નાયબ મુખ્ય દંડક સહિતનાઓના હસ્તે નવા બનનારા માર્ગનુ ખાતમૂર્હૂત કરવામાં આવ્યું
વઢવાણના નકટીવાવ મેલડી માતાજીનું મંદિર શ્રાધ્ધાળુઓ માટેનું આસ્થા સ્થાન છે. દર રવિવાર અને મંગળવારે અહીં મોટી સંખ્યામાં ભકતો પગપાળા અને વાહનો લઈને જતા હોય છે. ત્યારે આ રોડ અત્યંત બીસમાર હોઈ રવીવારે રૂપીયા 2 કરોડના ખર્ચે આ રસ્તાના રીસરફેસીંગના કામનું ખાતમુર્હુત કરાયુ છે.વઢવાણના નકટીવાવના મેલડી માતાજી માત્ર સુરેન્દ્રનગર, વઢવાણ, રતનપર, જોરાવરનગર અને દુધરેજ નહી પરંતુ સમગ્ર ઝાલાવાડના ભકતો માટે આસ્થાનું કેન્દ્ર છે. દર રવિવારે અને મંગળવારે અહીં મોટી સંખ્યામાં ભકતો ચાલીને માતાજીના દર્શનાર્થે જાય છે. જયારે મોટી સંખ્યામાં વાહન ચાલકો પણ આ રસ્તેથી પસાર થાય છે. આ રોડ બીસમાર બનતા પદયાત્રાળુઓને મુશ્કેલી ભોગવવી પડતી હતી. આથી જન કલ્યાણ ફાઉન્ડેશનના પ્રમુખ સુમીત ઉમરાણીયાએ આ અંગે વઢવાણના ધારાસભ્ય અને રાજયની વિધાનસભાના નાયબ મુખ્ય દંડક જગદીશભાઈ મકવાણાને લેખીત રજુઆત કરી હતી. ત્યારે તા. 8ને રવીવારે સાંજે રૂપીયા ર કરોડના ખર્ચે રીસરફેસીંગ થનાર આ રોડના કામનું ખાતમુર્હુત કરાયુ હતુ. જેમાં નાયબ મુખ્ય દંડક જગદીશભાઈ મકવાણા, શહેર ભાજપ પ્રમુખ દેવાંગ રાવલ, મહામંત્રી વિપુલ ચૌહાણ, જય શાહ, રાકેશભાઈ ખાંદલા સહિતનાઓ ઉપસ્થીત રહ્યા હતા. આ રોડ નવો બનતા માતાજીના દર્શને ચાલીને જતા દર્શનાર્થીઓ અને વાહનચાલકોને રાહત થશે. ગુજરાતના વધુ સમાચાર વાંચવા માટે ક્લિક કરો https://sandesh.com/maru-saher-maru-gaam
Read Full Story arrow_forward
