Ahmedabad: એરપોર્ટ પરથી કરોડોના દાગીના ગાયબ, અકાશા એરની ફ્લાઈટમાં મોકલેલું 2.57 કરોડનું પાર્સલ ગુમ
અમદાવાદના સરદાર વલ્લભભાઈ પટેલ ઈન્ટરનેશનલ એરપોર્ટ પરથી કાર્ગો મારફતે મોકલવામાં આવેલી અતિ કિંમતી માલમત્તા ગુમ થવાની ચોંકાવનારી ઘટના સામે આવી છે. અમદાવાદથી બેંગ્લોર મોકલવામાં આવેલા સોના-ચાંદીના દાગીનાના કુલ સાત પાર્સલ પૈકી એક પાર્સલ ગંતવ્ય સ્થાને ન પહોંચતા વેપારીએ કાયદેસરની કાર્યવાહી હાથ ધરી છે.સાતમાંથી એક પાર્સલ 'ગાયબ'મળતી માહિતી મુજબ, વેપારી દ્વારા કુલ સાત પાર્સલ અકાશા એરની ફ્લાઈટ મારફતે બેંગ્લોર મોકલવા માટે બુક કરવામાં આવ્યા હતા. આ પાર્સલમાં અંદાજે રૂપિયા 2.57 કરોડની કિંમતના દાગીના હોવાનું જાણવા મળ્યું છે. બેંગ્લોર ખાતે પાર્સલની ડિલિવરી લેતી વખતે માત્ર છ જ બોક્સ મળી આવ્યા હતા, જ્યારે સૌથી કિંમતી દાગીના ધરાવતું સાતમું બોક્સ ગુમ જણાયું હતું.અકાશા એર કંપની વિરુદ્ધ ફરિયાદપાર્સલ ગુમ થયાની જાણ થતા જ વેપારીએ એરલાઇન્સનો સંપર્ક કર્યો હતો, પરંતુ સંતોષકારક જવાબ ન મળતા આખરે અમદાવાદ એરપોર્ટ પોલીસ સ્ટેશનમાં ફરિયાદ નોંધાવવામાં આવી છે. પોલીસે અકાશા એર કંપની વિરુદ્ધ ગુનો નોંધીને તપાસના ચક્રો ગતિમાન કર્યા છે.સુરક્ષા અને સ્ટાફની ભૂમિકા શંકાના દાયરામાંએરપોર્ટ જેવી હાઈ-સિક્યોરિટી જગ્યાએથી કરોડોની કિંમતનું પાર્સલ ગુમ થાય તે સામાન્ય બાબત નથી. પોલીસ હવે એ દિશામાં તપાસ કરી રહી છે કે પાર્સલ અમદાવાદ એરપોર્ટ પરથી લોડ થયું હતું કે કેમ? આ ઘટનામાં એરલાઇન્સના સ્ટાફ કે ગ્રાઉન્ડ હેન્ડલિંગ એજન્સીના કોઈ વ્યક્તિની સંડોવણી છે કે કેમ તે જાણવા માટે અમદાવાદ અને બેંગ્લોર બંને એરપોર્ટના સીસીટીવી (CCTV) ફૂટેજ તપાસવામાં આવી રહ્યા છે.આ પણ વાંચો: Ahmedabad: કોંગ્રેસના મહિલા કોર્પોરેટર કલ્પનાબેન વિરુદ્ધ છેતરપિંડીની ફરિયાદ, બનાવટી LC રજૂ કરી ચૂંટણી જીત્યાનો આક્ષેપ
Read Full Story arrow_forward
