Gujarat Weather News: રાજ્યમાં આગામી સાત દિવસ વાતાવરણ સૂકુ રહેશે, ઉકળાટ વધવાની શક્યતા
ગુજરાતમાં શિયાળાની વિદાય બાદ અંગ દઝાડતી ગરમીની શરૂઆત થઈ ગઈ છે. ધોમધખતો તડકો લાગતાં લોકો ત્રાહિમામ પોકારી ઉઠ્યાં છે. હજી શરૂઆતમાં જ આટલી ગરમી છે તો આગામી દિવસોમાં કેટલી ગરમીનો અનુભવ થશે એ આગામી દિવસોમાં અહેસાસ થશે. હવામાન વિભાગે રાજ્યમાં ગરમીમાં વધારો થવાની આગાહી કરી છે. પવનની દિશા બદલાતા રાજ્યમાં ગરમીમાં વધારો થશે. હવામાન વિભાગની આગાહી પ્રમાણે આગામી સાત દિવસ સુધી વાતાવરણ સુકૂ રહેશે. ગરમીનો પારો વધવાની શક્યતાઓ હવામાન વિભાગની આગાહી પ્રમાણે રાજ્યમાં અપર સાયક્લોનિક સર્ક્યુલેશન સક્રિય થવાથી આગામી સાત દિવસ વાતાવરણ સૂકુ રહેશે. રાજ્યમાં ઉરળાટનું પ્રમાણ વધશે. રાજ્યમાં 4થી6 માર્ચે ગરમ પવન ફૂંકાશે.પવનની દિશા બદલાતા ગરમીમાં વધારો થશે. અમદાવાદમાં મહત્તમ તાપમાન 36.05, ડીસા અને ગાંધીનગરમાં 36.05, વડોદરામાં 35.02, સુરતમાં 34 ડિગ્રી, ભુજમાં 35 ડિગ્રી, કંડલામાં 35 ડિગ્રી, ભાવનગરમાં 33.02 ડિગ્રી, સુરેન્દ્રનગરમાં 35.08 ડિગ્રી તાપમાન નોંધાયું છે. આગામી સમયમાં કચ્છ અને ઉત્તર ગુજરાતના ભાગોમાં ગરમીનો પારો વધવાની શક્યતાઓ સેવાઈ રહી છે. ગુજરાતમાં આ વર્ષે ચોમાસું સારું રહેશે હવામાન વિભાગની આગાહી પ્રમાણે ગુજરાતમાં આ વર્ષે વરસાદ સારા પ્રમાણમાં થશે. માર્ચ મહિનામાં ગરમી વધતાં સારો વરસાદ આવશે. રાજ્યમાં મહત્તમ તાપમાન સામાન્યથી વધુ રહેશે. માર્ચમાં કચ્છ અને દ્વારકામાં અસહ્ય ઉકળાટનો અનુભવ થશે. ઉત્તર ગુજરાતમાં 40 ડિગ્રીથી વધુ તાપમાન નોંધાશે. મધ્ય ગુજરાતમાં પણ 40 ડિગ્રીથી વધુ તાપમાન નોંધાશે. જ્યારે માર્ચ મહિનામાં જ પ્રિમોન્સૂન એક્ટિવિટીની શક્યતાઓ છે.બીજી તરફ હાલમાં પવનની દિશા બદલાતા ગરમીમાં વધારો થશે. આ પણ વાંચોઃ Oil Crisis: તેલની અછતને પહોંચી વળવા માટે ભારતનો શું છે માસ્ટર પ્લાન?, જાણો
Read Full Story arrow_forward
