Narmada: બે આંગણવાડીનું બાંધકામ બે વર્ષથી અધૂરું હોવાથી ખંડેર
દેડિયાપાડા ખાતે આવેલા બીઆરસી ભવન વિસ્તારમાં આવેલી દેડિયાપાડા નંબર-3 અને નંબર-4ની બે આંગણવાડીના નવા મકાનોનું બાંધકામ છેલ્લા બે વર્ષથી અત્યંત મંથર ગતિએ ચાલી રહ્યું હોવાની ફરિયાદો ઉઠી રહી છે. લાંબા સમયથી બાંધકામ અધૂરું રહેતાં નાના ભૂલકાંઓને ભારે હાલાકીનો સામનો કરવો પડી રહ્યો છે. નાના બાળકો હેરાન પરેશાન થઈ ગયા છે.બંને આંગણવાડીઓ હાલ નજીકમાં આવેલા છાત્રાલયના રસોડામાં ચલાવવામાં આવી રહી છે. એક જ જગ્યાએ નાના બાળકોને બેસાડીને અભ્યાસ કરાવવો પડતો હોવાથી બાળકો માટે પણ મુશ્કેલી ઊભી થઈ રહી છે. અહિયાં આંગણવાડીમાં બાળકો ઉપરાંત સગર્ભા અને ધાત્રી માતાઓ માટે પણ પોષણ સંબંધિત કામગીરી કરવામાં આવે છે. રસોડાની જગ્યામાં આંગણવાડી ચલાવવાને કારણે કામગીરી કરતી બહેનોને પણ અનેક મુશ્કેલીઓનો સામનો કરવો પડી રહ્યો છે.બે આંગણવાડીના નવા મકાનોનું બાંધકામ છેલ્લા બે વર્ષથી પૂર્ણ ન થતાં વહીવટી તંત્રની કામગીરી સામે પણ સવાલો ઉઠી રહ્યા છે. બાંધકામની કામગીરી ગોકળગાયની ગતિએ ચાલતી હોવાના કારણે નાના બાળકોને કફોડી સ્થિતિમાં ભણવું પડી રહ્યું છે.ગુજરાતના વધુ સમાચાર વાંચવા માટે ક્લિક કરો
Read Full Story arrow_forward
