Community News & Updates

Stay informed with the latest happenings, achievements, and announcements from our community.

All News

calendar_today March 10, 2026

Anand: ઉમરેઠ વિધાનસભા બેઠક સત્તાવાર રીતે ખાલી જાહેર: ધારાસભ્ય ગોવિંદ પરમારના નિધન બાદ લેવાયો નિર્ણય

ગુજરાત વિધાનસભા સચિવાલય દ્વારા આણંદ જિલ્લાની 111-ઉમરેઠ વિધાનસભા બેઠકને સત્તાવાર રીતે ખાલી જાહેર કરવામાં આવી છે. આ બેઠકના લોકપ્રિય ધારાસભ્ય ગોવિંદભાઈ પરમારનું અવસાન થતા નિયમ મુજબ આ બેઠક પર પ્રતિનિધિત્વ શૂન્ય થયું હોવાનું જાહેરનામું બહાર પાડવામાં આવ્યું છે. ધારાસભ્ય ગોવિંદભાઈ પરમારનું નિધન ઉમરેઠ બેઠક પરથી ચૂંટાયેલા ભાજપના પીઢ નેતા અને ધારાસભ્ય ગોવિંદભાઈ પરમારનું ગત 6 માર્ચના રોજ નિધન થયું હતું. તેમના અવસાનથી સમગ્ર ઉમરેઠ પંથક અને રાજકીય આલમમાં શોકનું મોજું ફરી વળ્યું હતું. ધારાસભ્યના અવસાનના પગલે વિધાનસભામાં પણ એક સ્થાન ખાલી પડ્યું હતું.સત્તાવાર નોટિફિકેશન બહાર પડ્યુંચૂંટણી પંચ અને વિધાનસભા સચિવાલયના નિયમો અનુસાર, કોઈ પણ બેઠક પર ધારાસભ્યનું અવસાન થાય ત્યારે તે બેઠક ખાલી જાહેર કરવી પડે છે. જે અંતર્ગત આજે ૧૧૧-ઉમરેઠ વિધાનસભા બેઠક ખાલી પડી હોવાનું સત્તાવાર નોટિફિકેશન બહાર પાડવામાં આવ્યું છે. આ સાથે જ હવે આ બેઠક પર આવનારા સમયમાં પેટાચૂંટણી યોજવાની પ્રક્રિયાની દિશામાં પ્રથમ કદમ લેવાયું છે.આ પણ વાંચો:Surendranagar: માલવણ-પાટડી હાઈવે પર દારૂની હેરાફેરી, LCBએ 28 લાખનો જથ્થો ઝડપ્યો

Read Full Story arrow_forward

calendar_today March 10, 2026

India LPG Supply Crisis : પેટ્રોલિયમ મંત્રાલયનો મોટો નિર્ણય, હવે 25 દિવસ પહેલા બુક નહી થાય ગેસ

ભારત સરકારે ઘરેલુ ગ્રાહકોની રસોઈ ગેસની સુરક્ષાને પ્રાથમિકતા આપતાં તેલ રિફાઇનરીઓને એલપીજીનું ઉત્પાદન વધારવા અને વધારાનું ઉત્પાદન ઘરેલુ ઉપયોગ માટે ફાળવવા આદેશ આપ્યા છે. સાથે જ ગેસની જમાખોરી રોકવા માટે 25 દિવસ પહેલાં ફરી સિલિન્ડર બુકિંગ પર પ્રતિબંધ મૂકવામાં આવ્યો છે. ગેર-ઘરેલુ ક્ષેત્રોમાં સપ્લાયની સમીક્ષા કરવા માટે ઓએમસી (OMC)ની કમિટી પણ બનાવવામાં આવી છે. સરકારનો મુખ્ય હેતુ ઘરેલુ ગેસ સપ્લાય સતત ચાલુ રાખવાનો છે.વધારાના ઉત્પાદનને ઘરેલુ એલપીજી ઉપયોગ માટે મોકલવામાં આવશે મંત્રાલયે એક નિવેદનમાં જણાવ્યું કે, હાલના ભૂ-રાજકીય વિક્ષેપો અને એલપીજી સપ્લાયમાં આવતી મુશ્કેલીઓને ધ્યાનમાં રાખીને તેલ રિફાઇનરીઓને વધુ ઉત્પાદન કરવા માટે સૂચના આપવામાં આવી છે અને વધારાના ઉત્પાદનને ઘરેલુ એલપીજી ઉપયોગ માટે મોકલવામાં આવશે. આ પગલું દેશભરમાં રસોઈ ગેસની અવિરત ઉપલબ્ધતા સુનિશ્ચિત કરવા માટે લેવામાં આવ્યું છે, કારણ કે ભારત પોતાની એલપીજી જરૂરિયાતનો મોટો હિસ્સો આયાત પર આધારિત રાખે છે અને હાલની વૈશ્વિક પરિસ્થિતિ તેનો અસરકારક પ્રભાવ પાડી રહી છે. ‘કાળાબજાર પર રોક’ સરકારે ઘરેલુ ગ્રાહકોના હિતોને સુરક્ષિત રાખવા માટે એલપીજી પર નિયંત્રણ અને કડક નિયમો લાગુ કર્યા છે. નવી નીતિ મુજબ, કોઈપણ ગ્રાહક 25 દિવસ પૂર્ણ થાય તે પહેલાં નવો સિલિન્ડર બુક કરી શકશે નહીં. આનો મુખ્ય હેતુ સંકટની સ્થિતિમાં ગેસની જમાખોરી અને કાલાબજારીને રોકવાનો છે. મંત્રાલયે સ્પષ્ટ કર્યું છે કે ઘરેલુ સપ્લાયને અસર થવા દેવામાં નહીં આવે અને રિફાઇનરીઓને સ્થાનિક માંગ પૂરી કરવા પર ધ્યાન કેન્દ્રિત કરવા સૂચના આપવામાં આવી છે. હોટલ-રેસ્ટોરન્ટ માટે વિશેષ કમિટી ગેર-ઘરેલુ ક્ષેત્રો જેમ કે હોટલ, રેસ્ટોરન્ટ અને અન્ય ઉદ્યોગો માટે એલપીજી સપ્લાયની સમીક્ષા કરવા માટે ઓએમસીના ત્રણ કાર્યકારી નિર્દેશકો (EDs)ની કમિટી બનાવવામાં આવી છે. આ કમિટી વિવિધ ઉદ્યોગોની જરૂરિયાતો અને અરજીઓનું મૂલ્યાંકન કરશે. હાલમાં આયાત કરાયેલ ગેસનો કોટો હોસ્પિટલ અને શાળાઓ જેવી જરૂરી સંસ્થાઓ માટે જ અનામત રાખવામાં આવ્યો છે. સરકારની પ્રાથમિકતા આ મુશ્કેલ સમયમાં આવશ્યક સેવાઓ અને ઘરેલુ રસોઈની જરૂરિયાતો અવિરત રાખવાની છે.વૈશ્વિક સપ્લાય ચેઇનમાં આવતી મુશ્કેલીઓ વચ્ચે પણ કરોડો ભારતીય પરિવારોની રસોઈ સુરક્ષિત રાખવાનો છે. આ નિર્ણય પેટ્રોલિયમ મંત્રી હરદીપ સિંહ પુરી, MoPNGના સચિવ અને મુખ્ય તેલ માર્કેટિંગ કંપનીઓ — ઇન્ડિયન ઓઇલ કોર્પોરેશન (IOCL), ભારત પેટ્રોલિયમ કોર્પોરેશન લિમિટેડ (BPCL) અને હિન્દુસ્તાન પેટ્રોલિયમ કોર્પોરેશન લિમિટેડ (HPCL) સાથે સંકલન કરીને લેવામાં આવ્યો છે. મંત્રાલયે જણાવ્યું છે કે આ પગલાંનો મુખ્ય હેતુ વૈશ્વિક સપ્લાય ચેઇનમાં આવતી મુશ્કેલીઓ વચ્ચે પણ કરોડો ભારતીય પરિવારોની રસોઈ સુરક્ષિત રાખવાનો છે.

Read Full Story arrow_forward

calendar_today March 10, 2026

Nasa Satellite Crash : 2034માં પડનાર NASAનો સેટેલાઇટ આજે ધરતી પર થશે ધડામ

આ સેટેલાઇટ વેન એલન પ્રોબ A છે, જેનું વજન લગભગ 600 કિલોગ્રામ છે. તેને ઑગસ્ટ 2012માં લોન્ચ કરવામાં આવ્યો હતો. હવે લગભગ 14 વર્ષ પછી તે પોતાનો અંતિમ સફર પૂર્ણ કરી રહ્યો છે.બંને સેટેલાઇટ 2012માં લોન્ચ થયા હતા અમેરિકન સ્પેસ ફોર્સે 9 માર્ચે માહિતી આપી હતી કે આ સેટેલાઇટ ભારતીય સમય મુજબ રાત્રે લગભગ 8 થી 9 વાગ્યાના આસપાસ વાયુમંડળમાં પ્રવેશ કરશે. જોકે સમયમાં 24 કલાક સુધીનો ફેરફાર શક્ય છે. દર કલાકે નવી માહિતી મળી રહી છે અને સ્પેસ ફોર્સ સતત તેની દેખરેખ રાખી રહી છે. નાસાના જણાવ્યા મુજબ સેટેલાઇટનો મોટાભાગનો ભાગ વાયુમંડળમાં પ્રવેશ સમયે હવાના ઘર્ષણથી બળી જશે, પરંતુ કેટલાક મજબૂત ભાગો બચી શકે છે. તેમ છતાં પૃથ્વી પર કોઈને નુકસાન થવાની શક્યતા ખૂબ જ ઓછી હોવાનું જણાવાયું છે. આ સેટેલાઇટ શું હતો અને તેનુ મિશન શું હતુ? વેન એલન પ્રોબ A અને તેનો જોડિયો ઉપગ્રહ પ્રોબ B પૃથ્વીના આસપાસ આવેલા **રેડિયેશન બેલ્ટ (વિકિરણ ક્ષેત્ર)**નો અભ્યાસ કરવા માટે બનાવવામાં આવ્યા હતા. આ બેલ્ટ પૃથ્વીના ચુંબકીય ક્ષેત્રના કારણે સૂર્યમાંથી આવતા ખતરનાક કણોને રોકી રાખે છે. આ બેલ્ટનું નામ વૈજ્ઞાનિક જેમ્સ વેન એલનના નામ પર રાખવામાં આવ્યું છે.આ ઉપગ્રહો પૃથ્વીથી સૌથી નજીક 621 કિમી અને સૌથી દૂર 3,04,155 કિમી સુધીની અંડાકાર કક્ષામાં ફરતા હતા બંને સેટેલાઇટ 2012માં લોન્ચ થયા હતા. મૂળરૂપે તેમનું મિશન માત્ર 2 વર્ષનું હતું, પરંતુ તેઓ 2019 સુધી કાર્યરત રહ્યા. પ્રોબ B જુલાઈ 2019માં અને પ્રોબ A ઓક્ટોબર 2019માં બંધ કરવામાં આવ્યા હતા. આ ઉપગ્રહો પૃથ્વીથી સૌથી નજીક 621 કિમી અને સૌથી દૂર 3,04,155 કિમી સુધીની અંડાકાર કક્ષામાં ફરતા હતા, જેના કારણે તેમણે રેડિયેશન બેલ્ટના દરેક ભાગનો મહત્વપૂર્ણ ડેટા એકત્ર કર્યો હતો. આજ સુધી વૈજ્ઞાનિકો આ ડેટાનો અભ્યાસ કરીને સમજવાનો પ્રયાસ કરી રહ્યા છે કે સૂર્યની પ્રવૃત્તિ સેટેલાઇટ, અંતરિક્ષયાત્રીઓ અને પૃથ્વી પર મોબાઇલ, GPS, ઇન્ટરનેટ તથા વીજળીની લાઇનોને કેવી રીતે અસર કરે છે. આ ઉપગ્રહ 2034 પહેલાં કેમ પડી રહ્યો છે? મિશન પૂર્ણ થયા બાદ વૈજ્ઞાનિકોએ અનુમાન કર્યું હતું કે આ ઉપગ્રહો 2034 સુધી કક્ષામાં રહેશે, પરંતુ છેલ્લા કેટલાક વર્ષોમાં સૂર્ય ખૂબ સક્રિય રહ્યો છે. સૂર્યની વધેલી પ્રવૃત્તિને કારણે પૃથ્વીનું વાયુમંડળ થોડું ફેલાઈ ગયું, જેના કારણે કક્ષામાં ફરતા ઉપગ્રહો પર હવાના ઘર્ષણમાં વધારો થયો છે.આ વધેલા ઘર્ષણને કારણે સેટેલાઇટ ઝડપી ગતિએ નીચે આવવા લાગ્યા. પ્રોબ A સૌથી પહેલાં પડી રહ્યો છે, જ્યારે પ્રોબ B થોડું વધુ ઊંચે છે, તેથી તે 2030 પહેલાં પડવાની શક્યતા નથી. સૂર્યની આ અણધારી પ્રવૃત્તિને કારણે પહેલાની તમામ ગણતરીઓ બદલાઈ ગઈ છે. હવે પ્રોબ A આજે પોતાનો અંતિમ સફર પૂર્ણ કરી રહ્યો છે.આ પણ વાંચો:  India LPG Supply Crisis : પેટ્રોલિયમ મંત્રાલયનો મોટો નિર્ણય, હવે 25 દિવસ પહેલા બુક નહી થાય ગેસ

Read Full Story arrow_forward