૂરી પાડશે. નેધરલેન્ડ સાથેના સંબંધોને નવી ઊંચાઈ આપવા પીએમ મોદીની મહત્વપૂર્ણ મુલાકાતએમ્સ્ટરડેમ પહોંચ્યા પછી વડાપ્રધાન મોદીએ સોશિયલ મીડિયા પ્લેટફોર્મ X mપર લખ્યું કે ભારત-ઈયુ FTA એ વેપાર અને રોકાણ સંબંધોને નોંધપાત્ર પ્રોત્સાહન આપ્યું છે. તેમણે કહ્યું કે નેધરલેન્ડ સાથેના સહયોગને નવી ઊંચાઈઓ પર લઈ જવા માટે આ મુલાકાત અત્યંત મહત્વપૂર્ણ છે. વડાપ્રધાન મોદીએ જણાવ્યું કે તેઓ ડચ વડાપ્રધાન રોબ જેટેન સાથે દ્વિપક્ષીય વાટાઘાટો કરશે અને નેધરલેન્ડના રાજા વિલેમ એલેક્ઝાન્ડર અને રાણી મેક્સિમાને પણ મળશે. આ પહેલા વડાપ્રધાન મોદીના સ્વાગત માટે એમ્સ્ટરડેમ એરપોર્ટ પર ડચ સરકારના અનેક વરિષ્ઠ અધિકારીઓ હાજર રહ્યા હતા. જેમાં નેધરલેન્ડના વિદેશ મંત્રી ટોમ બેરેન્ડસેન, એડજ્યુટન્ટ જનરલ અને ચીફ ઓફ મિલિટરી હાઉસહોલ્ડ રિયર એડમિરલ લુડગર બ્રુમેલાર તથા નેધરલેન્ડમાં ભારતના રાજદૂત કુમાર તુહીન સામેલ હતા. હેગમાં ભારતીય સમુદાયે સાંસ્કૃતિક કાર્યક્રમો સાથે પીએમ મોદીનું ભવ્ય સ્વાગત કર્યુંહેગમાં ભારતીય સમુદાયે વડાપ્રધાન મોદીનું પરંપરાગત અને સાંસ્કૃતિક કાર્યક્રમો દ્વારા સ્વાગત કર્યું. વડાપ્રધાને ભારતીય સમુદાયના લોકો સાથે મુલાકાત કરી અને સાંસ્કૃતિક પ્રસ્તુતિઓનો આનંદ માણ્યો. આ દરમિયાન કલાકારોએ ગરબા અને શાસ્ત્રીય નૃત્ય રજૂ કરીને વડાપ્રધાન મોદીનું સ્વાગત કર્યું હતું. વડાપ્રધાન મોદીની પાંચ દેશોની મુલાકાતનો બીજો તબક્કો નેધરલેન્ડ છે. આ અગાઉ તેઓ સંયુક્ત આરબ અમીરાત પહોંચ્યા હતા, જ્યાં તેમણે યુએઈના રાષ્ટ્રપતિ શેખ મોહમ્મદ બિન જાયદ અલ નાહયાન સાથે મુલાકાત કરી હતી. બંને નેતાઓ વચ્ચે પ્રાદેશિક સુરક્ષા, રોકાણ અને ભારત-યુએઈ ભાગીદારી અંગે મહત્વની ચર્ચા થઈ હતી. વડાપ્રધાન મોદીએ યુએઈને ભારતનું બીજું ઘર ગણાવતા ઉષ્માભર્યા સ્વાગત બદલ આભાર વ્યક્ત કર્યો હતો. પીએમ મોદીની યાત્રા એટલા માટે મહત્વની છે વડાપ્રધાન મોદીએ પશ્ચિમ એશિયામાં વધતા તણાવ વચ્ચે યુએઈના સમર્થનમાં ભારતની પ્રતિબદ્ધતા પણ દોહરાવી હતી. તેમણે કહ્યું કે યુએઈ પર થયેલા હુમલાની ભારત સખત નિંદા કરે છે અને નવી દિલ્હી દરેક પરિસ્થિતિમાં અબુ ધાબીની સાથે ખભેથી ખભા મિલાવીને ઉભી છે. વડાપ્રધાને મુશ્કેલ પરિસ્થિતિઓમાં ભારતીય સમુદાયની સંભાળ રાખવા બદલ યુએઈ સરકાર અને રાજવી પરિવારની પણ પ્રશંસા કરી હતી. વડાપ્રધાન મોદીની આ વિદેશ મુલાકાત ભારતના વૈશ્વિક આર્થિક અને વ્યૂહાત્મક સંબંધોને મજબૂત કરવાની દિશામાં મહત્વપૂર્ણ માનવામાં આવી રહી છે. ખાસ કરીને યુરોપ સાથે વેપાર, ટેકનોલોજી અને હરિત ઉર્જા સહયોગને લઈને ભારતની સક્રિય રાજદ્વારી નીતિ પર દુનિયાની નજર ટકેલી છે. આ પણ વાંચો-Gold Prediction : સોનું બનશે મહા-કીમતી! 63%ની તેજી બાદ શું આવતા વર્ષે 2 લાખ સુધી પહોંચશે ગોલ્ડ?
Read Full Story arrow_forward