Gujarat News: સાબરકાંઠાના પ્રાંતિજમાં પેપર લીક કૌભાંડના આરોપી હાર્દિક શર્માને ભાજપે કોષાધ્યક્ષ બનાવ્યો
ગુજરાતમાં સ્થાનિક સ્વરાજ્યની ચૂંટણીનો ધમધમાટ શરૂ થયો છે. રાજકીય પક્ષોમાં મુરતીયા શોધવાની કવાયત હાથ ધરાઈ છે. બીજી બાજુ ભાજપના સંગઠનમાં હોદ્દાઓ પર થયેલી નિમણૂક પણ ચર્ચાનો વિષય બની છે. રાજ્યના હજારો લાખો યુવાનોના શૈક્ષણિક ભવિષ્ય સાથે ચેડાં કરનારા પેપરલીક કૌભાંડના આરોપીને ભાજપે અરવલ્લી અને સાબરકાંઠામાં મોટા પદ પર બિરાજમાન કરતાં મામલો ગરમાયો છે. આકાશ પટેલને યુવા મોરચાનો પ્રમુખ બનાવ્યો હતો સાબરકાંઠા અને અરવલ્લીમાં બે આરોપીઓની પેપર લીક કૌભાંડમાં સંડોવણી બહાર આવી હતી. જેમાં અગાઉ અરવલ્લીના આકાશ પટેલની ધરપકડ કરવામાં આવી હતી. હવે આ આકાશ પટેલને ભાજપે અગાઉ યુવા મોરચાનો પ્રમુખ બનાવ્યો હતો. વિવાદ વધતાં તેના બદલે અન્ય વ્યક્તિને યુવા મોરચાનો પ્રમુખ બનાવવામાં આવ્યો હતો. હવે સાબરકાંઠાના પ્રાંતિજમાં વિવાદ સામે આવ્યો છે. હાર્દિક શર્માને ભાજપમાં મોટું પદ પેપર લીક કૌભાંડના આરોપી હાર્દિક શર્માને ભાજપમાં મોટું પદ આપતા વિવાદ વકર્યો છે. પ્રાંતિજમાં હાર્દિક શર્માની ભાજપ બક્ષીપંચ મોરચાના કોષાધ્યક્ષ તરીકે નિમણૂક કરાઈ છે. પ્રાંતિજના વદરાડના હાર્દિક શર્માની પેપર કાંડ સમયે પોલીસે ધરપકડ કરી હતી. પેપર લીક કૌભાંડમાં સંડોવાયેલા બે આરોપીઓને ભાજપે સંગઠનમાં હોદ્દા આપતાં રાજકીય હંગામો મચી જવા પામ્યો છે. આ પણ વાંચોઃ Gujarat Weather News: રાજ્યમાં ગરમીની સાથે માવઠાની આગાહી, આજે આ વિસ્તારોમાં વરસાદ ખાબકી શકે છે
Read Full Story arrow_forward
