Community News & Updates

Stay informed with the latest happenings, achievements, and announcements from our community.

All News

calendar_today March 11, 2026

Kheda: તા. પંચાયતની ચૂંટણી માટે 18 બેઠકો જાહેર

ખેડા જિલ્લામાં આગામી સમયમાં તાલુકા પંચાયતની ચૂંટણીઓને લઈને રાજય ચૂંટણી પંચે તાલુકા પંચાયતોની બેઠકોની યાદી જાહેર કરાઈ છે.જેને પગલે ચૂંટણી લડનાર ઈચ્છુકો તેમની તૈયારીઓમાં લાગી ગયા હોય તેમ જોવા મળે છે.રાજય ચૂટણી પંચે ખેડા જીલ્લાની તાલુકા પંચાયતોમાં બેઠકોની ફાળવણી જાહેર કરી છે.પંચાયતની ચૂંટણીની બેઠકો જાહેર થતાં રાજકીય ગરમાવો જોવા મળી રહયો છે.ખેડા તાલુકા પંચાયતમાં મહીલાઓ માટે કુલ 9 બેઠકો અનામાત છે.જેમાં સામાન્ય મહીલા બિન અનામતમાં પ,સામાજિક શૈક્ષણિક પછાત વર્ગની મહીલાઓ માટે 2 બેઠક,તથા અનુસુચિત જન જાતિની મહીલા માટે 1 અને અનુસુચિત જાતિની મહીલા માટે 1 બેઠક થઈને કુલ 9 બેઠકો મહીલાઓને ફાળવણી કરાઈ છે.જયારે પુરુષો માટે કુલ 9 બેઠોકની ફાળવણી છે.જેમાં અનુસુચિત જાતિમાં 1,સામાજિક શૈક્ષણિક રીતે પછાતામા 3 અને સામાન્ય બિન અનામત પુરુષ પ થઈને કુલ 9 બેઠકોની પુરુષોને ફાળવણી કરાઈ છે. મહીલા બેઠકોમા સામાન્ય સ્ત્રીમાં બીડજ,ઘરોડા,ગોબલેજ, રઢુ -2 અને વાસણા બુર્ઝગ બેઠકનો સમાવેશ થાય છે.જયારે વાવડી અનુસુચીત જાતિની મહીલા અને નાયકા બેઠક માટે અનુસુચિત જનજાતિ મહીલા બેઠક ફાળવણી કરાઈ છે.કલોલી અને કનેરા બેઠક સામાજીક અને શૈક્ષણિક વર્ગની મહીલા બેઠકની ફાળવણી જાહેર કરી છે.પુરુષોમાં બિનઅનામત સામાન્યમાં હરિયાળા,પરસાંતજ,રઢૂ-1,સમાદરા અને સાંખેજનો સમાવેશ થાય છે.જયારે સામાજીક અને શૈક્ષણિક રીતે પછાતમાં મહીજ,ખુમરવાડ, અને નવાગામનો સમાવેશ થાય છે.અને લાલી બેઠક અનુસુચિત જાતિ માટે જાહેર કરાઈ છે. ગુજરાતના વધુ સમાચાર વાંચવા માટે ક્લિક કરો

Read Full Story arrow_forward

calendar_today March 11, 2026

Kheda: મહિલા સરપંચના પતિ, માજી સરપંચના પૂત્ર વચ્ચે મારામારી

મહેમદાવાદ તાલુકાના કરોલી ગ્રામ પંચાયત તાબેના હર્ષદપુરા ગામમાં છેલ્લા છ દિવસથી પાણી ન આવવાના પ્રશ્ને તંગદિલી સર્જાઈ હતી. પાણીની સમસ્યાને લઈને ભેગા થયેલા ગ્રામજનોની હાજરીમાં સરપંચ પતિ મહેન્દ્રભાઈ અને માજી સરપંચના પુત્ર રણજીતભાઈ વચ્ચે ઉગ્ર બોલાચાલી બાદ હાથાપાઈ થઈ હતી. ઝપાઝપી દરમિયાન મહેન્દ્રભાઈને ઈજા થતાં લોહી નીકળ્યું હતું, જેના કારણે તેમણે મહેમદાવાદ પોલીસ સ્ટેશનમાં ફરિયાદ નોંધાવી હતી. આ ઘટના ગામમાં ચર્ચાનો વિષય બની છે અને પાણીની સમસ્યાને લઈને ગ્રામજનોમાં ભારે રોષ ફેલાયો છે.કરોલી ગ્રામપંચાયત હેઠળ આવેલા હર્ષદપુરા ગામમાં છેલ્લા છ દિવસથી પાણી પુરવઠો બંધ છે. ગામની પાણીની મોટર બળી જતા પાણી મળતું નથી અને નવી મોટર ખરીદવા માટે પંચાયત પાસે પૂરતા નાણાં ન હોવાનો મુદ્દો સામે આવ્યો છે. સરપંચ પતિ મહેન્દ્રભાઈએ આક્ષેપ કર્યો હતો કે અગાઉ ગામની જૂની મોટર માજી સરપંચના પુત્ર રણજીતભાઈએ માત્ર 6 હજાર રૂપિયામાં વેચી નાખી હતી, જેના કારણે હાલ ગામમાં પાણીની સમસ્યા ઊભી થઈ છે. આ મુદ્દે ચર્ચા કરવા માટે લગભગ 50 જેટલા ગ્રામજનો ભેગા થયા હતા, ત્યારે બંને પક્ષ વચ્ચે ઉગ્ર વાદવિવાદ થયો હતો અને વાત હાથાપાઈ સુધી પહોંચી ગઈ હતી. હર્ષદપુરા ગામમાં આશરે 1500 જેટલી વસ્તી વસે છે અને ગામમાં માત્ર એક જ સરકારી બોર હોવાથી પાણી પુરવઠો મોટાભાગે તેના પર આધારિત છે. છેલ્લા કેટલાય દિવસોથી પાણી ન મળતા ગ્રામજનોને એક કિલોમીટર દૂર જઈને પાણી લાવવું પડી રહ્યું છે. ગામમાં પ્રાથમિક શાળા પણ આવેલી હોવાથી બાળકો અને ગ્રામજનોને ભારે મુશકેલીનો સામનો કરવો પડી રહ્યો છે. ગ્રામજનોનું કહેવું છે કે પાણીની સમસ્યા સિવાય પંચાયત કચેરી પણ સમયસર ખુલતી નથી અને તલાટી પણ નિયમિત હાજર રહેતા નથી, જેના કારણે પંચાયત સંબંધિત અનેક કામો અટવાઈ રહ્યા છે. આ પરિસ્થિતિને લઈને ગ્રામજનોમાં ભારે નારાજગી જોવા મળી રહી છે. ગુજરાતના વધુ સમાચાર વાંચવા માટે ક્લિક કરો

Read Full Story arrow_forward

calendar_today March 11, 2026

Gandhinagar: વડોદરા ગ્રા.પંએ બાકીદારોના પાણીના જોડાણ કાપી નાંખ્યા

ગાંધીનગરના વડોદરા ગ્રામ પંચાયત દ્વારા બાકી રહેતી વેરાવસુલાત સામે કડક પગલા ભરવામાં આવ્યા છે અને એક જ દિવસમાં બાકીદારોના દશ જેટલા નળ કનેક્શન કાપી નાંખવામાં આવ્યા હતા. પંચતાયત હરકતમાં આવતા આવા અન્ય કેટલાક બાકીદારોમાં ફફડાટ ફેલાયો છે અને વેરો ભરવા પંચાયત તરફ દોટ મુકી હોવાની વિગતો છે.વેરાઓથી ગ્રામ પંચાયતના વિકાસ કામો અને કર્મીઓનો પગારો પણ ચુકવાતા હોય છે ત્યારે જાહેર જનતા અને મિલકતધારકો જ વેરો ભરવામાં આળસ રાખે છે ત્યારે ગ્રામ પંચાયતોનુ વહીવટી સંચાલન અવરોધાતુ હોય છે અને સંચાલન માટે વેરાવસુલાત જરુરી બને છે. માર્ચ મહિનામાં વેરાની કડક વસુલી કરવામાં આવે છે અને બાકી દારોને સુચનાઓ તેમજ નોટીસો આપીને પોતાના બાકી વેરો ભરી જવા અવાર નવાર તાકીદ કરવામાં આવતી હોય છે. હાલમાં વડોદરા ગ્રામ પંચા યતમાં લાખોની વેરાવસુલાત બાકી બોલી રહી છે જેને લઇને વેરા વસુલાત કડક અમલવારી કરવામાં આવી છે. તલાટી કમ મંત્રી અનિલસિંહ વાઘેલા એ જણાવ્યુ કે વડદોરા ગ્રામ પંચાયતમાં અનેક મિલતક ધારકોના વેરા બાકી બોલી રહ્યા છે . પંચાયત દ્વારા તાકીદ અને નોટીસો આપવા છતા અસંખ્ય મિલકતધારકો દ્વારા વેરો ભરવામાં નથી આવતો. જેથી પાંચ હજારથી વધુની રકમના બાકીદારો સામે હવે પંચાયચ દ્વારા પગલા ભરવામાં આવ્યા છે. આજે આવા વેરો નહી ભરનારા દશેક બાકીદારોનો ઘરના નળ કનેક્શન કાપવામાં આવ્યા હોવાની વિગતો જણાવી હતી. આગામી સમયમાં વેરો નહી ભરનારા બાકીદારો સામે આ જુંબેશ ચાલુ રાખવામા આવનાર હોવાનુ વડોદરા તલાટી કમ મંત્રી અનિલસિંહ વાઘેલાએ જણાવ્યુ હતુ. ગુજરાતના વધુ સમાચાર વાંચવા માટે ક્લિક કરો

Read Full Story arrow_forward