Community News & Updates

Stay informed with the latest happenings, achievements, and announcements from our community.

All News

calendar_today March 23, 2026

Strait of Hormuz: ભારત માટે ગુડ ન્યૂઝ, બે ભારતીય LPG ટેન્કરો હોર્મુઝ સ્ટ્રેટમાંથી થયા પસાર

મધ્ય પૂર્વમાં ઈરાન અને ઈઝરાયલ-અમેરિકા વચ્ચે ચાલી રહેલા ભીષણ જંગની વચ્ચે ભારતને મોટી રાજદ્વારી સફળતા મળી છે. વૈશ્વિક તેલ અને ગેસ વેપાર માટેની લાઇફલાઇન ગણાતી હોર્મુઝની સામુદ્રધુની (Hormuz Strait) માં છેલ્લા કેટલાય દિવસોથી ફસાયેલા બે ભારતીય LPG ટેન્કરોને ઈરાને પસાર થવાની પરવાનગી આપી દીધી છે. આ સફળતા ભારતમાં સર્જાઈ રહેલા સંભવિત રાંધણ ગેસના સંકટને ટાળવામાં મદદરૂપ સાબિત થશે. બે ભારતીય ટેન્કર પસાર થયા શિપ ટ્રેકિંગ ડેટા અને સંરક્ષણ નિષ્ણાતોના જણાવ્યા અનુસાર, ઈરાનના ઇસ્લામિક રિવોલ્યુશનરી ગાર્ડ કોર્પ્સ (IRGC) એ ભારતીય LPG ટેન્કરો 'જગ વસંત' અને 'પાઈન ગેસ' ને સુરક્ષિત રીતે પસાર થવા દીધા છે. સોમવાર, ૨૩ માર્ચ ૨૦૨૬ ના રોજ બપોર સુધીમાં આ જહાજો ઈરાનના લારાક અને કેશમ ટાપુઓ પાસે પહોંચી ગયા હતા. આ જહાજોએ ઈરાની સત્તાવાળાઓને સ્પષ્ટ સંકેત આપ્યા હતા કે તેઓ ભારતીય માલિકીના નાગરિક જહાજો છે, જેથી કોઈ ગેરસમજ કે હુમલાની શક્યતા ન રહે. ભારતની રાજદ્વારી વ્યૂહરચના ભારત સરકાર અને વિદેશ મંત્રી ડૉ. એસ. જયશંકર સતત ઈરાન સાથે સંપર્કમાં રહીને ભારતીય જહાજો માટે સુરક્ષિત માર્ગની માંગ કરી રહ્યા હતા. વિદેશ મંત્રીએ 'ફાઇનાન્સિયલ ટાઇમ્સ' સાથેની મુલાકાતમાં સ્પષ્ટ કર્યું હતું કે, જોકે આ કોઈ કાયમી વ્યવસ્થા નથી, પરંતુ ભારત પોતાના વ્યાપારી હિતોના રક્ષણ માટે ઈરાન સાથે સીધી વાટાઘાટો કરી રહ્યું છે. અગાઉ પણ 'શિવાલિક' અને 'નંદા દેવી' નામના બે જહાજોને આ જ પ્રકારે સુરક્ષિત માર્ગ આપવામાં આવ્યો હતો. અન્ય ૨૦ જહાજો માટે આશાનું કિરણ હાલમાં હોર્મુઝ સ્ટ્રેટમાં નાકાબંધીને કારણે ભારતના આશરે ૨૦ જેટલા જહાજો અલગ-અલગ જગ્યાએ ફસાયેલા છે. 'જગ વસંત' અને 'પાઈન ગેસ' જે અગાઉ સંયુક્ત આરબ અમીરાતના શારજાહ બંદર પાસે અટવાયા હતા, તેમને માર્ગ મળવો એ બાકીના જહાજો માટે પણ સકારાત્મક સંકેત છે. ઈરાને પણ સંકેત આપ્યો છે કે જે દેશો પોતાના જહાજોની સુરક્ષા માટે વાતચીત કરવા માંગે છે, તેમના માટે દ્વાર ખુલ્લા છે. આ પણ વાંચોઃ London માં યહૂદી સમુદાય પર મોટો હુમલો, 4 એમ્બ્યુલન્સમાં આગ લાગી

Read Full Story arrow_forward

calendar_today March 23, 2026

PM Modi In Lok sabha: અત્યાર સુધી 3.75 લાખ ભારતીયોને પરત લાવ્યા, યુદ્ધ વચ્ચે સરકારે શું પગલા લીધા?

મધ્ય પૂર્વમાં ચાલી રહેલા સંઘર્ષ વચ્ચે, પ્રધાનમંત્રી નરેન્દ્ર મોદીએ આજે લોકસભાને ભારતીયોને પૂરી પાડવામાં આવી રહેલી સહાય અંગે માહિતી આપી. પ્રધાનમંત્રી મોદીએ જણાવ્યું હતું કે પશ્ચિમ એશિયામાં ચાલી રહેલા સંઘર્ષ અને તેનાથી ભારત સમક્ષ ઉભા થયેલા પડકારો પર મારા વિચારો શેર કરવા માટે હું આ ગૃહ સમક્ષ હાજર થયો છું.એક કરોડ ભારતીયો રહે છે ખાડી દેશોમાં  પ્રધાનમંત્રી મોદીએ નોંધ્યું હતું કે આશરે એક કરોડ ભારતીયો ખાડી દેશોમાં રહે છે અને કામ કરે છે. વધુમાં, ભારતીય ક્રૂ સભ્યો આ પ્રદેશના પાણીમાં કાર્યરત વાણિજ્યિક જહાજોના કાર્યબળનો નોંધપાત્ર ભાગ છે. આ વિવિધ પરિબળોને ધ્યાનમાં રાખીને, પરિસ્થિતિ અંગે ભારતની ચિંતા સ્વાભાવિક રીતે વધી છે. અસર ગ્રસ્તોને નાગરિકોને આવશ્યક સહાય પૂરી પાડવામાં આવી પ્રધાનમંત્રી મોદીએ ભાર મૂક્યો હતો કે આ કારણોસર ભારતીય સંસદમાંથી એક સંયુક્ત અવાજ સમગ્ર વિશ્વમાં ગુંજે તે આવશ્યક છે. પ્રધાનમંત્રીએ ખાતરી આપી હતી કે યુદ્ધ શરૂ થયું ત્યારથી, અસરગ્રસ્ત દેશોમાં દરેક ભારતીય નાગરિકને આવશ્યક સહાય પૂરી પાડવામાં આવી છે. તેમણે ગૃહને વધુમાં માહિતી આપી હતી કે તેમણે મોટાભાગના પશ્ચિમ એશિયાઈ રાષ્ટ્રોના રાષ્ટ્રપ્રમુખો સાથે બે રાઉન્ડ ટેલિફોનિક વાતચીત કરી છે. તે બધાએ ભારતીય નાગરિકોની સલામતી અને સુરક્ષા અંગે સંપૂર્ણ ખાતરી આપી છે. કેટલાક વ્યક્તિઓએ પોતાના જીવ ગુમાવ્યા છે- પીએમ મોદી પીએમ મોદીએ દુઃખ સાથે સ્વીકાર્યું કે, આ સંઘર્ષ દરમિયાન, કેટલાક વ્યક્તિઓએ પોતાના જીવ ગુમાવ્યા છે, જ્યારે અન્યને ઇજાઓ પહોંચી છે. આ મુશ્કેલ પરિસ્થિતિઓમાં અસરગ્રસ્ત પરિવારોને જરૂરી સહાય પૂરી પાડવામાં આવી રહી છે. ઘાયલ થયેલા લોકો માટે શ્રેષ્ઠ શક્ય તબીબી સારવાર સુનિશ્ચિત કરવા માટે વ્યવસ્થા કરવામાં આવી રહી છે. અસરગ્રસ્ત દેશોમાં સ્થિત અમારા બધા રાજદ્વારી મિશન ભારતીય નાગરિકોને મદદ કરવા માટે અથાક મહેનત કરી રહ્યા છે. પછી ભલે તે ત્યાં કામ કરતા ભારતીય હોય કે પ્રદેશની મુલાકાત લેતા પ્રવાસીઓ, બધાને શક્ય તેટલી બધી સહાય પૂરી પાડવામાં આવી રહી છે. ભારત દ્વારા લેવામાં આવેલા પગલાંઅમારા રાજદ્વારી મિશન નિયમિતપણે સલાહ જારી કરી રહ્યા છે. અહીં ભારતમાં, તેમજ અન્ય અસરગ્રસ્ત દેશોમાં, 24x7 કંટ્રોલ રૂમ અને કટોકટી હેલ્પલાઇન સ્થાપિત કરવામાં આવી છે. આ ચેનલો દ્વારા, પરિસ્થિતિથી પ્રભાવિત બધાને સમયસર માહિતી પૂરી પાડવામાં આવી રહી છે. સંકટના આ સમયમાં, ભારતીયોની સલામતી અને સુરક્ષા - ઘરે અને વિદેશમાં - અમારી સર્વોચ્ચ પ્રાથમિકતા રહી છે. સંઘર્ષ શરૂ થયો ત્યારથી, 375,000 થી વધુ ભારતીય નાગરિકો સુરક્ષિત રીતે ભારત પરત ફર્યા છે. છેલ્લા દાયકામાં, ભારતે ખાસ કરીને આવા કટોકટીના સમયને પહોંચી વળવા માટે વ્યૂહાત્મક ક્રૂડ ઓઇલ અનામત બનાવવાને પ્રાથમિકતા આપી છે. આજે, ભારત પાસે 5.3 મિલિયન મેટ્રિક ટનથી વધુનો વ્યૂહાત્મક પેટ્રોલિયમ અનામત છે, અને દેશ 6.5 મિલિયન મેટ્રિક ટનથી વધુના અનામતને સુરક્ષિત કરવા માટે વ્યવસ્થાઓ પર સક્રિયપણે કામ કરી રહ્યો છે. 1,000 ભારતીય નાગરિકો ઈરાનથી પાછા ફર્યા છે. પ્રધાનમંત્રીએ જણાવ્યું હતું કે પશ્ચિમ એશિયામાં વર્તમાન પરિસ્થિતિ ચિંતાનો વિષય છે. પીએમ મોદીએ નોંધ્યું હતું કે છેલ્લા બે થી ત્રણ અઠવાડિયામાં, વિદેશ મંત્રી એસ. જયશંકર અને શ્રી હરદીપ પુરીએ ગૃહને જરૂરી માહિતી પૂરી પાડી છે. તેમણે ટિપ્પણી કરી હતી કે આ કટોકટી હવે ત્રણ અઠવાડિયાથી વધુ સમયથી ચાલુ છે. તેની વૈશ્વિક અર્થતંત્ર અને લોકોના જીવન પર ગંભીર પ્રતિકૂળ અસર પડી રહી છે. પરિણામે, સમગ્ર વિશ્વ આ કટોકટીનો ઉકેલ શોધવા માટે સંકળાયેલા તમામ પક્ષોને વિનંતી કરી રહ્યું છે. પીએમ મોદીએ વધુમાં જણાવ્યું હતું કે આ સંઘર્ષે રાષ્ટ્રીય સુરક્ષા, અર્થતંત્ર અને માનવતાવાદી બાબતોના ક્ષેત્રોમાં નોંધપાત્ર પડકારો ઉભા કર્યા છે. આ પણ વાંચો: ભારતના કયા રાજ્યમાં તેલના સૌથી વધારે કૂવા ?

Read Full Story arrow_forward

calendar_today March 23, 2026

Banaskantha News: નર્મદા કેનાલમાંથી ગુમ થયેલા યુવકનો મૃતદેહ મળ્યો, લાખણીનો હોવાનું ખુલ્યું

બનાસકાંઠા જિલ્લાના થરાદ પંથકમાંથી પસાર થતી મુખ્ય નર્મદા કેનાલમાંથી આજે એક યુવકનો મૃતદેહ મળી આવતા ચકચાર મચી જવા પામી છે. થરાદના જમડા ગામ નજીક આવેલી કેનાલમાંથી આ મૃતદેહ મળી આવ્યો હતો, જેની ઓળખ વિધિ બાદ જાણવા મળ્યું છે કે, મૃતક યુવક છેલ્લા ત્રણ દિવસથી ગુમ હતો.ફાયર બ્રિગેડે મૃતદેહ બહાર કાઢી ઘટનાની મળતી માહિતી અનુસાર, થરાદ તાલુકાના જમડા અને વામી પુલ વચ્ચેની મુખ્ય નર્મદા કેનાલમાં એક મૃતદેહ તરતો હોવાની જાણ સ્થાનિકોને થઈ હતી. આ અંગે તાત્કાલિક થરાદ નગરપાલિકાની ફાયર ટીમને જાણ કરવામાં આવતા ફાયર જવાનો ઘટના સ્થળે દોડી આવ્યા હતા. ભારે જહેમત બાદ ફાયર ટીમે યુવકના મૃતદેહને કેનાલના પાણીમાંથી બહાર કાઢ્યો હતો. ત્રણ દિવસથી ગુમ હતો યુવક મૃતકની ઓળખ કરતા માલૂમ પડ્યું છે કે, આ યુવક લાખણી તાલુકાનો રહેવાસી હતો અને છેલ્લા ત્રણ દિવસથી પોતાના ઘરેથી ગુમ થયો હતો. પરિવારજનો દ્વારા તેની શોધખોળ કરવામાં આવી રહી હતી, પરંતુ આજે તેની મૃતદેહ થરાદની કેનાલમાંથી મળી આવતા પરિવારમાં માતમ છવાઈ ગયો છે. પોલીસ તપાસ તેજ ઘટનાની જાણ થતા જ થરાદ પોલીસ કાફલો પણ સ્થળ પર પહોંચી ગયો હતો. પોલીસે મૃતદેહનો કબજો મેળવી પોસ્ટ મોર્ટમ માટે હોસ્પિટલ ખસેડ્યો છે. યુવકે કેનાલમાં ઝંપલાવીને આત્મહત્યા કરી છે કે, પછી તેની સાથે અન્ય કોઈ દુર્ઘટના ઘટી છે, તે દિશામાં પોલીસે તપાસના ચક્રો ગતિમાન કર્યા છે. આ પણ વાંચો - Banaskantha News : અંબાજીના ચાચર ચોકમાં ‘અંબાજી ઉત્સવ’નો પ્રારંભ, વહીવટદાર અને અધિક કલેક્ટરના હસ્તે મહોત્સવને ખુલ્લો મુકાયો

Read Full Story arrow_forward