Community News & Updates

Stay informed with the latest happenings, achievements, and announcements from our community.

All News

calendar_today March 10, 2026

Chhota Udepur: એસટી બસ અને પાઇપ ભરેલા ટ્રેલર વચ્ચે જોરદાર ટક્કર, 15 મુસાફરોનો આબાદ બચાવ

છોટાઉદેપુર જિલ્લામાં આજે વહેલી સવારે સુરખેડા ગામ પાસે એક માર્ગ અકસ્માતની ઘટના બની હતી. ફેરકુવાથી પરત છોટાઉદેપુર આવી રહેલી એસટી ડેપોની બસ અને પાઇપો ભરેલા ટ્રેલર વચ્ચે થયેલી આ ટક્કરને પગલે રોડ પર ટ્રાફિક જામની સ્થિતિ સર્જાઈ હતી.રાહદારીને બચાવવા જતા સર્જાયો અકસ્માતમળતી માહિતી મુજબ, બસ જ્યારે સુરખેડા ગામ પાસેથી પસાર થઈ રહી હતી ત્યારે અચાનક એક વ્યક્તિ રોડની વચ્ચે આવી ગઈ હતી. આ વ્યક્તિને બચાવવા માટે બસના ચાલકે કાબૂ મેળવવાનો પ્રયાસ કર્યો હતો, જે દરમિયાન બસ પાઇપ ભરેલા ટ્રેલર સાથે અથડાઈ હતી. આ અકસ્માતમાં રોડની વચ્ચે આવી ગયેલી વ્યક્તિને ઈજાઓ પહોંચી હતી, જેને તાત્કાલિક 108 મારફતે સારવાર માટે છોટાઉદેપુરની હોસ્પિટલમાં ખસેડવામાં આવી હતી.મુસાફરોનો ચમત્કારિક બચાવઅકસ્માત સમયે એસટી બસમાં અંદાજે 15 જેટલા મુસાફરો સવાર હતા. બસ અને ટ્રેલરની ટક્કર જોરદાર હોવા છતાં, બસમાં સવાર તમામ મુસાફરો સહિત ડ્રાઈવર અને કંડક્ટરનો આબાદ બચાવ થયો છે. તમામ પેસેન્જરો સુરક્ષિત હોવાનું જાણવા મળ્યું છે, જેના કારણે મોટી હોનારત ટળી હતી.આ પણ વાંચો: Jambusar: ઘરના આંગણે પાર્ક કરેલી કાર બની આગનો ગોળો, ગાડીમાં શોર્ટ સર્કિટથી લાગી આગ

Read Full Story arrow_forward

calendar_today March 10, 2026

Ahmedabad News : ફાઈનલ મેચના દિવસે 1.61 લાખથી વધુ મુસાફરોએ મેટ્રો ટ્રેનનો લાભ લીધો, 10.45 લાખથી વધુની આવક

અમદાવાદના મોદી સ્ટેડિયમમાં ગત રવિવારે ભારત અને ન્યૂઝીલેન્ડ વચ્ચે T20 ક્રિકેટ વર્લ્ડ કપની ફાઈનલ મેચ રમાઈ હતી. આ મેચ જોવા માટે દેશ વિદેશના હજારો ક્રિકેટ પ્રેમીઓ સ્ટેડિયમમાં પહોંચ્યા હતાં. ત્યારે અમદાવાદ મેટ્રો ટ્રેન દ્વારા પણ આ મેચ દરમિયાન દર્શકોને સ્ટેડિયમ સુધી જવા માટે વ્યવસ્થા કરવામાં આવી હતી. જેના કારણે એક જ દિવસમાં મેટ્રોને 10.45 લાખ રૂપિયાની આવક થઈ હતી. 1.61 લાખથી વધુ મુસાફરોએ મેટ્રો ટ્રેનનો લાભ લીધો અમદાવાદમાં યોજાયેલી T-20 ક્રિકેટ ફાઈનલના દિવસે શહેરની મેટ્રો રેલને ખાસ લાભ મળ્યો છે. ફાઈનલ મેચના દિવસે મેટ્રો દ્વારા રૂ. 10.45 લાખથી વધુ આવક નોંધાઇ હતી, જ્યારે 1.61 લાખથી વધુ મુસાફરોએ મેટ્રો ટ્રેનનો ઉપયોગ કર્યો.સ્ટેડિયમ નજીક મેટ્રો સ્ટેશનની હાજરીના કારણે લોકો માટે મેટ્રો સૌથી પસંદગીની પરિવહન સેવા બની છે. મુંબઈ અને અન્ય શહેરોમાંથી આવતા ક્રિકેટપ્રેમીઓએ પણ મેટ્રોનો ઉપયોગ કરીને સરળ રીતે સ્ટેડિયમ પહોંચી શક્યા હતાં. ફાઈનલ મેચના દિવસે મોડી રાત સુધી મેટ્રો દોડાવી હતી ફાઈનલ મેચના દિવસે મુસાફરોની વધેલી સંખ્યા ધ્યાને રાખીને મેટ્રો અધિકારીઓએ મોડી રાત સુધી ટ્રેન સેવા જારી રાખી હતી. જેથી લોકો સુરક્ષિત અને સમયસર યાત્રા કરી શકે.આ પ્રયાસને લોકોએ ખૂબ પ્રશંસા આપી છે.મેટ્રો રેલ માટે આ દિવસ વિશેષરૂપે મહત્વનો રહ્યો, કારણ કે રમતપ્રેમીઓની વધતી જતી સંખ્યાને ધ્યાનમાં રાખીને આવકમાં પણ નોંધપાત્ર વધારો જોવા મળ્યો. આ પણ વાંચોઃ Rajkot News: પોલીસ કર્મીએ પરીણિત હોવાની હકીકત છુપાવી, યુવતીને લગ્નની લાલચ આપી દુષ્કર્મ આચર્યું

Read Full Story arrow_forward

calendar_today March 10, 2026

Rajkot: એમ્બરગ્રીસ સાથે બે આરોપીઓ ઝડપાયા, અમદાવાદના શખ્સો પાસેથી 46 લાખનો મુદ્દામાલ જપ્ત

રાજકોટ શહેર એસઓજી (SOG) પોલીસે બાતમીના આધારે ઓપરેશન હાથ ધરીને અત્યંત કિંમતી અને પ્રતિબંધિત ગણાતા એમ્બરગ્રીસ (વ્હેલ માછલીની ઉલ્ટી) સાથે બે શખ્સોને ઝડપી પાડ્યા છે. પકડાયેલા બંને આરોપીઓ અમદાવાદના રહેવાસી છે અને રાજકોટમાં આ પ્રતિબંધિત જથ્થો વેચવા માટે ગ્રાહકોની શોધમાં હતા.રાજકોટમાં એમ્બરગ્રીસનો જથ્થો ઝડપાયોSOG પોલીસને ચોક્કસ માહિતી મળી હતી કે બે શખ્સો ગેરકાયદે એમ્બરગ્રીસનો જથ્થો લઈને રાજકોટમાં વેચાણ અર્થે ઘૂમ્યા છે. પોલીસે છટકું ગોઠવીને 0.462 કિલોગ્રામ એમ્બરગ્રીસ સાથે સુમિત ધુમલ અને મયુર ભાવસાર નામના બે શખ્સોને દબોચી લીધા હતા. આ જથ્થાની આંતરરાષ્ટ્રીય બજારમાં કિંમત અંદાજે 46 લાખ રૂપિયા જેટલી આંકવામાં આવી રહી છે.ગ્રાહકોની શોધમાં હતા આરોપીઓપ્રાથમિક તપાસમાં બહાર આવ્યું છે કે, આ બંને આરોપીઓ અમદાવાદથી એમ્બરગ્રીસનો જથ્થો લઈને રાજકોટ આવ્યા હતા. તેઓ અહીં કોઈ મોટો ગ્રાહક શોધીને આ જથ્થો વેચી દેવાની ફિરાકમાં હતા, પરંતુ સોદો પાર પડે તે પહેલા જ પોલીસના હાથે ઝડપાઈ ગયા હતા. પોલીસે આરોપીઓ પાસેથી મુદ્દામાલ કબજે કરી તેમની વધુ પૂછપરછ હાથ ધરી છે કે આ જથ્થો તેઓ ક્યાંથી લાવ્યા હતા.આ પણ વાંચો: Chhota Udepur: એસટી બસ અને પાઇપ ભરેલા ટ્રેલર વચ્ચે જોરદાર ટક્કર, 15 મુસાફરોનો આબાદ બચાવ

Read Full Story arrow_forward