Community News & Updates

Stay informed with the latest happenings, achievements, and announcements from our community.

All News

calendar_today March 18, 2026

Delhi Fire: પાલમમાં 5 માળની બિલ્ડિંગમાં આગ, 3 બાળક સહિત 7ના મોત

દિલ્હીના પાલમ વિસ્તારમાં એક ઇમારતમાં લાગેલી ભીષણ આગમાં સાત લોકોના મોત થયા અને ઘણા લોકો દાઝી ગયા હતા. રાજેન્દ્ર કશ્યપની માલિકીની આ ઇમારતમાં બ્યુટી પાર્લર સહિત વિવિધ વ્યાપારી સંસ્થાઓ હતી, જ્યારે તેમનો પરિવાર ઉપરના માળે રહેતો હતો. આગને કારણે વિસ્તારમાં ગભરાટ અને અરાજકતા ફેલાઈ ગઈ હતી, જેના પગલે ફાયર બ્રિગેડ અને પોલીસે ઘાયલોને તાત્કાલિક હોસ્પિટલમાં ખસેડ્યા હતા.લેન નંબર 2માં આવેલી છે ઇમારત અહેવાલો અનુસાર, આ ઇમારત પાલમ કોલોનીના લેન નંબર 2માં આવેલી છે. રાજેન્દ્ર કશ્યપનો આખો પરિવાર ત્યાં રહે છે, જેમાં લગભગ 15 સભ્યો છે. રાજેન્દ્ર કશ્યપ સ્થાનિક બજારના પ્રમુખ તરીકે પણ સેવા આપે છે. આખી ઇમારત તેમની છે, જેમાં બેઝમેન્ટ અને ગ્રાઉન્ડ ફ્લોર પર બ્યુટી પાર્લર, બંગડીની દુકાન અને અન્ય વ્યવસાયો કાર્યરત છે. તેમના પરિવારના સભ્યો ઉપરના માળે રહે છે.ઘટનાસ્થળે હાજર લોકોએ શું કહ્યું?પાલમમાં લાગેલી આગના પ્રત્યક્ષદર્શી યોગેશે જણાવ્યું કે તેણે સવારે 6:45 વાગ્યે આગ જોઈ, ત્યારબાદ તેના પિતાએ ફાયર વિભાગને ફોન કર્યો. આગ ખૂબ જ ઝડપથી આખી ઇમારતમાં ફેલાઈ ગઈ. બાલ્કનીમાં છ થી સાત લોકો મદદ માટે બૂમો પાડી રહ્યા હતા; જોકે, તેઓ પાછળથી ઇમારતના પાછળના ભાગમાં પાછા ફર્યા. ધુમાડો ખૂબ જ ગાઢ હતો; બચાવકર્તાઓએ બાજુની ઇમારતમાં પ્રવેશ કરીને અને દિવાલ તોડીને પ્રવેશ મેળવવાનો પ્રયાસ કર્યો, પરંતુ તીવ્ર ધુમાડા અને આગને કારણે તેઓ વધુ અંદર પ્રવેશ કરી શક્યા નહીં. ફાયર વિભાગના હાઇડ્રોલિક પ્લેટફોર્મને તૈનાત કરવામાં ઘણો સમય લાગ્યો. તેમણે વધુમાં નોંધ્યું કે ફાયર બ્રિગેડ પોતે અડધો કલાક મોડી પહોંચી હતી. બળી ગયેલી સ્થિતિમાં ઇમારતમાંથી છ થી સાત લોકોને બહાર કાઢવામાં આવ્યા છે. એવી આશંકા છે કે દસથી વધુ લોકો હજુ પણ ઇમારતની અંદર ફસાયેલા છે.આ પણ વાંચોઃ  ભારતના કયા રાજ્યમાં તેલના સૌથી વધારે કૂવા ?

Read Full Story arrow_forward

calendar_today March 18, 2026

દિલ્હીમાં ખાસ કાર્યક્રમમાં રાષ્ટ્રપતિ દ્રૌપદી મુર્મુએ અક્ષયપાત્રનું 500 કરોડમું ભોજન પિરસયું

રાષ્ટ્રપતિ ભવન સાંસ્કૃતિક કેન્દ્ર, નવી દિલ્હી ખાતે અક્ષય પાત્ર ફાઉન્ડેશન દ્રારા પુરૂં પાડેલ 5 અબજ ભોજન સેવાની સીમાચિહ્નરૂપ સિધ્ધિની અને માનવતાની સેવાના 25 વર્ષ પૂર્ણ થવાના સીમાચિહ્નની ઉજવણી કરી. ભારતના રાષ્ટ્રપતિ શ્રીમતી દ્રૌપદી મુર્મુ મુખ્ય અતિથિ અને શિક્ષણ મંત્રી ધર્મેન્દ્ર પ્રધાન અતિથિ વિશેષ તરીકે આ કાર્યક્રમમાં ઉપસ્થિત રહ્યા હતા. આ કાર્યક્રમ અક્ષયપાત્રના સ્થાપકો - મધુ પંડિત દાસા (ઇસ્કોન બેંગ્લોરના અધ્યક્ષ અને પ્રમુખ) અને ચંચલપતિ દાસા (ઉપાધ્યક્ષ અને વરિષ્ઠ ઉપપ્રમુખ) ની ઉપસ્થિતિમાં યોજાયો હતો. આ કાર્યક્રમનો વિષય - ' સુપોષિત અને સુશિક્ષિત ભારત વિકસિત ભારત માટે ' એ બાળ પોષણ અને શિક્ષણ તરફના સામૂહિક પ્રયાસો વિકસિત ભારત માટે પર પ્રકાશ પાડ્યો હતો. આ કાર્યક્રમમાં અક્ષયપાત્રના ટ્રસ્ટીશ્રીઓ, વરિષ્ઠ સરકારી અધિકારીઓ, પ્રતિષ્ઠિત નેતાઓ, નીતિનિર્માણ સંસ્થાઓ, દાતાશ્રીઓ, ભાગીદારો, સમર્થકો અને અન્ય મહત્વપૂર્ણ હિતધારકો હાજર રહ્યા હતા. અક્ષયપાત્રના કેટલાક પૂર્વ લાભાર્થીઓ, વિદ્યાર્થીઓ, વાલીઓ, શિક્ષકો અને સરકારી શાળાઓના કર્મચારીઓ પણ હાજર રહ્યા હતા. રાષ્ટ્રપતિએ ઉજવણીના ભાગરૂપે બાળકોને ભેટો આપી અને ભોજન પીરસ્યું.અક્ષયપાત્ર ફાઉન્ડેશન વિશે અક્ષયપાત્ર ફાઉન્ડેશન એક નફા-માટે-નહીં કામકરતી સંસ્થા છે અને ભારત સરકારની મહત્વપૂર્ણ પીએમ પોષણ પહેલ માટે અમલીકરણ ભાગીદાર છે. ભારત સરકાર, રાજ્ય સરકારો, કોર્પોરેટ ભાગીદારો અને પરોપકારી દાતાઓ સાથે મળીને એક મજબૂત જાહેર-ખાનગી ભાગીદારી (PPP) મોડેલ પર કાર્યરત, અક્ષયપાત્ર દેશભરની સરકારી અને સરકારી સહાયિત શાળાઓમાં તાજા રાંધેલા, પૌષ્ટિક મધ્યાહન ભોજન પૂરા પાડીને વર્ગખંડની ભૂખ દૂર કરવા અને બાળકોના સ્વાસ્થ્ય અને શિક્ષણને પ્રોત્સાહન આપવાનો પ્રયાસ કરે છે. શાળા ભોજન ઉપરાંત, ફાઉન્ડેશનના હસ્તક્ષેપો બાળકોને શિક્ષણની ઉપલબ્ધતા, સમાજની સક્ષમતા અને રાષ્ટ્રીય વિકાસ સુધી પહોંચને પણ પ્રોત્સાહન આપે છે.

Read Full Story arrow_forward

calendar_today March 18, 2026

Gold Silver Price Today : આજે પણ સોના ચાંદીના ભાવ ઘટ્યા, જાણી લો 22 અને 24 કેરેટનો લેટેસ્ટ રેટ

બુધવાર 18 માર્ચના રોજ ઘરેલુ વાયદા બજારમાં સોના અને ચાંદીના ભાવમાં ઘટાડો જોવા મળી રહ્યો છે. આ લખાય છે ત્યારે 2  એપ્રિલ, 2026ના રોજ સમાપ્ત થતા સોનાના વાયદા કરારો મલ્ટી કોમોડિટી એક્સચેન્જ (MCX) પર આશરે ₹500ના ઘટાડા સાથે ટ્રેડિંગ કરી રહ્યા હતા. આજે સોનાનો ભાવ MCX પર, સોનાના વાયદા ₹155658  (પ્રતિ 10 ગ્રામ) પર ખુલ્યા હતા. પાછલા ટ્રેડિંગ દિવસે, MCX પર સોનું ₹155985 પર બંધ થયું હતું. સવારે 9.50 વાગ્યાની આસપાસ, સોનાના વાયદા ₹155488 પર ટ્રેડિંગ કરી રહ્યા હતા, જે 0.32  ટકા ઘટાડો દર્શાવે છે.  શરૂઆતના ટ્રેડિંગ દરમિયાન, સોનાના વાયદા ₹1,55,788ની ઊંચી સપાટીને સ્પર્શી ગયા હતા. આજે ચાંદીનો ભાવ MCX પર, 5 મે, 2026 ના રોજ સમાપ્ત થતા ચાંદીના વાયદા ₹250,750 (પ્રતિ કિલોગ્રામ) પર ટ્રેડ થઈ રહ્યા હતા, જે 0.93 ટકા - અથવા આશરે ₹2,300 ઘટીને હતા. ચાંદીના ટ્રેડિંગ દિવસની શરૂઆત ₹251,498 થી થઈ હતી. દિવસના ટ્રેડિંગ સત્ર દરમિયાન, ચાંદીનો ઉચ્ચતમ ભાવ ₹251,639 હતો. દિલ્હી, કોલકાતા અને મુંબઈમાં, 10 ગ્રામ ચાંદી હાલમાં ₹2,650 ના દરે વેચાઈ રહી છે. દરમિયાન, ગ્રાહકોએ 100 ગ્રામ ચાંદી ખરીદવા માટે ₹26,500 ખર્ચ કરવા પડશે. ચેન્નાઈમાં, 10 ગ્રામ ચાંદીનો ભાવ હાલમાં ₹2,801 પર ટ્રેડ થઈ રહ્યો છે.મોટા શહેરોમાં આજનો સોનાનો ભાવ (ગુડ રિટર્ન્સ અનુસાર) શહેર 24 કેરેટ પ્રતિ 10ગ્રામ 22 કેરેટ પ્રતિ 10 ગ્રામઅમદાવાદ  1,58,140 1,44,960વડોદરા 1,58,140 1,44,960રાજકોટ 1,58,140 1,44,960સુરત 1,58,140 1,44,960મુંબઈ 1,57,750 1,44,600દિલ્હી 1,58,240 1,45,060ભારતીય પરંપરાઓ અને લાગણીઓ સાથે જોડાયેલભારતમાં સોનું ફક્ત રોકાણનું સાધન નથી. તે લોકોની પરંપરાઓ અને લાગણીઓ સાથે પણ ઊંડે સુધી જોડાયેલું છે. લગ્ન, તહેવારો અને ખાસ પ્રસંગો દરમિયાન સોનું ખરીદવું શુભ માનવામાં આવે છે. ઘણા પરિવારો પેઢી દર પેઢી સોનાને સાચવવાની પરંપરાને જાળવી રાખે છે, તેને સુરક્ષા અને સમૃદ્ધિનું પ્રતીક માને છે. ગ્રામીણ વિસ્તારોથી લઈને શહેરી કેન્દ્રો સુધી, સોનાને એક વિશ્વસનીય સંપત્તિ માનવામાં આવે છે. જ્યારે પણ આર્થિક અનિશ્ચિતતા વધે છે, ત્યારે લોકો ઘણીવાર સોના તરફ વળે છે. આ જ કારણ છે કે, ભારતમાં, સોનાને ફક્ત ઘરેણાં સાથે જ નહીં, પરંતુ સંસ્કૃતિ, શ્રદ્ધા અને ભવિષ્યની સુરક્ષા સાથે પણ જોડવામાં આવે છે.

Read Full Story arrow_forward