Community News & Updates

Stay informed with the latest happenings, achievements, and announcements from our community.

All News

calendar_today March 5, 2026

Ahmedabad News: કલર લેવા જેવી બાબતે છોકરાને ધમકાવતા ચાર લોકોએ છરીથી હુમલો કરી દીધો

અમદાવાદના બાપુનગરમાં સામાન્ય બાબતમાં હુમલાની ઘટના સામે આવી છે. છોકરાને ધમકાવતા જ ચાર લોકોએ રિક્ષા ચાલક અને તેના ભાઇ પર છરીથી જીવલેણ હુમલો કર્યો હતો. આ હુમલામાં ઈજાગ્રસ્ત થયેલા લોકોને તાત્કાલિક સારવાર માટે ખસેડવામાં આવ્યા હતાં. બાપુનગર પોલીસ સ્ટેશનમાં ચાર લોકો સામે ફરિયાદ નોંધવામાં આવી છે. અમદાવાદના બાપુનગરમાં સામાન્ય બાબતમાં હુમલો અમદાવાદના બાપુનગરમાં છોકરાને ધમકાવવા જેવી નજીવી બાબતે ચાર શખ્સોએ રિક્ષા ચાલક અને તેના ભાઇ પર છરીથી જીવલેણ હુમલો કર્યો હતો. ધુળેટીના દિવસે જ થયેલા હુમલાને કારણે સમગ્ર વિસ્તારમાં ચકચાર મચી જવા પામી હતી. છરીથી કરવામાં આવેલા જીવલેણ હુમલામાં ઈજા પામેલા લોકોને શારદાબેન અને શેલ્બી હોસ્પિટલમાં સારવાર અર્થે ખસેડવામાં આવ્યા હતાં. બાપુનગર પોલીસે સમગ્ર ઘટનામાં ચાર આરોપીઓ સામે ફરિયાદ નોંધીને વધુ કાર્યવાહી હાથ ધરી છે. પોલીસને સતત પડકાર આપી રહેલા ગુનેગારો અમદાવાદમાં ગુનાખોરીનું પ્રમાણ સતત વધી રહ્યું છે. પોલીસના દાવા છે કે, શહેરમાં ગુનેગારો કંટ્રોલમાં છે પરંતુ બીજી તરફ ગુનાખોરીની અનેક ઘટનાઓ સામે આવી રહી છે. હત્યા, હુમલો, લૂંટ, ચોરી સહિત અસામાજિક તત્વો દ્વારા ફેલાવવામાં આવતા આતંકને કારણે શહેરના લોકોમાં ભય ફેલાયો છે. ગુનેગારોને જાણે પોલીસ કે, કાયદાનો કોઈ ડર જ ના હોય તેમ બેફામ બની રહ્યાં છે. ગૃહમંત્રીએ જાહેરમાં કહ્યું હતું કે, પોલીસને પડકાર ફેંકનારાના હાલ એવા થશે કે તેણે હનુમાનજીના દર્શન કરવા પડશે. તો આવા ગુનેગારો રોજ બેફામ બની પડકાર ફેંકી રહ્યાં છે. આ પણ વાંચોઃ Ahmedabad : રાજ્યભરમાં ધૂળેટી પર્વે માતમ, ડૂબી જવાથી 18થી વધુના મોત, રાત્રે 9 વાગ્યા સુધી 4890 ઇમરજન્સી કેસ નોંધાયા

Read Full Story arrow_forward

calendar_today March 5, 2026

Bihar Politics: તો શું નિશાંત કુમાર બિહારના ડેપ્યુટી સીએમ બનશે? જાણો, રાજકારણથી દૂર રહેનાર નીતિશ કુમારના પુત્ર વિશે

નીતિશ કુમારની રાજ્યસભા ચૂંટણીની ચર્ચા વચ્ચે તેમના એકમાત્ર પુત્ર નિશાંત કુમારના રાજકારણમાં પ્રવેશવાની અટકળો તેજ થઈ ગઈ છે. અત્યાર સુધી, નિશાંત કુમાર રાજનીતિથી દૂર રહેતા હતા. લો પ્રોફાઇલ જીવન જીવતા હતા. પરંતુ હવે  બિહારમાં બદલાતા રાજકીય પરિદૃશ્ય સૂચવે છે કે તેઓ ટૂંક સમયમાં ડેપ્યુટી સીએમ તરીકે પોતાની રાજકીય કારકિર્દી શરૂ કરી શકે છે.નિશાંત કુમાર વ્યવસાયે એન્જિનિયર નીતિશ કુમારથી વિપરીત, નિશાંત કુમાર અત્યાર સુધી લાઈમલાઈટ અને જાહેર કાર્યક્રમોથી દૂર રહ્યા છે. જો કે, વર્તમાન રાજકીય ઉથલપાથલ પરિસ્થિતિને બદલી રહી હોય તેવું લાગે છે.નિશાંત કુમારને શિક્ષિત અને ગંભીર વ્યક્તિ માનવામાં આવે છે. તેમના પિતાની જેમ, તેઓ પણ વ્યવસાયે એન્જિનિયર છે. તેમણે રાંચીના મેસરા સ્થિત પ્રતિષ્ઠિત બિરલા ઇન્સ્ટિટ્યૂટ ઓફ ટેકનોલોજી (BIT) માંથી સોફ્ટવેર એન્જિનિયરિંગમાં સ્નાતક થયા છે.JDU નેતાએ નિશાંત કુમારને "દ્રષ્ટા" કહ્યા. જૂન 2025 માં JDU ના મહાસચિવ પરમ હંસ કુમારે પણ નિશાંત કુમારને રાજકારણમાં જોડાવાની સલાહ આપી. તેમણે કહ્યું કે વર્તમાન પરિસ્થિતિને જોતાં, નિશાંત કુમારે પાર્ટી અને રાજ્યના ભલા માટે આગળ આવવું જોઈએ. પરમ હંસ કુમારે કહ્યું કે નિશાંત જી ખૂબ જ શાંત અને દૂરંદેશી નેતા સાબિત થઈ શકે છે. આપણે જે જોયું અને સાંભળ્યું છે તેના પરથી, તેઓ ખૂબ જ નમ્ર છે અને એક અસરકારક યુવા નેતા બની શકે છે.રાજ્યસભામાં પ્રવેશવાની તૈયારી કરી રહ્યા છે નીતિશ કુમાર એવાઅહેવાલ છે કે નીતિશ કુમાર રાજ્યસભામાં પ્રવેશવાની તૈયારી કરી રહ્યા છે. બંધારણ મુજબ કોઈ વ્યક્તિ બે ગૃહોનો સભ્ય ન હોઈ શકે. તેથી રાજ્યસભામાં પ્રવેશવા માટે નીતિશ કુમારે મુખ્યમંત્રી પદ પરથી રાજીનામું આપવું પડશે. JDU સૂત્રોના જણાવ્યા અનુસાર, નીતિશ કુમાર આવતીકાલે રાજ્યસભા બેઠક માટે પોતાનું નામાંકન દાખલ કરશે. તેઓ 16 માર્ચે રાજ્યસભાની ચૂંટણી સુધી બિહારના મુખ્યમંત્રી રહેશે. ભાજપમાંથી નવો મુખ્યમંત્રી બની શકે નીતિશ કુમાર પછી, બિહારના મુખ્યમંત્રીનું પદ ભાજપના કોઈ નેતાને સોંપવામાં આવી શકે છે. આ વાતની હજુ સુધી સત્તાવાર પુષ્ટિ થઈ નથી.

Read Full Story arrow_forward

calendar_today March 5, 2026

Gujarat Latest News Live : એર ઇન્ડિયાની વધારાની ફ્લાઇટ્સની જાહેરાત, દિલ્હી-ટોરોન્ટો વચ્ચે ત્રણ ફ્લાઇટ્સ વધારી

ગુજરાત અને દેશ દુનિયાના સમાચાર સંદેશ ન્યૂઝના આ ન્યૂઝ બ્લોગ પર ક્લિક કરીને વાંચી શકશો. 05 માર્ચના બ્રેકીંગ ન્યૂઝ વાંચવા માટે આ પેજ પર બનેલા રહો અને રિફ્રેશ કરતા રહો.

Read Full Story arrow_forward