Stay informed with the latest happenings, achievements, and announcements from our community.
ગુજરાત અને દેશ દુનિયાના સમાચાર સંદેશ ન્યૂઝના આ ન્યૂઝ બ્લોગ પર ક્લિક કરીને વાંચી શકશો. 14 એપ્રિલના બ્રેકીંગ ન્યૂઝ વાંચવા માટે આ પેજ પર બનેલા રહો અને રિફ્રેશ કરતા રહો.
Read Full Story arrow_forward
ખેડા જિલ્લામાં સ્ટેટ વિજિલન્સની ટીમે છેલ્લા 24 કલાકમાં બે અલગ અલગ સ્થળોએ મોટી કાર્યવાહી હાથ ધરીને વિદેશી દારૂનો જથ્થો ઝડપી પાડ્યો છે. સ્થાનિક સ્વરાજ્યની ચૂંટણી નજીક આવતાં વિજિલન્સ દ્વારા કડક ચેકિંગ હાથ ધરવામાં આવ્યું છે, જેના પરિણામે એક કરોડ રૂપિયાથી વધુ કિંમતનો દારૂ જપ્ત કરવામાં આવ્યો છે.કન્ટેનરમાં ભરેલો મોટાપાયે દારૂનો જથ્થો મળી આવ્યો પ્રથમ કાર્યવાહી ઠાસરા તાલુકાના બાધરપુરા સીમ વિસ્તારમાં કરવામાં આવી હતી, જ્યાંથી અંદાજે 20 લાખ રૂપિયાનો વિદેશી દારૂ ઝડપાયો હતો. ત્યારબાદ બીજી રેડ કપડવંજ રૂરલ પોલીસ મથકની હદમાં આવેલા ચેકપોસ્ટ નજીક તિરંગા હોટલના પાર્કિંગમાં કરવામાં આવી હતી. અહીંથી એક કન્ટેનરમાં ભરેલો મોટાપાયે દારૂનો જથ્થો મળી આવ્યો હતો. આ સમગ્ર કામગીરી દરમિયાન સ્ટેટ વિજિલન્સે બે ઈસમોની અટકાયત કરી છે, જ્યારે ત્રણ આરોપીઓને વોન્ટેડ જાહેર કરવામાં આવ્યા છે. બુટલેગરો ભૂગર્ભમાં ઉતરી ગયા પોલીસ દ્વારા ધરપકડ કરાયેલા આરોપીઓ પાસેથી વધુ માહિતી મેળવવાની કાર્યવાહી ચાલુ છે અને દારૂ ક્યાંથી લાવવામાં આવ્યો હતો તેમજ ક્યાં સપ્લાય થવાનો હતો તેની તપાસ હાથ ધરાઈ છે. ચૂંટણી ટાણે આવી કાર્યવાહીથી બુટલેગરોમાં ખળભળાટ મચી ગયો છે. સતત થઈ રહેલી રેડના કારણે ઘણા બુટલેગરો ભૂગર્ભમાં ઉતરી ગયા હોવાનું જાણવા મળી રહ્યું છે. સ્ટેટ વિજિલન્સે આગળ પણ આવી જ કડક કાર્યવાહી ચાલુ રાખવાની ખાતરી આપી છે. આ પણ વાંચો : Surat News: હાઈવેની હોટલ પર SOGનો દરોડો, પોષ ડોડાના ભૂકા સાથે હોટલ સંચાલક ઝડપાયો
Read Full Story arrow_forward
સુરતની SVNIT (સરદાર વલ્લભભાઈ નેશનલ ઇન્સ્ટિટ્યૂટ ઓફ ટેકનોલોજી) કેમ્પસમાં આયોજિત ડાન્સિંગ નાઇટ દરમિયાન ભયાનક મારામારીની ઘટના સામે આવી છે. આનંદ-પ્રમોદ માટે આયોજિત આ કાર્યક્રમમાં અચાનક વિવાદ સર્જાતા મામલો બિચક્યો હતો. આરોપ છે કે મિકેનિકલ એન્જિનિયરિંગના કેટલાક જુનિયર વિદ્યાર્થીઓએ મળીને ઇલેક્ટ્રોનિક્સ વિભાગના એક સિનિયર વિદ્યાર્થી પર હુમલો કર્યો હતો. આ ઘટનાને પગલે કેમ્પસમાં અફરાતફરી મચી ગઈ હતી અને વિદ્યાર્થીઓમાં ફફડાટ વ્યાપી ગયો હતો.નશાનો આતંક અને પ્રોફેસરોની શંકાસ્પદ ભૂમિકા પ્રાથમિક માહિતી અને સોશિયલ મીડિયામાં વાયરલ થયેલા મારામારીના વીડિયોમાં જોઈ શકાય છે કે જુનિયર વિદ્યાર્થીઓ અત્યંત આક્રમક મૂડમાં હતા. એવી આશંકા વ્યક્ત કરવામાં આવી રહી છે કે હુમલો કરનાર વિદ્યાર્થીઓ નશામાં ધૂત હતા અને તે હાલતમાં જ તેમણે આતંક મચાવ્યો હતો. આ સમગ્ર મામલે કોલેજના પ્રોફેસરોની ભૂમિકા પણ શંકાના દાયરામાં છે. આરોપ છે કે ઘટના સ્થળે હાજર જવાબદારોએ મામલો થાળે પાડવાને બદલે શંકાસ્પદ મૌન સેવ્યું હતું, જેને કારણે વિવાદ વધુ વકર્યો હતો. વીડિયો વાયરલ થતા તપાસ તેજ ઘટનાની ગંભીરતાને જોતા પોલીસને જાણ કરવામાં આવતા પોલીસનો કાફલો તાત્કાલિક SVNIT કેમ્પસ ખાતે પહોંચી ગયો હતો. જોકે, પોલીસ પહોંચતા જ મામલો દબાવવાનો પ્રયાસ કરવામાં આવ્યો હતો અને પોલીસને પરત મોકલી દેવાઈ હોવાની પણ ચર્ચા છે. હાલમાં આ મારામારીનો વીડિયો સોશિયલ મીડિયામાં ખૂબ વાયરલ થઈ રહ્યો છે, જેના આધારે કોલેજ પ્રશાસન અને પોલીસ દ્વારા કસૂરવાર વિદ્યાર્થીઓ વિરુદ્ધ કડક શિસ્તભંગના પગલાં લેવાની કાર્યવાહી હાથ ધરવામાં આવી છે. ગુજરાતના વધુ સમાચાર વાંચવા માટે ક્લિક કરો
Read Full Story arrow_forward