ખેડબ્રહ્માની ડિસ્ટ્રિકટ હોસ્પિટલ રાજ્યની પ્રથમ એનક્યુએએસ પ્રમાણિત સંસ્થા બની
ખેડબ્રહ્મા સ્થિત સબ ડિસ્ટ્રિક્ટ હોસ્પિટલ એ આરોગ્ય સેવાઓના ગુણવત્તા ધોરણોમાં શ્રોષ્ઠ કામગીરી દર્શાવી રાષ્ટ્રીય કક્ષાનું એનક્યુએએસ પ્રમાણપત્ર પ્રાપ્ત કરી સિદ્ધિ પ્રાપ્ત કરી છે. આ સાથે ખેડબ્રહ્મા એસડીએચ રાજ્યની પ્રથમ સબ ડિસ્ટ્રિક્ટ હોસ્પિટલ બની છે, જેને આ પ્રતિષ્ઠિત ગુણવત્તા પ્રમાણપત્ર મળ્યું છે. કેન્દ્ર સરકારના આરોગ્ય અને પરિવાર કલ્યાણ મંત્રાલય દ્વારા આપવામાં આવતું આ પ્રમાણપત્ર આરોગ્ય સંસ્થાઓમાં દર્દી સલામતી, ગુણવત્તાયુક્ત સારવાર, સંક્રમણ નિયંત્રણ, સ્વચ્છતા વ્યવસ્થા, બાયોમેડિકલ વેસ્ટ મેનેજમેન્ટ, રેકોર્ડ મેનેજમેન્ટ અને દર્દી કેન્દ્રિત સેવાઓ જેવા માપદંડોના કડક મૂલ્યાંકન બાદ આપવામાં આવે છે. ખેડબ્રહ્મા SDHએ આ તમામ માપદંડોમાં ઉત્તમ કામગીરી દર્શાવી આરોગ્ય સેવાઓમાં ગુણવત્તાનો નવો ધોરણ સ્થાપિત કર્યો છે. દરમિયાન ખેડબ્રહ્મા હોસ્પિટલના અધિક્ષક ડો.અશ્વિન ગઢવીએ જણાવ્યુ હતું કે, આરોગ્ય શાખા જીલ્લા પંચાયતના જિલ્લા ક્વોલીટી એશ્યોરન્સ મેડિકલ ઓફિસર ડૉ.એ.આઇ.મલેકનો સતત સહયોગ અને માર્ર્ગદર્શન તેમજ આરોગ્ય ટીમની સમર્પિત સેવાભાવનાનું પ્રતિબિંબ છે.ગત વર્ષમાં ખેડબ્રહ્માની હોસ્પિટલમાં 94 હજારથી વધુ ઓપીડી દર્દીઓને સારવાર, 3755 સલામત પ્રસુતિઓ, 3 હજારથી વધુ મેજર તથા માઇનર ઓપરેશનો, 2 લાખથી વધુ વિવિધ લેબોરેટરી ટેસ્ટ કરવામાં આવ્યા હતા. તદુપરાંત હોસ્પિટલમાં સિકલસેલ રોગની સારવાર, ટીબીના દર્દીઓની તપાસ-સારવાર, કિડની ડાયાલિસિસ, વિવિધ બાળરોગની સારવાર, એક્સ-રે સહિતની વિવિધ આરોગ્ય સેવાઓ પણ ગુણવત્તાયુક્ત રીતે ઉપલબ્ધ કરાવવામાં આવી રહી છે. જેના કારણે અંતરિયાળ, ડુંગરાળ અને હાર્ડ ટુ રીચ વિસ્તારોમાં વસતા વનબંધુ પરિવારોને પણ આરોગ્યની મફત અને સુલભ સેવાઓ મળી રહી છે. હોસ્પિટલના તબીબી અધિકારીઓ, નર્સિંગ સ્ટાફ, પેરામેડિકલ સ્ટાફ તેમજ સમગ્ર્ર આરોગ્ય ટીમના સુવ્યવસ્થિત આયોજન, સતત મહેનત અને દર્દી કેન્દ્રિત સેવા ભાવનાના પરિણામે આ સિદ્ધિ પ્રાપ્ત થઈ છે. આ પ્રસંગે જિલ્લા વિકાસ અધિકારી હર્ષદ વોરાએ જણાવ્યું હતું કે, ખેડબ્રહ્મા હોસ્પિટલને મળેલ પ્રમાણપત્ર સમગ્ર્ર જિલ્લાના આરોગ્ય ક્ષેત્ર માટે ગૌરવની ક્ષણ છે. ગુજરાતના વધુ સમાચાર વાંચવા માટે ક્લિક કરો https://sandesh.com/maru-saher-maru-gaam
Read Full Story arrow_forward
