Community News & Updates

Stay informed with the latest happenings, achievements, and announcements from our community.

All News

calendar_today March 23, 2026

Kalolમાં પેટ્રોલની અછતની અફવા: પેટ્રોલ પંપો પર વાહનચાલકોની લાંબી કતારો અને અફરાતફરી

ગાંધીનગર જિલ્લાના કલોલ શહેરમાં આજે પેટ્રોલ ખૂટી પડવાની ખોટી અફવા ફેલાતા પેટ્રોલ પંપો પર ભારે અફરાતફરીનો માહોલ જોવા મળ્યો હતો. સોશિયલ મીડિયા અને લોકમુખે વહેતી થયેલી વાતોને સાચી માનીને મોટી સંખ્યામાં વાહનચાલકો વહેલી સવારથી જ પેટ્રોલ પુરાવવા માટે ઉમટી પડ્યા હતા. કલોલ શહેર જ નહીં, પરંતુ આસપાસના છત્રાલ, સઈજ અને અન્ય ગ્રામ્ય વિસ્તારોના પેટ્રોલ પંપો પર પણ કિલોમીટરો લાંબી લાઈનો લાગી હતી, જેના કારણે ટ્રાફિકની સમસ્યા પણ સર્જાઈ હતી.પેટ્રોલ પંપ પર સર્જાયો અફરાતફરીનો માહોલ ભારે ભીડને જોતા પેટ્રોલ પંપના સંચાલકો અને વહીવટી તંત્ર તાત્કાલિક હરકતમાં આવ્યું હતું. સંચાલકોએ સ્પષ્ટતા કરી હતી કે પેટ્રોલ કે ડીઝલના જથ્થામાં કોઈ પણ પ્રકારની કમી નથી અને પુરવઠો નિયમિત રીતે ચાલુ છે. માત્ર અફવાઓના કારણે લોકો ગભરાઈને સંગ્રહ કરવા માટે પંપ પર પહોંચી રહ્યા છે, જેને કારણે વ્યવસ્થા જાળવવી મુશ્કેલ બની રહી છે. સંચાલકોએ ખાતરી આપી હતી કે ડેપોમાંથી નિયમિત લોડિંગ થઈ રહ્યું છે અને કોઈએ ચિંતા કરવાની જરૂર નથી. પેટ્રોલ પંપના સંચાલકોએ પૂરતો જથ્થો હોવાનું જણાવ્યું સ્થાનિક સત્તાધીશો અને પેટ્રોલ પંપ એસોસિએશને જનતાને નમ્ર અપીલ કરી છે કે તેઓ કોઈ પણ પ્રકારની ખોટી અફવાઓથી ગેરમાર્ગે દોરાય નહીં. બિનજરૂરી રીતે પેનિક બાયિંગ (ગભરાટમાં ખરીદી) કરવાથી બચવું જોઈએ જેથી ખરેખર જરૂરિયાત મંદ લોકોને હાલાકી ન ભોગવવી પડે. હાલમાં તમામ પંપો પર પૂરતો જથ્થો ઉપલબ્ધ હોવાનું જણાવાયું છે અને સ્થિતિ પર સતત નજર રાખવામાં આવી રહી છે. ગુજરાતના વધુ સમાચાર વાંચવા માટે ક્લિક કરો

Read Full Story arrow_forward

calendar_today March 23, 2026

Bharuch News : જંબુસરમાં પેટ્રોલ માટે દોડધામ, અફવાઓ વચ્ચે પંપો ઉપર પેટ્રોલ ડિઝલ નથી ના બોર્ડ લાગ્યા

રાજ્યભરમાં ચાલી રહેલી પેટ્રોલ-ડીઝલની અછતની અફવાઓની અસર ભરૂચના જંબુસરમાં પણ જોવા મળી રહી છે. જંબુસરના ઈન્ડિયન પેટ્રોલ પંપ પર 'પેટ્રોલ-ડીઝલ નથી' ના બોર્ડ લાગતા જ વાહનચાલકોમાં ફફડાટ ફેલાયો હતો. આ વાત વાયુવેગે પંથકમાં પ્રસરી જતાં અન્ય પંપો પર વાહનોની લાંબી કતારો જોવા મળી હતી. ખાસ કરીને ભારત પેટ્રોલિયમના પંપ પર વાહનચાલકોનો ભારે ધસારો જોવા મળ્યો હતો.પંપ પર પૂરતા પ્રમાણમાં પેટ્રોલનો જથ્થો ઉપલબ્ધ સ્થિતિની ગંભીરતાને જોતા ભારત પેટ્રોલિયમ પંપના માલિક ફિરોજ બાલાએ મહત્વનું નિવેદન આપ્યું છે. તેમણે સ્પષ્ટતા કરી છે કે પંપ પર પૂરતા પ્રમાણમાં પેટ્રોલનો જથ્થો ઉપલબ્ધ છે અને સરકાર દ્વારા પણ નિયમિત સપ્લાય આપવામાં આવી રહ્યો છે. જોકે, પેનિક બાયિંગને રોકવા માટે પંપ દ્વારા કારબા અને બોટલોમાં પેટ્રોલ આપવાનું હાલ પૂરતું બંધ કરી દેવામાં આવ્યું છે. ખોટી અફવાઓથી મુંઝાવું નહીં પંપ માલિકે વાહનચાલકોને નમ્ર અપીલ કરી છે કે, "પેટ્રોલનો બિનજરૂરી સંગ્રહ કરવો નહીં અને સોશિયલ મીડિયામાં ફેલાતી ખોટી અફવાઓથી મુંઝાવું નહીં." અત્યારે જે ભીડ જોવા મળી રહી છે તે માત્ર અફવાઓને કારણે પેદા થયેલા ડરનું પરિણામ છે. તંત્ર અને પંપ માલિકો દ્વારા ખાતરી આપવામાં આવી છે કે ઇંધણનો જથ્થો ખૂટશે નહીં, તેથી નાગરિકોએ સંયમ જાળવવો જોઈએ. આ પણ વાંચો---      Gandhinagar : પેટ્રોલ-ડીઝલની અછતની વાતો માત્ર અફવા, ડે.સીએમ હર્ષ સંઘવીની અફવા ફેલાવનારા સામે કડક ચેતવણી

Read Full Story arrow_forward

calendar_today March 23, 2026

LPG Gas Cylinder Weight: ગેસ સિલિન્ડર 14.2 કિલોનો જ કેમ હોય છે? જાણો તેની પાછળનું રસપ્રદ કારણ અને વિજ્ઞાન

ભારતના લગભગ દરેક ઘરમાં આજે LPG સિલિન્ડરનો ઉપયોગ થાય છે. વધતી જતી મોંઘવારી અને ગેસની અછત વચ્ચે આપણે ઘણીવાર સિલિન્ડરના ભાવની ચર્ચા કરીએ છીએ, પરંતુ શું તમે ક્યારેય તેના વજન પર ધ્યાન આપ્યું છે? દરેક ઘરેલું સિલિન્ડર પર 14.2 કિલો વજન લખેલું હોય છે. આ કોઈ અંદાજિત આંકડો નથી, પરંતુ દાયકાઓ જૂના સંશોધન અને સુરક્ષાના માપદંડોનું પરિણામ છે. માનવીય શ્રમ અને સુવિધાનો સર્વે જ્યારે ભારતમાં ગેસ સિલિન્ડરની શરૂઆત થઈ રહી હતી, ત્યારે 'બર્મા શેલ' (Burmah Shell) નામની કંપનીએ વ્યાપક સર્વે કર્યો હતો. આ સર્વેનો હેતુ એ જાણવાનો હતો કે એક સામાન્ય વ્યક્તિ વજન ઊંચકવાની કોઈ મશીનરી વગર કેટલું વજન સરળતાથી ઊંચકી શકે છે. એક ખાલી સિલિન્ડરનું વજન (Tare Weight) આશરે 15-16 કિલો હોય છે. તેમાં 14.2 કિલો ગેસ ઉમેરતા કુલ વજન 29 થી 30 કિલોની આસપાસ રહે છે. નિષ્ણાતોના મતે, આ વજન એક ડિલિવરી બોય કે સામાન્ય માણસ માટે સીડીઓ ચઢાવવા કે ઘરમાં ખસેડવા માટે સૌથી અનુકૂળ છે. જો ગેસ 15 કિલોથી વધુ હોત, તો કુલ વજન 35 કિલો વટાવી ગયું હોત, જે શારીરિક રીતે પડકારજનક બની જાય. પ્રેશર અને ટેકનિકલ સુરક્ષા LPG એટલે કે લિક્વિફાઈડ પેટ્રોલિયમ ગેસ અત્યંત સંવેદનશીલ અને જ્વલનશીલ હોય છે. તાપમાન વધવાની સાથે ગેસના અણુઓ ફેલાય છે, જેનાથી સિલિન્ડરની અંદરનું દબાણ વધે છે. સુરક્ષાના આંતરરાષ્ટ્રીય ધોરણો મુજબ, સિલિન્ડરમાં ઉપરના ભાગે થોડી ખાલી જગ્યા (Headspace) છોડવી ફરજિયાત છે જેથી ગેસના વિસ્તરણ માટે જગ્યા મળી રહે. 14.2 કિલો એ સૌથી સુરક્ષિત પેરામીટર છે જેમાં ગેસનું દબાણ નિયંત્રિત રહે છે. આનાથી વધુ ગેસ ભરવાથી સિલિન્ડર લીક થવાનું કે ફાટવાનું જોખમ અનેકગણું વધી જાય છે. સરેરાશ ભારતીય પરિવારનો વપરાશ સિલિન્ડરની ક્ષમતા નક્કી કરતી વખતે ભારતીય પરિવારોના વપરાશની પેટર્નનો પણ અભ્યાસ કરવામાં આવ્યો હતો. સંશોધનમાં જાણવા મળ્યું કે 4 થી 5 સભ્યો ધરાવતા મધ્યમ વર્ગીય પરિવારમાં 14.2 કિલો ગેસ સરેરાશ એકથી દોઢ મહિનો ચાલે છે. આ સમયગાળો રિફિલિંગ અને બજેટ બંને દ્રષ્ટિએ અનુકૂળ છે. જો સિલિન્ડર નાનું હોય તો વારંવાર બુકિંગની કડાકૂટ થાય અને જો મોટું હોય તો તેની કિંમત સામાન્ય માણસના ખિસ્સા પર ભારે પડે. વૈશ્વિક સ્ટાન્ડર્ડ અને એન્જિનિયરિંગ જોકે ટેકનોલોજી બદલાઈ છે, છતાં 14.2 કિલોનું આ સ્ટાન્ડર્ડ એટલું સંતુલિત સાબિત થયું છે કે તેને બદલવાની જરૂર પડી નથી. ટ્રકમાં લોડિંગ કરવાથી લઈને ગોદામોમાં સ્ટોરેજ કરવા માટે આ સાઈઝ સૌથી વ્યાજબી છે. જોકે, હવે એકલવાયા રહેતા લોકો કે નાના પરિવારો માટે સરકારે 5 કિલોના 'છોટુ' સિલિન્ડર પણ લોન્ચ કર્યા છે, પરંતુ આજે પણ ભારતની બહુમતી વસ્તી માટે 14.2 કિલોનો સિલિન્ડર જ ભરોસાપાત્ર માપદંડ છે. આમ, તમારા રસોડામાં રહેલો ગેસ સિલિન્ડર માત્ર ઈંધણ નથી, પણ માનવીય સુવિધા અને અત્યંત સુરક્ષિત એન્જિનિયરિંગનો એક અદભૂત નમૂનો છે.

Read Full Story arrow_forward