Stay informed with the latest happenings, achievements, and announcements from our community.
ગુજરાત અને દેશ દુનિયાના સમાચાર સંદેશ ન્યૂઝના આ ન્યૂઝ બ્લોગ પર ક્લિક કરીને વાંચી શકશો. 21 માર્ચના બ્રેકીંગ ન્યૂઝ વાંચવા માટે આ પેજ પર બનેલા રહો અને રિફ્રેશ કરતા રહો.
Read Full Story arrow_forward
વલસાડ જિલ્લાના સેગવી ગામમાં મોડી રાત્રે દારૂ ભરેલી એક કાર પલટી જવાની ઘટના સામે આવી છે. બુટલેગર દારૂનો જથ્થો સગેવગે કરવા જઈ રહ્યો હતો ત્યારે અકસ્માત નડતા તે કાર ઘટનાસ્થળે જ મૂકીને અંધારાનો લાભ ઉઠાવી ફરાર થઈ ગયો હતો.સ્ટેરિંગ પરથી કાબૂ ગુમાવતા અકસ્માતમળતી માહિતી મુજબ, વલસાડના સેગવી ગામ પાસેથી પસાર થઈ રહેલી એક કારના ચાલકે સ્ટેરિંગ પરથી કાબૂ ગુમાવી દીધો હતો. કારની ગતિ વધુ હોવાને કારણે તે રસ્તાની બાજુમાં પલટી ખાઈ ગઈ હતી. અકસ્માત થતા જ આસપાસના લોકો એકઠા થાય તે પહેલા જ કાર ચાલક (બુટલેગર) તેમાંથી બહાર નીકળી નાસી છૂટ્યો હતો.કારમાંથી મળ્યો દારૂનો જથ્થોઘટનાની જાણ થતા જ સ્થાનિક પોલીસનો કાફલો ઘટનાસ્થળે પહોંચી ગયો હતો. પોલીસે જ્યારે પલટી ખાઈ ગયેલી કારની તપાસ કરી તો તેમાંથી મોટી માત્રામાં વિદેશી દારૂનો જથ્થો મળી આવ્યો હતો. આ જોઈને પોલીસ પણ ચોંકી ઉઠી હતી. બુટલેગર દારૂ ભરેલી કાર સુરક્ષિત સ્થળે પહોંચાડે તે પહેલા જ કુદરતી રીતે અકસ્માત નડતા તેના મનસૂબા પર પાણી ફરી વળ્યું હતું.પોલીસની તપાસ અને કાર્યવાહીપોલીસે હાલમાં અકસ્માતગ્રસ્ત કાર અને તેમાં રહેલા દારૂના જથ્થાનો કબજો લીધો છે. કારના નંબર અને અન્ય દસ્તાવેજોના આધારે ફરાર બુટલેગરની ઓળખ કરવાની તજવીજ હાથ ધરવામાં આવી છે. મોડી રાત્રે બનેલી આ ઘટનાને પગલે સમગ્ર પંથકમાં ચર્ચા જાગી છે કે આ દારૂનો જથ્થો ક્યાંથી લાવવામાં આવ્યો હતો અને ક્યાં લઈ જવાનો હતો.આ પણ વાંચો: Gandhinagar: સેક્ટર-7માંથી 3.89 લાખનું ચરસ અને મુદ્દામાલ જપ્ત, રહેણાંક મકાનમાંથી ચાલતું હતું નેટવર્ક
Read Full Story arrow_forward
અમદાવાદ મેટ્રો, જે શહેરની લાઈફલાઈન ગણાય છે, તેની સુરક્ષા વ્યવસ્થામાં એક ગંભીર છીંડું હોવાનું સામે આવ્યું છે. મેટ્રો સ્ટેશનો પર પોલીસ અને સિક્યોરિટી ગાર્ડનો કાફલો ખડેપગે હોવા છતાં, એક શ્વાન મેટ્રો ટ્રેક સુધી પહોંચી જવાની ઘટનાએ તંત્રની ઉંઘ ઉડાવી દીધી છે. આ સમગ્ર ઘટનાનો વીડિયો સોશિયલ મીડિયા પર વાયરલ થતા મેટ્રો પ્રશાસન સામે ફિટકારની વર્ષા થઈ રહી છે.સુરક્ષા હોવા છતાં ગંભીર ચૂંકવાયરલ વીડિયોમાં જોઈ શકાય છે કે, મેટ્રો ટ્રેક જ્યાં હાઈ-વોલ્ટેજ વીજળીની લાઈનો પસાર થાય છે, ત્યાં એક શ્વાન બિન્દાસ્ત રખડી રહ્યું છે. મેટ્રો સ્ટેશન પર મુસાફરોની સુરક્ષા માટે સિક્યોરિટી ગાર્ડ્સ અને પોલીસકર્મીઓ સતત તૈનાત હોય છે. તેમ છતાં આ શ્વાન કેવી રીતે ટ્રેક સુધી પહોંચી ગયું, તે એક મોટો તપાસનો વિષય બન્યો છે. જો તે સમયે મેટ્રો ટ્રેન આવી હોત અથવા શ્વાન વીજ લાઈનને અડી ગયું હોત, તો મોટી દુર્ઘટના સર્જાઈ શકી હોત.વીજ લાઈન બંધ કરી રેસ્ક્યુ કરાયુંઘટનાની જાણ થતા જ મેટ્રો ઓથોરિટી દોડતી થઈ ગઈ હતી. ટ્રેક પર વીજ પ્રવાહ ચાલુ હોવાથી શ્વાનનો જીવ જોખમમાં હતો, જેને પગલે તાત્કાલિક અસરથી મેટ્રોની વીજ લાઈન બંધ કરવામાં આવી હતી. ત્યારબાદ કર્મચારીઓ દ્વારા શ્વાનનું સુરક્ષિત રીતે રેસ્ક્યુ કરવામાં આવ્યું હતું. આ પ્રક્રિયા દરમિયાન મેટ્રોની અવરજવરમાં પણ થોડો સમય વિક્ષેપ પડ્યો હોવાનું જાણવા મળ્યું છે.આ પણ વાંચો: Valsad: સેગવીમાં દારૂ ભરેલી કાર પલટી, અકસ્માત સર્જાતા બુટલેગર કાર મૂકીને રફુચક્કર
Read Full Story arrow_forward