Ahmedabad : હાઇકોર્ટનો ભદ્રના પાથરણાંવાળાને લઈ મહત્વનો ચૂકાદો, 21માર્ચ સુધી પાથરણાંવાળાને પુનઃસ્થાપિત કરવા નિર્દેશ
અમદાવાદના ભદ્ર વિસ્તારમાં પાથરણાંવાળાઓને લઈને મહત્વપૂર્ણ મુદ્દે હાઈકોર્ટે મહત્વનો ચુકાદો આપ્યો છે. ગુજરાત હાઇકોર્ટે અમદાવાદ મ્યુનિસિપલ કોર્પોરેશનને ભદ્ર વિસ્તારમાંથી પાથરણાંવાળાઓને હટાવવાના મામલે મહત્વપૂર્ણ માર્ગદર્શિકા આપી છે.21 માર્ચ સુધી પાથરણાંવાળાઓને યોગ્ય રીતે પુનઃસ્થાપિત કરો કોર્ટના આદેશ મુજબ અમદાવાદ મ્યુનિસિપલ કોર્પોરેશન ભદ્ર વિસ્તારમાંથી પાથરણાંવાળાઓને હાલ માટે હટાવી શકશે નહીં. ઉપરાંત કોર્ટએ AMCને 21 માર્ચ સુધી પાથરણાંવાળાઓને યોગ્ય રીતે પુનઃસ્થાપિત કરવાની પ્રક્રિયા હાથ ધરવા માટે નિર્દેશ આપ્યો છે. સર્વે કર્યા વગર તેને ‘નો વેન્ડિંગ ઝોન’ જાહેર કરી શકાય નહીં કોર્ટએ સ્પષ્ટ કર્યું છે કે કોઈપણ વિસ્તારમાં સર્વે કર્યા વગર તેને ‘નો વેન્ડિંગ ઝોન’ જાહેર કરી શકાય નહીં. પાથરણાંવાળાઓના અધિકારોને ધ્યાનમાં રાખીને યોગ્ય સર્વે અને નિયમિત પ્રક્રિયા અનુસરવી ફરજિયાત હોવાનું પણ કોર્ટએ જણાવ્યું છે. પાથરણાંવાળાઓને હટાવવાની કાર્યવાહી મહત્વનું છે કે ભદ્ર વિસ્તારમાં છેલ્લા કેટલાક સમયથી પાથરણાંવાળાઓને હટાવવાની કાર્યવાહી ચાલી રહી હતી, જેના કારણે અનેક નાના વેપારીઓ અને રોજગારી સાથે જોડાયેલા લોકોમાં ચિંતા જોવા મળી હતી. પાથરણાંવાળાઓને તાત્કાલિક રાહત મળી હાઈકોર્ટના આ નિર્ણય બાદ પાથરણાંવાળાઓને તાત્કાલિક રાહત મળી છે. હવે AMCને કોર્ટના માર્ગદર્શન મુજબ સર્વે કરી નિયમો મુજબ આગળની કાર્યવાહી કરવી પડશે. નાના વેપારીઓ માટે મહત્વપૂર્ણ ચૂકાદો આ ચુકાદાને શહેરના નાના વેપારીઓ માટે મહત્વપૂર્ણ માનવામાં આવી રહ્યો છે, કારણ કે આ નિર્ણયથી પાથરણાંવાળાઓના રોજગાર અને અધિકારોને સુરક્ષા મળવાની શક્યતા વ્યક્ત કરવામાં આવી રહી છે.આ પણ વાંચો---- Vadodara: તરસાલીમાં ઘરેલું ઝઘડાનો કોલ મળતા પહોંચેલા પોલીસ કર્મીઓ સાથે જ ઝપાઝપી
Read Full Story arrow_forward
